स्थानीय

खोटाङ, पुस ३० । जिल्ला प्रशासन कार्यालय खोटाङले कोभिड–१९ को बढ्दो संक्रमणलाई मध्यनजर गर्दै २५ जना भन्दा बढी मानिसको उपस्थिति हुने सबै खालका गतिविधिमा रोक लागएको छ । प्रुमख जिल्ला अधकिारी फणिन्द्र दाहालले जारी गरेको आदेशमा २५ जना भन्दा बढी मानिसको उपस्थिति हुने गरी कुनै पनि किसिमको मेला, भेला तथा महोत्सवहरू एवं सामाजिकलगायतका कार्यहरु गर्न नपाइने उल्लेख छ । बिहिबार राति १२ बजेदेखि लागु हुने गरी प्रजिअ दाहालले कोरोना रोकथाम, नियन्त्रण र उपचारलाई थप प्रभावकारी बनाउन ७ बुँदे आदेश जारी गर्नुभएको छ । कोभिड –१९ संकट व्यवस्थापन केन्द्र (सीसीएमसी) को सिफारिस एवं गृह मन्त्रालयको निर्णय, संक्रमण रोग ऐन, २०२० को दफा २ ले दिएको अधिकार र स्थानीय प्रशासन ऐन, २०२८ को दफा ६ को उपदफा ३ ले दिएको अधिकार प्रयोग गरी प्रजिअ दाहालले अर्को सूचना जारी नभएसम्मका लागि आदेश जारी गर्नुभएको हो । आदेशमा राजनीतिक, आ...

खोटाङ, पुस २९ । आगामी माघ १२ गते हुने राष्ट्रियसभा निर्वाचनमा खोटाङबाट मतदान गर्ने जनप्रतिनिधिहरूबीच गठबन्धन दलले आफ्नो पक्षका उम्मेद्वारलाई जिताउन समन्वय गर्ने भएको छ । बुधबार गठबन्धनमा आबद्ध नेपाली कांग्रेस, नेकपा माओवादी केन्द्र, नेकपा एकीकृत समाजवादी र जनता समाजवादी पार्टीको संयुक्त बैठक बसेको थियो । बैठकका निर्णय बिहिबार नेपाली कांग्रेस खोटाङको पार्टी कार्यालय वीपी स्मृति भवन दिक्तेलमा पत्रकार सम्मेलनमार्फत सार्वजनिक गर्दै जिल्लामा गठबन्धनको अध्यक्षता गरिरहनुभएका कांग्रेस सभापति विष्णुकुमार राईले उक्त जानकारी दिनुभएको हो । राष्ट्रियसभा निर्वाचनमा गठबन्धनमा आबद्ध दलका उम्मेद्वारलाई मतदान गरेर विजयी गराउन जिल्लाका विभन्न पालिकाका जनप्रतिनिधिबीच समन्वय गरिने राईले बताउनुभयो । बैठकले खोटाङ जिल्लाको समग्र विकास निर्माणको लागि साझा प्रयासहरू जारी राख्ने र गठबन्धनमा आबद्ध दलहरूको पालिकाहर...

खोटाङ, पुस २९ । प्रेस काउन्सिल नेपालका अध्यक्ष बालकृष्ण बस्नेतले राजनीतिक दलको नेता बन्न चाहनेले पत्रकारिता छोड्नुपर्ने बताउनुभएको छ । बिहिबार दिक्तेल भवनगैह्रास्थित थ्री ब्रदर्श होटलको सभाहलमा भएको ‘पत्रकार आचारसंहिता जागरण र मिडियाप्रतिको जनगुनासो सुनुवाइ’ विषयक अन्तरक्रिया कार्यक्रममा अध्यक्ष बस्नेतले यस्तो बताउनुभएको हो । काउन्सिलको आयोजना र नेपाल पत्रकार महासंघ खोटाङ शाखाको संयोजनमा भएको अन्तरक्रिया कार्यक्रममा प्रमुख अतिथिको रूपमा बोल्दै बस्नेतले पत्रकारिता आफैँमा स्वतन्त्र क्षेत्र भएकाले यसमा राजनीतिलाई प्रवेश दिन नहुने बताउनुभयो । राजीनितिमा लागेका व्यक्ति पत्रकारितामा रहँदा यसको गरिमा र विश्वसनीयतामा ह्रास आउने उहाँको भनाइ छ । पत्रकार जनताको प्रतिनिधि र विश्वासपात्र भएकाले यसमाथि प्रश्न उठ्ने ठाउँ बनाउन दिन नहुने बस्नेतले बताउनुभयो । पत्रकारले लेखेको समाचारका आधारमा समाजमा आम ...

