समाचार

खोटाङ, पुस १० । रावा बेसी गाउँपालिकाको केन्द्र कुभिण्डे हरमटारमा पुनः साप्तहिक हाट सञ्चालनमा आउने भएको छ । नेपालमा कोभिड–१९ फैलिएपछि रोकथामको लागि गरिएको बन्दाबन्दीले बन्द भएको साप्ताहिक हाट पुनः सञ्चालनमा ल्याउने गाउँपालिकाले जनाएको छ । १० पुस २०७७ सालमा सुरु भएको हाट कोरोना फैलिएपछि ३ महिना सञ्चालन भएर बन्द भएको थियो । शुक्रबार गाउँपालिका कार्यालयमा बसेको जनप्रतिनिधि, कर्मचारी, राजनीतिक दलका प्रतिनिधि, घरेलु महासंघ, अगुवा कृषक लगायत सरोकार निकायको बैठकले यहि पुस २२ गतेबाट हाट सञ्चालन गर्ने निर्णय गरेको छ । पहिलेकै स्थान र समयमा साप्ताहिकरुपमा हरेक शुक्रबार हरमटारमा बजार (हाट) लाग्ने गाउँपालिकाका कृषि शाखा प्रमुख मुगाधन राईले जानकारी दिनुभयो । हटिया अर्थात साप्ताहिक हाट बन्द भएपछि कोरोना संक्रमितहरुलाई राख्न उक्त स्थानमा गाउँपालिकाले क्यारेन्टाइन निर्माण गरेको थियो । क्वारेन्टाइनको लागि...

खोटाङ, पुस १० । उदयपुरको गाइघाटबाट खोटाङको दिक्तेल आउदै गरेको बस दुर्घटना भएको छ । प्रदेश १– ०५–००१ ख ००१७ नम्बरको यात्रुबाहक बस दिक्तेल रुपाकोट मझुवागढी नगरपालिका–१४ बुइपामा दुर्घटना हुँदा ६ जना घाइते भएको जिल्ला प्रहरी कार्यालय खोटाङले जनाएको छ । बुइपा दित्तेल सडक खण्ड अन्तरगत माथिल्लो बुइपामा सडकबाट करीब ५ मिटर बस तल खसेको छ । आइतबार बिहान १०ः४० बजेको समयमा दुर्घटना भएको प्रहरीले जनाएको छ । घाइतेलाई जिल्ला प्रहरी कार्यालय र बुइपा प्रहरी चौकीबाट खटिएको प्रहरीले उद्दार गरेको डिएसपी मञ्जिल मुकारुङले जानकारी दिनुभयो । घाइते हुनेहरुमा दित्तेल रुपाकोट मझुवागढी न.पा.१४ खिरिका वर्ष २९ का बिरेन्द्र घिमिरे, सोही ठाउँका २८ वर्षिया दिल कुमारी श्रेष्ठ, रावाबेसी गाउँपालिका–२ खार्पाका २० वर्षिय कुशल सार्की, दिरुमनपा १५ का ७३ वर्षिय आइते सार्की, सोही ठाउँका २७ वर्षिया सुस्मिता ढुंगना र हलेसी तुवाचुङ ...

खोटाङ, पुस ९ । खोटाङमा आगलागीबाट तीन घर पुर्णरुपमा जलेर नष्ट भएको छ । जिल्लाको दिक्तेल रुपाकोट मझुवागढी नगरपालिका–३ बाम्राङस्थित झिसेपुका तीन घर जलेर नष्ट भएका हुन् । शनिबार अपरान्ह (३ः४०बजे) भएको आगलागीबाट तीन घर जल्दा ८४ लाख ५६ हजार ५०० बराबरको क्षति भएको जिल्ला प्रहरी कार्यालय खोटाङले जनाएको छ । मैया श्रेष्ठको घरमा बिजुलीको तार सर्ट भई आगलागीहुँदा श्रेष्ठ, कृष्ण श्रेष्ठ र कर्ण कुमार श्रेष्ठको घर पूर्णमा जलेर नष्ट भएको छ । आगलागीबाट मैयाको तीनतले घर, नगद १ लाख २० तोला चाँदी, मोवाईल, टिभी लगायत घरभित्र रहेको सम्पूर्ण मालसामानहरु पूर्णरुपमा जल्दा २७लाख ३५ हजारको क्षतिभएको प्रहरीले जनाएको छ । कृष्णको तीनतले घर, नगद १लाख ५० हजार, दुई तोला सुन, एक थान मोवाईल लगायत घर भित्र भएको सम्पूर्ण सामानहरु पूर्णरुपमा जलि नष्ट हुँदा २८ लाख ८३ हजार ५०० र सोही ठाउँका कर्ण कुमारको तीन तले घर, घरभित्र रहेक...

