स्थानीय

खोटाङ, पुस ८ । जिल्लाको रावाबेसी गाउँपालिका–६ हौँचुर निवासी अग्निपीडित ज्ञानेन्द्र खड्कालाई सहयोग जुट्न थालेको छ । खड्कालाई आज कतार सेवा समाजले रु २० हजार नगद सहयोग गरेको समाजका सदस्य गजेन्द्र राईले जानकारी दिनुभयो । खड्काको नाममा कतार सेवा समाजले कतारबाट बैंकमा नगद पठाएको हो । यस्तै मलेसियाबाट पनि आर्थीक सहयोग प्राप्त भएको छ । रोजगारीको लागि मलेसिया बस्दै आएका सोहि गाउँका रामचन्द्र खड्का, रुद्र श्रेष्ठ, सिमोन श्रेष्ठ, नविन कार्की, राम बस्नेत, मुमेश श्रेष्ठ र सबिन श्रेष्ठले रु ४५ हजार पीडित खड्काको नाममा नगद पठाएको बताइएको छ । यस्तै सोहि गाउँका टिकाराम राईले रु ४ हजार, संगम कार्कीले रु १० हजार ३ सय ३३, दिल कुमार श्रेष्ठले रु ५ हजार, चिरन कार्कीले रु ३ हजार रकम सहयोग गर्नु भएको सहयोग संकलनका संयोजक शुक्र बहादुर श्रेष्ठले बताउनु भयो । यसअघि गाउँपालिकाले १२० केजि चामल, १० लिटर खानेतेल, ५ क...

खोटाङ, पुस ८ । खोटाङको दिक्तेल रुपाकोट मझुवागढी नगरपालिका १० पाथेकामा एकै दिन एउटै विद्यालयका दुई वटा भवन उद्घाटन भएको छ । पाथेका स्थित सरस्वती माध्यमिक बिद्यालयको २ तले ४ कोठे भवन र ३ कोठे पक्की भवनको बुधबार एक कार्यक्रमका बिच नगरपालिकाका मेयर दिप नारायण रिजाल र उपमेयर बिणादेवी राईले संयुक्त रुपमा उद्घाटन गर्नु भएको मेयर रिजालका राजनितिक सल्लाहकार कमल ढकालले जानकारी दिनुभयो । जिल्ला आयोजना कार्यान्वयन इकाइ (शिक्षा) कार्यलय खोटाङको रु ७० लाख ४० हजारमा २ तले ४ कोठे विद्यालयको भवन र रु १५ लाखमा शौचालय निर्माण भएको हो । यस्तै उद्घाटन भएको अर्को ३ कोठे भवन नगरपालिकाको रु ३५ लाख लागतमा निर्माण भएको हो भने सोहि रकमबाट विद्यालयको परिसरमा तारजालीको घेराबारसमेत लागाइएको ढकालले बताउनु भयो । वि.सं. २०१७ सालदेखि सञ्चालनमा आएर कक्षा १० सम्म पठनपाठन भइरहेको उक्त विद्यालयमा यतिबेला ४१४ जना विद्यार्थीले...

खोटाङ, पुस ७  । खोटाङको रावाबेसी गाउँपालिका–५ दुबेकोलमा ४ करोड ५० लाख रुपैयाँको सिँचाइ आयोजना शिलान्यस भएको छ । खाडो नदी नियन्त्रण आयोजना कार्यालय राजविराजबाट कार्यान्वयन हुने एकीकृत उर्जा तथा सिँचाइ विशेष आयोजना अन्तर्गत स्वीकृत बजेटबाट दुबेकोल लिफ्ट इरिगेसन आयोजना शिलान्यस भएको हो । आयोजनाको बुधबार लोकसेवा आयोगका अध्यक्ष माधवप्रसाद रेग्मीले शिलान्यास गर्नुभएको छ । जलस्रोत तथा सिँचाइ विभागका सीडीई विजयकुमार रेग्मी , बैंक अफ काठमाडौँका सञ्चालक गोविन्दप्रसाद शर्मा रेग्मी र रावाबेसी गाउँपालिकाका अध्यक्ष लिलानाथ निरौलाको संयुक्त पहलमा दुबेकोलेमा उक्त योजना ल्याइएको हो । आयोजना आगामी वर्ष २०७९ को असार मसान्तसम्ममा निर्माण सम्पन्न गर्ने गरी रौताहा भिमेश्वर एआरके जेभीले ठेक्का पाएको छ । रावाखोलाबाट पानी लिफ्टिङ गरेर दुवेकोलको रेग्मीगाउँमा पु-याईने उक्त योजना सम्पन्न पश्चात करिब २२ हेक्टर क्षेत...

