समाज

खोटाङ, चैत ८ । खोटाङ उद्योग वाणिज्य संघमा विवाद देखिएको छ । संघको ११ औं अधिवेशनलाई लिएर छुट्टा छुट्टै गरिएका निर्णयले विवाद उत्पन्न भएको हो । गत फागुन २३ गते निर्वाचन हुने गरी फागुन १३ गते उद्घाटन भएको संघको निर्वाचन राष्ट्रपति तथा उपराष्ट्रपतिको निर्वाचनको आचारसंहिता लागू भएपछि चैत्र ९ गतेलाई सारिएको थियो । निर्वाचन सरेपछि फागुन १७ गते बसेको संघको सचिवालय बैठकले सदस्यता नविकरण गर्न बाँकी रहेका सदस्यहरुका लागि फागुन ३० गतेसम्म सदस्यता नविकरण खुल्ला गर्ने र उनीहरुलाई चैत्र ९ गते हुने निर्वाचनमा सहभागी हुन पाउने निर्णय गरेको थियो । तर सचिवालयले गरेको निर्णय चैत्र ५ गते बसेकोे पूर्ण बैठकले अनुमोदन गर्न नमानेपछि संघमा विवाद सुरु भएको देखिन्छ । फागुन १७ गते गरिएको निर्णय आधारिक हुने एक पक्षको माग रहेको छ । चैत ५ गते गरिएको निर्णय निर्वाचनलाई प्रभावित गर्ने गरि भएको भन्दै असन्तुष्ट पक्षले खारे...

खोटाङ, चैत ७ । खोटाङको हलेसी तुवाचुङ नगरपालिकाले सबै कार्यालय, विद्यालय, अस्पताल लगायतका सार्वजनिक ठाउँहरुमा मादक पदार्थ सेवन (मापसे) परिक्षण गर्ने भएको छ । शिक्षक, स्वाथ्यकर्मी, कार्यालय सहयोगिहरुले मादक पदार्थ सेवन गरेर कार्यालयमा आउने गरेको गुनासो आएपछि मापसे परिक्षण गर्ने निर्णय गरिएको मेयर विमला राईले जानकारी दिनुभयो । मंगलबार बसेको नगर कार्यापालिकाको बैठकलले ब्रेथलाइजरबाट मापसे परिक्षण गर्ने मेशिन खरिद गर्ने निर्णय गरेको छ । नगरपालिकाले ७ वटा मेशिन खरिद गरेर नगर भित्र रहेका ६ वटा प्रहरी चौकी र १ नगर अस्पतालमा दिने निर्णय गरिएको मेयर राईले बताउनुभयो । ‘केही विद्यालयमा शिक्षकहरु मापसे गरेर विद्यालय आउने गरेको गुनासो आएको छ । स्वास्थ चौकिमा केही स्वास्थ्य कर्मी पनि मापसे गरेर आउने गरेका रहेछन् । अझ वडा कार्यालयमासमेत सहयोगि कर्मचारीहरु मापासे गरेर कार्यालय नै नियमित नआएने गरेको गुनासो ...

खोटाङ, चैत ६ । प्रभु बैंकको दिक्तेल शाखा, खोटाङका ब्राञ्च मेनेजर होमराज खतिवडा ग्राहकसँग करोडौँ पैसा सापटी लिएर फरार भएका छन् । प्रभु बैंकमा कारोबार गरिरहेका दर्जनौँ ब्यक्तिसँग करोडौँ पैसा सापटी लिएर एक महिना अघिदेखि खतिवडा फरार भएका हुन् । दिक्तेल रुपाकोट मझुवागढी नगरपालिका–३ बाम्राङ घर भएका खतिवडाले दर्जनौं व्यक्तिको पैसा सापटी फागुन १ गतेदेखि सम्पर्क विहिन बनेका खुलेको छ । खतिवडा सम्पर्क विहिन बनेपछि उनलाई पैसा सापटी दिएका स्थानीय फसेको भन्दै अत्तालिएका छन् । माघ मसान्तसम्म बैंकको शाखा कार्यालयको सम्पर्कमा रहेका खतिवडा एकाएक बेपत्ता भएका हुन् । खतिवडाले एकै व्यक्तिबाट १६ लाखसम्म सापटी लिएको चर्चा छ । खतिवडाले कतिपयलाई चेक दिएर पैसा सापटी लिएको पाइएको छ । उनले खातामा पैसा भएको ग्राहकलाई छानेर पैसा सापटी माग्ने गरेको दिक्तेल रुपाकोट मझुवागढी नगरपालिका–२ सोल्माका गंगाबहादुर बिश्वकर्माले ...