खोटाङ, पुस २८ । खोटाङका करिब १८ हजार बालाबालिकाले कोरोना भाइरसविरुद्धको मोडर्ना खोप लगाएका छन् । पुस १८ गतेदेखि २५ गतेसम्म सञ्चालन भएको खोप अभियान अन्तर्गत जिल्लाका १२ वर्षदेखि १७ वर्षसम्मका करिब १८ हजार बालबालिकाले खोप लगाएका जिल्ला स्वास्थ्य कार्यालय खोटाङका प्रमुख पुण्यप्रसाद सिग्देलले जानकारी दिनुभयो । दुई नगरपालिका र ८ गाउँपालिका गरी दश स्थानीय तह रहेको यस जिल्लामा रावाबेसी, खोटेहाङ, दिप्रुङचुइचुम्मा, वराहपोखरी, साकेला, ऐँसेलुखर्क गाउँपालिका र हलेसी तुवाचुङ नगरपालिकामा १८ गतेदेखि २१ गतेसम्म खोप अभियान सञ्चालन भएको थियो । यस्तै जन्तेढुंगा र केपिलासगढी गाउँपालिकामा पुस १९ गतेदेखि २२ गतेसम्म र दिक्तेल रुपाकोट मझुवागढी नगरपालिकामा २१ गतेदेखि २३ गतेसम्म खोप अभियान सञ्चालन भएको थियो । सबै स्थानीय तहले विद्यालयमै बालबालिकालाई खोप लगाएका हुन । मोडर्ना खोपको पहिलो मात्रा लगाएका ती बालबालिक...

राजकुमार भट्टराई (सरगम)- खोटाङ, पुस २८ । खोटाङको जन्तेढुंगा गाउँपालिकामा ४१ किलोमिटर ग्रामीण सडक कालोपत्रे हुने भएको छ । वराहपोखरी गाउँपालिकाको बङ्सिलादेखि देविस्थान, चिसापानी हुँदै खोटेहाङसम्मको सडक एसियाली विकास बैंक (एडीबी) को आर्थिक सहयोग र जन्तेढुंगा गाउँपालिकाको समन्वयमा कालोपत्रे हुन लागेको हो । जिल्लाकै विकट मानिने जन्तेढुंगा गाउँपालिकामा सडकको ट्रयाक खोलिए पनि बर्खाको समयमा सवारी साधन ठप्प हुने गरेको छ । गाउँपालिकाको दुई वर्षदेखिको पहलमा सडक कालोपत्रे हुन लागेको गाउँपालिकाका रोजगार संयोजक विज्ञान राईले जानकारी दिनुभयो । ट्रयाक खोलिसकिएको उक्त सडकलाई स्तरोन्नति गर्दै कालोपत्रे हुने गरी विस्तृत परियोजना प्रतिवेदन (डीपीआर) तयार भएको छ । अबको एक माहिनाभित्रमा ठेक्का प्रक्रिया टुगिंने र काम सुरु हुने उहाँको भनाइ छ । प्रति किलोमिटर ७ करोड लागत लाग्ने गरी तयार भएको डीपीआर अनुसार जम...

खोटाङ, पुस २६ । खोटाङको ऐँसेलुखर्कबाट काठमाण्डौसम्म सिधा बस सेवा सञ्चालन हुने भएको छ । ऐँसेलुखर्क गाउँपालिका र खोटाङ यातायात प्रा.लि. बिच आज भएको सहमती अनुसार माघ दुई गतेबाट काठमाण्डौ सम्म सिधा बस सेवा सञ्चालन हुने भएको हो । ऐँसेलुखर्क बजारबाट हरेक दिन बिहान ५ बजे र काठमाण्डौबाट पनि बिहान ५ बजे बस छुट्ने खोटाङ यातायात प्रा.लि.का महासचिव* राम हिङ्माङले जानकारी दिनुभयो । बस ऐँसेलुखर्क बजारबाट रावाबेसी गाउँपालिका ५ दुबेकोल, १ कुभिण्डे हुँदै काठमाण्डौ जनेछ । ऐँसेलुखर्कदेखि काठमाण्डौसम्मको बस भाडा १ हजार ७ सय निर्धारण गरिएको हिङ्माङले बताउनु भयो ।...