खोटाङ, पुस ७ । खोटाङको खोटेहाङ गाउँपालिका–४ बडकादियाले, नौलाकी दुवै मिर्गौला फेल भएकी १४ वर्षीया बालिका कविता विश्वकर्माको उपचारका लागि परिवारले सहयोगको याचाना गरेका छन् । दुवै मिर्गौला फेल भएर गत मंसिर ९ गतेदेखि शिक्षण अस्पताल महारागञ्ज, काठमाडौँमा भर्ना गरिएकी कविताको अहिले पेडियाट्रिक विभागका डा. सीताराम न्यौपाने नेतृत्वको चिकित्सकको टोलीले मिर्गौलाको डायलासिस गरिरहेको छ । उपचारका क्रममा डाक्टरबाट होमोडायलासिस वा मिर्गौला प्रत्यारोपण गर्नुपर्ने सुुझाव आएकाले थप आर्थिक समस्या भएको कविताको उपचारका लागि अस्पतालमा सँगै रहनुभएका उहाँका काका चन्द्रबहादुर विश्वकर्माले बताउनुभयो । कमजोर आर्थिक अवस्थाका कारण उपचारमा समस्या भएपछि परिवारले इच्छुकलाई आर्थिक सहयोग गर्न अपिल गरेका हुन् । सहयोग गर्न चाहने व्यक्तिले बिरामी बालिका कविताका बुुबा श्यामकुमार विश्वकर्मालाई ९८६०५५४४२४ मा सम्पर्क गर्न वा ...

खोटाङ, पुस ६ । जिल्लाको रावाबेसी गाउँपालिका–३, तीनतिर्पामा रुख काट्ने क्रममा एक जनाको ज्यान गएको छ । स्थानीय नरबहादुर केप्छाकी मगरको आज करिब मध्यान्ह १२ बजेतिर घर नजिकै रहेको सल्लाको रुख काट्ने क्रममा सोही रुखले ढलेर थिच्दा ज्यान गएको स्थानीय सुनिल खतिवडाले जानकारी दिनुभयो । घटनाको जानकारी पाएपछि इलाका प्रहरी कार्यालय हलेसी र प्रहरी चौकी अर्खौलेबाट गएको प्रहरी टोलीले शवको मुचुल्का उठाएको बताइएको छ । मृतकको शव पोष्टमाार्टका लागि जिल्ला सदरमुकाम दिक्तेल लैजाने तयारी भइरहेको छ ।...

खोटाङ, पुस ६ । खोटाङको दिक्तेल रुपाकोट मझुवागढी नगरपालिका १४ बुईपाका सुसन श्रेष्ठले ९ बर्षको उमेरमा जन्मदर्ता प्रमाणपत्र पाएका छन । सुसन आमाको मृत्यु पश्चात हलेसी तुवाचुङ नगरपालिका ५ दुर्छिममा मामाघरमा बस्दै आएका छन । ९ बर्ष पुग्दा समेत जन्मदर्ता नभएपछि विद्यालयमा अध्यान गर्न समेत उनलाई समस्या भएको थियो । नाताले सुसनको क्षमा (सानीआमा) पर्ने नम्रता राईले चन्द्र सुर्य साझा बाल मञ्चलाई आग्रह गरेपछि बालमञ्चको पहलमा सुसनले जन्मदर्ता प्रमाणपत्र प्राप्त गरेका छन । सुसनकी आमा र सुसनको बुवाले भागेर अन्तरजातिय बिहे गरेका थिए । आमाको मृत्यु पश्चात वुबाले वास्ता नगरेपछि सुसन मामाघरमा बस्दै आएका छन । जन्मदर्ताको लागि पटक पटक सुसनको वुबा गोबिन्द श्रेष्ठलाई आग्रह गरिएपनि व्यवास्ता गरेपछि सुसनकि कोकु (हजुरआमा) कृष्ण कुमारी श्रेष्ठको सहयोगमा वडाकार्यलयले सुसनलाई जन्मदर्ताको प्रमाणपत्र प्रदान गरेको बाल मञ्...

