समाज

खोटाङ, भदौ २९ । रावा बेसी गाउँपालिका–२ खार्पास्थित कल्लेरी खोलामा पहिरो जादा आवतजावतमा समस्या भएको छ । पहिरोले खार्पा गा.वि.सको साविक १ नम्बर वडा रुभुङ गाउँका नागरिकलाई विद्यालय र वडा कार्यालयसम्म आवतजावतमा समस्या भएको स्थानीयले बताएका छन् । लामो समयदेखि वर्षेनी बगिरहने कल्लेरी खोलाको पहिरोले बर्खाको समयमा रुभुङवासीलाई दुःख दिदैआएको छ । अघिल्ला वर्षहरु भन्दा यो वर्ष कल्लेरीमा ठुलो बाढी आउनुका साथै पहिरोले पनि क्षेत्र बढाएपछि रुभुङवासीलाई आवतजावतमा कठिन भएको स्थानीय उदिम चाम्लिङले बताउनुभयो । ‘खार्पाको वडा कार्यालय र शारदा माध्यमिक विद्यालय नजिकै पर्छ जहाँ पुग्न रुभुङवासीले कल्लेरी खोलाको पहिरो पार गर्नुपर्छ ।’ चाम्लिङले भन्नुभयो । करीब १०० मिटर क्षेत्रमा गएको पहिरो पानी परेको समयमा प्रायः बगिरहन्छ । जसले गर्दा विशेषगरी विद्यार्थीलाई विद्यालय आउन र जान समस्या भएको छ । विद्यार्थीहरु जोखिम ...

सुबास दर्नाल सोलुखुम्बु, भदौ २९ । सोलुखुम्बुको गार्मामा निर्माणाधिन पर्वतिय प्रतिष्ठानको कार्यलाई गति दिन माग गर्दै सोलुदुधकुण्ड नगरपालिका ७ गार्माले नेपाल पर्वतिय प्रशिक्षण प्रतिष्ठानको ध्यानार्कषण गराएको छ । बजेट अभावमा वर्षौदेखि निर्माण कार्यले गतिलिन नसकेको तथा गुरुयोजना अनुसार काम नभएकाले बजेट व्यवस्थापन गरि गुरुयोजना अनुरुप अघि बढाउन मन्त्रालयलाई ४ बुँदे माग पत्र पेस गरिएको हो । सोमबार वडाध्यक्ष सोनाम ग्याल्जेन शेर्पाको अध्यक्षतामा जनप्रतिनिधि र सरोकारवालाहरुसँग बसेको बैठकले काममा अत्यन्तै ढिला सुस्ती भएकाले कामको गतिलाई बढाई पर्वतिय कलेज गार्मामा नै सञ्चालन गर्न माग गर्दै माग सहितको ध्यानार्कषण पत्र नेपाल पर्वतिय प्रशिक्षण प्रतिष्ठानका कार्यकारी निर्देशक रुद्र प्रसाद चौलागाईलाई ध्यानाकर्षणपत्र पेस गरिएको छ । माग पत्रमा नेपाल पर्वतिय प्रशिक्षण प्रतिष्ठान स्थापना पश्चात प्रतिष्ठानस...

खोटाङ, भदौ २६ । जिल्ला सदरमुकामसमेत रहेको दिक्तेल रुपाकाकोट मझुवागढी नगरपालिका–१ दिक्तेल बजार कुरुप बन्दै गएको छ । जथाभावी बिछ्याइएको तारले बजार क्षेत्र कुरुप देखिन थालेको हो । बजारको बिचमा विद्युतका पोलहरु गाडिएका छन् । सोही पोलबाट विद्युतको तार, नेपाल टेलिकमका तार र विभिन्न नेटका तारहरु छरपस्ट तरिकाले टागिएका छन् । जसले गर्दा दिक्तेल बजारको रुप हराउदै गएको छ । बजार क्षेत्र रत्नपार्क (किराँत चोक) देखि हाडडाँडा सम्म नै जथाभावी तारहरु टागिएका छन् । कतिपय ठाउँमा तारले तल सडकसम्म छुन लागेकाले सवारी साधन आवतजावतदेखि सडकमा काम गर्नसमेत समस्या भएको स्थानीय विशाल राउत बताउनुहुन्छ । ‘यता हेर्यो तार, उता हेर्यो तार, यसले दिक्तेल बजारको सुन्दरतामा ह्रास आएको छ । यसको व्यवस्थापनमा सम्बन्धित निकायको ध्यान जाओस् ।’ अर्का स्थानीय गुनराज सैजुले भन्नुभयो । छरपस्ट तारको बोझले कतिपय विद्युतका पोलहरु बांगि...