खोटाङ, पुस २४ । खोटाङको दिक्तेल रुपाकोट मझुवागढी नगरपालिका–४ स्थित स्वास्थ्य चौकी खाल्लेमा इलेक्ट्रिक वाटर डिस्पेन्सर जडान गरिएको छ । सवारी दुर्घटनामा परी निधन भएका मालपोत कार्यालय खोटाङका नायव सुब्बा हरिलाल राईको स्मृतिमा उहाँको परिवारले निःशुल्क प्रदान गरेको उपकरण स्वास्थ्य चौकीमा जडान गरिएको हो । स्वर्गीय राईका दाजु प्रकाश राईले आफ्ना भाइको वार्षिक पुण्यतिथिको अवसरमा स्वास्थ्य चौकीलाई पुस ८ गते उक्त उपरकरण हस्तान्तरण गर्नुभएको थियो । उपकरण जडानसँगै स्वास्थ्य चौकीका कर्मचारी र उपचारका लागि आउने बिरामीहरूलाई शुद्ध पिउने पानीको सुविधा भएको स्वास्थ्य चौकी खाल्लेका प्रमुख सन्तोष भट्टराईले बताउनुभयो । उक्त उपकरणमा आवश्यकता अनुसार चिसो वा तातो पानी राखेर पिउन सकिने उहाँको भनाइ छ । गत वर्ष पुस ८ गते मालपोतसँग सम्वन्धित गोष्ठीको सिलसिलामा उदयपुरको गाईघाट पुगेर लहान हुँदै फर्कने क्रममा बसको ठ...

खोटाङ, पुस २५ । नेकपा एमाले खोटाङले भ्रष्टाचार र कालोबजारी विरुद्ध सशक्त आवाज उठाउने भएको छ । आज दिक्तेलस्थित होटल शुभदिनमा आयोजित पत्रकार भेटघाट कार्यक्रममा पार्टी जिल्ला सचिव कुमार आचार्यले पार्टीको नवनिर्वाचित कमिटीले भ्रष्टाचार र कालोबजारी विरुद्ध आवाज बुलन्द पार्ने बताउनुभएको हो । कार्यक्रममा सचिव आचार्यले २३औँ जिल्ला अधिवेशनले सर्वसम्मत पारित गरेका प्रतिवेदनहरू सार्वजनिक गर्नुभएको थियो । प्रतिवेदनमाथि उठेका प्रश्नको एमाले केन्द्रीय सदस्य उषाकला राई र जिल्ला अध्यक्ष रामप्रसाद दंगालले जवाफ दिनुभएको थियो । दिक्तेल माटिकोरेस्थित जिल्ला खेलकुद विकास समितिको कभर्ड हलमा हिजो सम्पन्न पार्टीको २३औँ जिल्ला अधिवेशनमा रामप्रसाद दंगालले प्रस्तुत गर्नुभएको राजनीतिक प्रतिवेदन, कुमार आचार्यले प्रस्तुत गर्नुभएको सांगठनिक प्रतिवेदन, दीपनारायण रिजालले प्रस्तुत गर्नुभएको ‘खोटाङ जिल्लाका समृद्धिका आधार...

खोटाङ, पुस २४ । नेकपा एमाले जिल्ला कार्य समिति खोटाङको अध्यक्षमा राम प्रसाद दंगाल निर्वाचत हुनु भएको छ । शुक्रबारबाट दिक्तेल स्थीत माटिकोरे कर्भडहलमा सुरु भएको सातौँ जिल्ला अअधिवेशनले आज दंगाललाई सर्वसम्मत अध्यक्षमा निर्वाचित गरेको हो । यस्तै समितिको उपाध्यक्षमा देवबिक्रम राई, सचिवमा कुमार आचर्य, उपसचिवमा दिपनारायण रिजाल र सुरेन्द्र कुमार राई सर्वसम्मत निर्वाचित हुनुभएको नेकपा एमाले खोटाङले जनाएको छ । एमालेको सातौँ जिल्ला अधिवेशनको प्रमुख अतिधिको रुपमा पार्टीका पोलिटव्युरो सदस्य एवं संसदियलका प्रमुख सचेतक विशाल भट्टराई, बिशेष अतिथिमा केद्रिय सदस्य एवं जनसांस्कृतिक महासंघका इञ्चार्ज खगेन्द्र राई, केन्द्रिय सदस्य एवं खेलकुद महासंघका अध्यक्ष रमेश पौडेल र केन्द्रिय सदस्य एवं पुर्व प्रदेश सामाजिक विकास मन्त्री उषाकला राईको उपस्थीती रहेको थियो । अधिवेशनमा जिल्ला भरीका १ हजार प्रतिनिधिसँगै कर...