राजकुमार भट्टराई(सरगम) खोटाङ, पुस ६ गते । खोटाङको रावाबेसी गाउँपालिकामा पहिलो पटक बैंक पुगेको छ । गाउँपालिकाको केन्द्र कुभिण्डे, हरम्टारमा राष्ट्रिय वाणिज्य बैंकको पाँचौ शाखा विस्तार भएको हो । शाखाको आज (मंगलवार) एक कार्यक्रमका बिच लोकसेवा आयोगका अध्यक्ष माधवप्रसाद रेग्मीले उद्घाटन गर्नुभएको हाम्रा पालिका सहकर्मी युवराज भट्टराईले जानकारी दिनुभयो । जिल्लाका अन्य सबै पालिकामा विभिन्न बैंकका शाखा विस्तार भइसक्दा पनि रावाबेसीमा भने यस अघिसम्म कुनै पनि बैंकको शाखा पुगेको थिएन । लामो समयको पहलपछि गाउँपालिका केन्द्र हरम्टार कुभिण्डेमा राष्ट्रिय वाणिज्य बैंकको शाखा विस्तार हुन सफल भएको गाउँपालिकाका अध्यक्ष लिलानाथ निरौलाले बताउनु भयो । बैंकको लागि भवन निर्माणको आवश्यक प्रक्रिया अगाडि बढाउन रा.वा.बैंक १ नं. प्रदेश कार्यालय विराटनगर, रा.वा. बैंक शाखा कार्यालय दिक्तेल र गाउँपालिकाबीच गत मंसिर ९ गत...

खोटाङ, पुस ५ । खोटाङको दिक्तेल रुपाकोट मझुवागढी नगरपालिकाले नगर क्षेत्रमा कार्यरत स्वास्थ्यकर्मीलाई वृहत पोषण प्याकेज सम्बन्धी आधारभूत क्षमता अभिवृद्धि तालिम दिन सुरु गरेको छ । स्वास्थ्यकर्मीहरूको क्षमता अभिवृद्धि गराई समुदाय स्तरमा पोषणको अवस्था सुधार गर्न सात दिने तालिम आयोजना गरिएको नगरपलिकाको स्वास्थ्य शाखाले जनाएको छ । पोषणको अवस्थाबारे जानकारी नहुँदा विभिन्न रोग लाग्ने तथा सोही कारण कतिपयले अकालमै ज्यान गुमाउने गरेको तथ्यलाई स्मरण गर्दैै कुपोषण घटाउने उद्देश्यका साथ तालिम दिन सुरु गरिएको नगर स्वास्थ्य प्रमुख तीर्थ आचार्यले जानकारी दिनुभयो । आजदेखि पुस ११ गतेसम्म सञ्चालन हुने तालिममा जिल्ला अस्पताल तथा नगरका विभिन्न स्वास्थ्य संस्थामा कार्यरत स्वास्थ्यकर्मी गरी २५ जना सहभागी छन् । सदरमुकाम दिक्तेलस्थित होटल शुभदिनमा आयोजित तालिमका सहभागीहरूले तालिम सकिएपछि आफू कार्यरत क्षेत्रका महि...

खोटाङ, पुस ५ । जिल्लाको केपिलासगढी गाउँपालिकाले गाउँपालिकाभित्र सञ्चालनमा रहेका ३७ वटा सामुदायिक विद्यालयहरूलाई प्रति विद्यालय एक सेट ग्याँस सिलिन्डर र चुल्हो वितरण गरेको छ । गाउँपालिकाको बार्षिक कार्यक्रम अनुसार ३ लाख ३१ हजार ५ सय ९५ रुपैयाँ रकमबाट खरिद गरी गाउँपालिकाका आधारभूत तथा माध्यमिक विद्यालयलाई ग्याँस सिलिन्डर र चुुल्हो वितरण गरिएको हो । विद्यालयका शिक्षक, कर्मचारी र विद्यार्थीहरूलाई चिया–खाजा खानमा सहयोग पु¥याउने उद्देश्यले ग्याँस सिलिन्डर र चुल्हो वितरण गरिएको गाउँपालिकाका शिक्षा शाखा अधिकृत सु्रेन्द्र खनालले जानकारी दिनुभयो । कोभिडपछिको शैक्षिक गतिविधि विषयमा छलफल गर्न आज ३७ वटै विद्यालयका प्रधानाध्यपक सहभागी कार्यक्रममा गाउँपालिका अध्यक्ष कृष्णकुमाार राई र उपाध्यक्ष हिराकुमारी वन गिरीले सम्बन्धित विद्यालयका प्रधानाध्यापकलाई ग्याँस सिलिन्डर र चुल्हो हस्तान्तरण गर्नुभएको छ । ...