खोटाङ, चैत ४ । नेवा : देय् दबु संस्थाले खोटाङका ६ अग्निपीडित परिवारलाई आर्थीक सहयोग गरेको छ । विभिन्न समयमा घर आगलागि भएका ६ परिवारलाई संस्थाले शनिबार दिक्तेलमा एक कार्यक्रम आयोजना गरी आर्थीक सहयोग गरेको हो । गत पुस ४ गते केपिलासगढी गाउँपालिका–४ बाक्सीला बजारमा आगलागि हुँदा घर पुर्णरुपमा क्षति भएका पवन श्रेष्ठको परिवारलाई नगद १८ हजार प्रदान गरिएको छ । गत पुस ९ गते दिक्तेल रुपाकोट मझुवागढी नगरपालिका–३ बाम्राङमा घर आगलागि भएका तीन जना धनकुमारी श्रेष्ठ, मैया श्रेष्ठ र नविन श्रेष्ठको परिवारलाई नेवा : देय् दबुले नगद १८\१८ सहयोग गरेको हो । यस्तै, केही दिन अघि गत फागुन २७ गते घर आगलागि भएका दिक्तेल रुपाकोट मझुवागढी नगरपालिका–१२ जालपाका कुमार श्रेष्ठ र शुबिन श्रेष्ठको परिवारलाई २२२५०\२२२५० नगद सहयोग गरिएको नेवा : देय् दबु खोटाङका सचिव गोपाल श्रेष्ठले बताउनुभयो । नेवा : देय् दबु कोशी प्रदेश समित...

खोटाङ, चैत ४ । खोटाङमा एक ब्यक्तिले आफ्नै शरीरमा आगो लगाएका छन् । जिल्लाको दिक्तेल रुपाकोट मझुवागढी नगरपालिका–६ नेर्पाका २८ वर्षिय भोलाकाजी बास्तोलाले शरीरमा प्रेटोल छर्किएर आगो लगाएको जिल्ला प्रहरी कार्यालय खोटाङले जनाएको छ । शुक्रबार राती करीब ८ बजे आफ्नै शरीरमा आगो लगाएको देखिएपछि परिवारका अन्य सदस्य र छिमेकीले आगो निभाएका थिए । नजिकै रहेको तालखर्क प्रहरी चौकीबाट प्रहरी टोली पुग्दा आगो नियन्त्रणमा आइसकेको जिल्ला प्रहरी कार्यालय खोटाङका सूचना अधिकारी प्रहरी निरीक्षक रोमन अर्यालले बताउनुभयो । जिल्ला अस्पताल दिक्तेलमा सामान्य उपचार पश्चात घाइते बास्तोलालाई थप उपचारका लागि शुक्रबार राती नै काठमाडौं लगिएको छ । श्रीमतीसँगको झगडाले बास्तोलाले आफ्नै शरीरमा आगो लगाएको प्रहरीको अनुमान छ । यद्यपी पुष्टि हुन बाकी रहेको प्रहरी निरीक्षक अर्यालले बताउनुभयो । प्रेटोल छर्किएर आफ्नै शरीरमा आगो लगाएका ब...

खोटाङ, चैत ३ । खोटाङको दिक्तेलबजारमा ग्याँस सिलिण्डरबाट सुरु भएको आगो तथा शरीरमा लागेको आगो निभाउन अभ्यास प्रदर्शन गरिएको छ । घरमा प्रयोग भइरहेको ग्याँस लिक भएमा र कुनै ब्यक्तिको शरीरमा आगो लागेमा कसरी निभाउन सकिन्छ भनेर शसस्त्र प्रहरी बल नेपाल, नम्बर ७ गुल्म हलेसी, खोटाङले दिक्तेल बजारमा उपाय प्रदर्शन गरेको हो । घर–घरमा प्रयोग भइरहेको ग्याँस लिक भएर आगलागीका घट्ना बढिरहेको सन्दर्भमा शसस्त्र प्रहरी दिक्तेलको पुरानो बेस क्याम्पमा आगलागी नियन्त्रण प्रयास सम्वन्धी जनचेतनामुलक अभ्यास प्रदर्शन गरेको जनाएको छ । शसस्त्र प्रहरीले ग्याँस सिलिण्डरबाट बलेको आगोलाई भिजाएको कम्बलले बेरेर निभाउने तरिका प्रदर्शन गरेर देखाएका थिए । दर्शकका रुपमा उपस्थित स्थानीयलाई पनि सिलिण्डरबाट ग्याँस लिक भएर बलिरहेको आगो निभाउने अभ्यास गराइएको शसस्त्र प्रहरी बल नेपाल नम्बर ७ गुल्म, हलेसी, खोटाङले दिक्तेलका डिएसपी श्य...