खोटाङ, भदौ २६ । जिल्ला अस्पताल दिक्तेलमा शल्यक्रियामार्फत डेलिभरी गराउने सेवा बन्द भएको छ । कर्मचारी बिरामी भएर विदामा बसेकाले शल्यक्रियामार्फत डेलिभरी गराउने उपचार अनिश्चित समयकाकालागि बन्द गरिएको अस्पतालले सूचना प्रकाशान गरेर जनाएको छ । कार्यालयमा कार्यरत एनेस्थेसिया (अपरेशन गर्दा बिरामीलाई बेहोस बनाउने कर्मचारी) अस्वस्थ भई विदामा बसेको कारणले उक्त सेवा नै बन्द भएको अस्पतालको सूचनामा उल्लेख छ । जिल्ला अस्पतालमा डेलिभरीका बिरामीहरु दैनिकजसो आउने गरेका छन् । कतिपय गर्भवती महिलाहरुमा विभिन्न समस्याले डेलिभरि गर्दा शल्यक्रिया नै गर्नुपर्ने अवस्था भएपनि उपचार सेवा नै बन्द हुँदा नागरिक मारमा पर्ने देखिन्छ । अस्पतालमा एनेस्थेसियाका कर्मचारी एक जना मात्र हुँदा समस्या भएको प्रमुख डक्टर नितु लामाले बताउनुभयो । ‘कर्मचारी एक जना मात्र हुनुहुन्छ, उहाँ बिरामी हुँदा करीब २० दिनदेखि एनेस्थेसियाका कर्म...

दावा जाङबु शेर्पा ओखलढुंगा, भदौ २५ । सिङ्गानेदेखि साम्सिङ भञ्ज्याङसम्मको मानेहरु पुनर्निमाण गरिने भएको छ । पिके सोलुखुम्बु टाप्टिङ्ग समाज सेवा काठमाडौंले उक्त क्षेत्रका मानेहरु पुनर्निमाण गर्ने जनाएको छ । सिङ्गानेदेखि साम्सिङ भञ्ज्याङको बिचमा पर्यटन मार्गमा पर्ने थुप्रै ऐतिहासिक धार्मिक महत्व बोकेका मानेहरु छन् । पुराना भएका कारण पछिल्लो समय उक्त मानेहरु जीर्ण भएका छन् । पुराना र जीर्ण मानेहरुको संरक्षणकालागि पुनर्निमाण गर्न लागिएको समाजका महासचिव अम्बर तामाङले जानकारी बताउनुभयो । माने बौद्ध धर्मावलम्बीहरुको धार्मिक आस्थाकोरुपमा मानिन्छ । माने निर्माण सामुहिक योगदानमा मानवको रक्षा र शान्तिको कामनासहित प्रायः सार्वजनिक ठाउँमा निर्माण गरिने चलन छ । साधारण भाषामा बुझ्दा एक प्रकारको चौतारी हो, जहाँ बौद्ध धर्मावलम्बीले घुमेर पुज्ने र विश्राम गर्ने गर्छन् । माने निर्माण गर्दा योगदान गर्नेहरु...

भदौ २५ । मुक्तककार राधा रमाको निधन भएको छ । हृदयघातका कारण शनिबार बिहान राती ३ बजे काठमाडौंमा राधाको निधन भएको पारिवारिक स्रोतले बताएको छ । लामो समय देखि साहित्यको मुक्तक विद्यामा कलम चलाउने राधा नेपाल मुक्तक प्रतिष्ठान प्रदेश नम्बर एक शाखाको सदस्यसमेत हुनुहुन्थ्यो । एक चोटिलो मुक्तककारको निधनले समग्र मुक्तक विद्यालाई ठुलो चोट पुगेको प्रतिष्ठानका अध्यक्ष बाबुराम पोखरेलले बताउनुभयो । उहाँले नेपाली भाषासाहित्यको क्षेत्रमा पु¥याउनुभएको योगदान सधै अविष्मरणीय रहने पोखरेलको भनाइ छ । राधाका श्रीमानसहित २ छोरी र एक छोरा रहेका छन् ।...

खोटाङ, भदौ १९ । खोटाङमा करेण्ट लागेर २४ घण्टा भित्रमा दुई जनाको ज्यान गएको छ । शनिबार राती विद्युत मर्मत गर्ने क्रममा करेण्ट लाग्दा दिक्तेल रुपाकोट मझुवागढी नगरपालिका–१० पाथेकाका ३७ वर्षीय प्रकाश राईको ज्यान गएको थियो । २४ घण्टा नबित्दै आइतबार साँझ दिक्तेल रुपाकोट मझुवागढी नगरपालिका–१४ बुईपामा अर्का एक जनाको करेण्ट लागेर ज्यान गएको छ । बुईपास्थित ३३ के.भीको हाइटेन्शन लाइनमा करेण्ट लाग्दा डाँडाखर्कका करीब ३५ वर्षका नगिन्द्र राईको ज्यान गएको छ । बुईपामा विद्युत मर्मत कार्य सकेर फर्कनेक्रममा भर्‍याङ गाडिमा राख्न लिएर जाँदा हाइटेन्शन लाइनको तारमा भर्‍याङले छुएर राईलाई करेण्ट लागेको थियो । करेण्ट लागेर गम्भिर घाइते राईलाई उपचारकालागि नजिकै रहेको बुईपा स्वास्थ्य चौकी लैजादै गर्दा बाटोमै मृत्यु भएको नेपाल विद्युत प्राधिकरण खोटाङका प्रमुख विजयराज रेग्मीले बताउनुभयो । मृतक राई दैनिक ज्यालादारीमा ...

खोटाङ, भदौ १९ । नेपाल निजामती कर्मचारी युनियनको ३२ औँ स्थापना दिवसको अवसरमा खोटाङमा बिरामीलाई फलफुल बितरण गरिएको छ । जिल्ला अस्पतालमा रहेका बिरामीहरुलाई फलफुल बितरण गरेर दिवस मनाइएको नेपाल निजामती कर्मचारी युनियन खोटाङका अध्यक्ष प्रकाश घिमिरेले जानकारी दिनुभयो । निजामती कर्मचारी युनियन खोटाङका पुर्व अध्यक्ष एवं नेपाली कांग्रेसका कर्मचारी बिभाग प्रमुख टंकनाथ आचार्यको प्रमुख आतिथ्यमा अस्पतालमा रहेका १६ जना बिरामीलाई आइतबार बिहान स्याउ, केरा लगायतका फलफुल बितरण गरिएको अध्यक्ष आचार्यले बताउनुभयो । जिल्ला समितिले आयोजना गरेको फलफुल बितरण कार्यक्रममा समितिका पदाधिकारीसहित केन्द्रिय सदस्य अनिल आचार्य र इरन राई साथै प्रदेश सदस्य खेमराज आचार्य लगायतको उपस्थिति रहेको थियो ।...

खोटाङ, भदौ १९ । खोटाङमा करेण्ट लाग्दा एक व्यक्तिको मृत्यु भएको छ । विद्युत मर्मत गर्ने क्रममा करेण्ट लाग्दा दिक्तेल रुपाकोट मझुवागढी नगरपालिका–१० पाथेकाका ३७ वर्षीय प्रकाश राईको ज्यान गएको जिल्ला प्रहरी कार्यालय खोटाङले जनाएको छ । स्थानीय नाखम खोला हाइड्रोपावर विद्युतको जम्पर जोड्न शनिबार करीब साँझ ६ बजे पोलमा चड्दा करेण्ट लागेर राई घाइते भएका थिए । घाईते राईलाई राती उपचारका लागि फेमिली केयर अस्पताल दिक्तेलमा ल्याउदै गर्दा बाटैमा उनको मृत्यु भईसकेको फेमिली केयर अस्पतालले जनाएको छ । हाल मृतकको शवलाई परीक्षणका लागि जिल्ला अस्पताल लगिएको जिल्ला प्रहरी कार्यालयका प्रहरी निरीक्षक रोमनराज अर्यालले जानकारी दिनुभयो । मृतक राईको श्रीमती र चार जना सन्तान रहेका छन् ।...