खोटाङ, फागुन २७ । खोटाङको रावा बेसी गाउँपालिका–४ डुम्रे धारापानीस्थित कालिका भगवती सामुदायिक वनमा भिषण डढेलो लागेको छ । शनिबार दिउँसो करीब २ बजेबाट सुरु भएको डढेलो साँझसम्म ठुलो क्षेत्रमा फैलिएको स्थानीयले बताएका छन् । साविक ६ नम्बर धारापानी वनबाट सुरु भएको डढेलो नियन्त्रण बाहिर गएको वडाध्यक्ष ज्ञान बहादुर पाण्डेले बताउनुभयो । डढेलोबाट डुम्रेधारापानीका आतमारा, धैरेनिटार, मण्डलीछाप र कोट गाउँ गरी चार गाउँ जोखिममा रहेको उहाँको भनाइ छ । डढेलोले भीषण रुप लिएकाले नजिकै जाने अवस्था नरहेको वडाध्यक्ष पाण्डेले बताउनुभयो । डढेलो नियन्त्रणका लागि जिल्ला प्रहरी कार्यालय खोटाङलाई जानकारी गराइएको अध्यक्ष पाण्डेको भनाइ छ । बस्तीमा डढेलो जान नदिन स्थानीय प्रहरी चौकीबाट प्रहरी टोली खटिएको जिल्ला प्रहरी कार्यालय खोटाङले जनाएको छ ।...

खोटाङ, फागुन २४ । खोटाङमा हुन लागेको बालविवाह प्रहरीले रोकेको छ । जिल्लाको दिक्तेल रुपाकोट मझुवागढी नगरपालिका–१० पाथेकामा हुन लागेको १७ वर्षिया किशोरीको विवाह रोकिएको जिल्ला प्रहरी कार्यालय खोटाङले जनाएको छ । पाथेकाका १७ वर्षिया बालिकाको नेर्पाका २२ वर्षीय पुरुषसँग विवाहका लागि मंगलबार तयारी गरिएको बताइएको छ । बाल विवाह हुन लागेको खबर आएपछि प्रहरी चौकी तालखर्कबाट प्रहरी पुगेर रोकिएको प्रहरीले जनाएको छ । बाल विवाह गर्न लागेको भन्ने खबर आएपछि प्रहरी पुगेर सम्झाई बुझाई गरी विवाह रोकिएको जिल्ला प्रहरी कार्यालयका प्रमुख प्रहरी नायब उपरिक्षक मञ्जिल मुकारुङले जानकारी दिनुभयो ।...

खोटाङ, फागुन २४ । खोटाङको हलेसी तुवाचुङ नगरपालिकाले १७ जना पूर्व महिला जनप्रतिनिधिहरुलाई सम्मान गरेको छ । १३३ औं अन्तर्राष्ट्रिय महिला दिवसको अवसरमा नगरपालिकाले बुधबार दोसल्ला ओढाएर प्रमाणपत्रले सम्मान गरेको हो । ०७४ मा भएको स्थानीय तहको निर्वाचनमा हलेसी तुवाचुङ नगरपालिकामा निर्वाचित कतीपय महिला जनप्रतिनिधि पछिल्लो समय हराइरहेकाले हौसलास्वरुप उहाँहरुलाई सम्मान गरिएको हलेसी तुवाचुङ नगरपालिका मेयर विमला राईले बताउनुभयो । पूर्व महिला जनप्रतिनिधिलाई सम्मानसँगै महिला दिवसको अवसरमा सचेतना मुलक ¥याली, कर्मचारीहरुको सामुहिक स्वागत नृत्य, झाँकी, तामाङ सेलो, साकेला नाँच, बालन, करातेको डेमो प्रदर्शनी लगायतका कार्यक्रम नगरपालिकाले आयोजना गरेको थियो । नगरपालिकाको आयोजनामा हलेसी मन्दिरको प्रांगणमा भएको कार्यक्रमलाई सम्बोधन गर्न पुर्वशहरी विकास मन्त्री एवं नेकपा एकीकृत समाजवादीका सचिव रामकुमारी झाक्री,...

खोटाङ, फागुन २२ । खोटाङको हलेसी तुवाचुङ नगरपालिकाले फागुन २४ गतेका दिन मनाइने १३३ औं अन्तर्राष्ट्रिय महिला दिवस भब्यताका साथ मनाउने भएको छ । देशका दुई चर्चित महिला नेता, सामाजिक अभियान्ता प्रेरक वक्तासहितको उपस्थितिमा विभिन्न साँस्कृतिक कार्यक्रम गरिने नगरपालिकाले जनाएको छ । कार्यक्रमलाई सम्बोधन गर्न पुर्वशहरी विकास मन्त्री एवं नेकपा एकीकृत समाजवादीका सचिव रामकुमारी झाक्री, नेपाली कांग्रेसका केन्द्रीय सदस्य लक्ष्मी खतिवडा र प्रेरक वक्ता सुमी मानव हलेसी आउने नगरपालिकाका मेयर बिमला राईले जानकारी दिनुभयो । राईले भन्नुभयो, ‘उहाँहरु नेपालको उच्च ठाउँमा पुग्नु भएको छ । हरेक म्हिलाहरुलाई त्यो ठाउँमा पुग्ने मन हुन्छ, अझ भनौँ उहाँहरुको कुरा सुनेर सबैलाई प्रेरणा मिलोस् की त्यो ठाउँमा पुग्ने सबैको इच्छा चाहना बनोस् । त्यसैले उहाँहरुलाई कार्यक्रममा निमन्त्रणा गरिएको हो ।’ अहिले हरेक व्यक्ति, परिवार र...