खोटाङ, पुस ९ । खोटाङ जिल्लाको प्रवेशद्धार जयरामघाटमा सौर्यबत्ती जडान गरिएको छ । हलेसी तुवाचुङ नगरापलिका–१ जयरामघाटमा नगरपालिकाले सौर्य सडक बक्ती जडान गरिएको हो । नगरपालिकाको चालु आर्थीक वर्षको कार्यक्रम अनुसार जयरामघाटमा पाँच वटा सौर्यबक्ती जडान गरेर शुक्रबारबाट सञ्चालनमा ल्याइएको छ । सेन्सर (अँध्यारोमा आफै बल्ने उज्यालोमा आफै बन्द हुने आधारमा सौर्यबत्ती जडान गरिएको नगरपालिकाले जनाएको छ । जिल्लाको मुख्य प्रवेशद्धार जयरामघाटमा रातीको समयमा यात्रुलाई सहजतासँगै प्रवेशद्धारको सौन्दर्यको लागि सौर्यबत्ती जडान गरिएको नगरपालिकाका उप–मेयर रमेश कुमार राउतले बताउनुभयो । ‘जयरामघाट जिल्लाको प्रमुख प्रवेशद्धार हो । बाहिरबाट पर्यटकहरु जिल्ला प्रवेश गर्दै गर्दा सुरुवाती स्थानले नै बताउछ की जिल्लाको विकास लगायतको अवस्था कस्तो छ भनेर । त्यसैले जिल्लाको मुख्य प्रवेशद्धारको सौन्दर्य निर्माण गर्ने नगरपालिकाल...

खोटाङ, पुस ९ । तेक्वान्दोका राष्ट्रिय खेलाडी तथा फिल्म निर्माता राजकुमार राईलाई खोटाङमा सम्मान गरिएको छ । राईलाई केपिलासगढी गाउँपालिकाका अध्यक्ष समिर राई र उपाध्यक्ष गुरुराज राईले शुक्रबार दोसल्ला ओढाएर सम्मान–पत्र सहित सम्मान गर्नुभएको हो । केपिलासगढी गाउँपालिका राईको गृहपालिका हो । केही दिनअघि गृहपालिका आउनुभएका राईलाई तेक्वान्दोको माध्यमबाट देशलाई चिनाउन पु¥याएको योगदानको कदर गर्दै सम्मान गरिएको गाउँपालिकाले जनाएको छ । केपिलासगढी गाउँपालिका–५ सप्तेश्वर निवासी राईले आठौं साफमा नेपालकातर्फबाट तेक्वान्दोमा स्वर्ण पदक र १० औं एसियन गेममा नेपाललाई पहिलो कास्य पदक जिताउनु भएको थियो । वल्ड तेक्वान्दो च्याम्पियनको अनुभवसमेत बटुल्नु भएका राई चलचित्र निर्माता पनि हुनुहुनछ । उहाँको पछिल्लो फिल्म ‘सोउल अफ द कमाण्डो’ हाल विभिन्न हलमा चहिरहेको छ ।...

खोटाङ, पुस ७ । पहाडी जिल्ला खोटाङ तराईसँग सिधा सडकमा जोडिएको छ । दिक्तेल–गाईघाट सडकखण्डमा पर्ने सुनकोशीस्थित फोक्सिङ्टारमा मोटरेबल पक्की पुल सञ्चालनमा आएसँगै खोटाङ तराईसँग सिधा सडकमा जोडिएको हो । सगरमाथा राष्ट्रिय राजमार्ग अन्तरगत वारी–पारी सडक बनेपनि नदिमा पुल नहुँदा पूर्वी तराईका विभिन्न जिल्ला जोड्ने सबैभन्दा छोटो दूरीको दिक्तेल–गाईघाट सडकखण्डबाट यात्रा गर्न सास्ती थियो । हिउँदको समयमा अस्थायी रुपमा फोक्सिङटार बेलिब्रिज जडान गरेर सवारी साधन वारपार हुने गरेको थियो । बर्खाको समयमा भने बेलिब्रिज हटाएपछि कटारी–घुर्मी–जयराम हुँदै यात्रा गर्नुका साथै दैनिक उपभोग्य सामग्री ढुवानी गर्नुपर्ने जिल्लाबासीको बाध्यता थियो । खोटाङ र उदयपुर जिल्लाको सिमानामा पर्ने फोक्सिङ्टारस्थित सुनकोशी नदिमा मोटरेबल पक्की पुल बिहिबारबाट सञ्चालन आएसँगै तराई आवतजावत गर्न र सामान ढुवानी गर्न जिल्लाबासीलाई सहज हुने ...

खोटाङ, पुस ७ । बिहिबार सुत्केरी उद्दार गर्न दिक्तेल आएको हेलिकप्टरले मोटरसाइकल उडाएको छ । सुन्दा अचम्म लागे पनि घटना भने यथार्थ हो । दिक्तेल रुपाकोट मझुवागढी नगरपालिका–५ लफ्याङकी २१ वर्षिया इन्द्रकला राईको सुत्केरी पश्चात अत्याधिक रगत बगेपछि निशुल्क सेवा राष्ट्रपति महिला उद्दार कार्यक्रम अन्तरगत हेलिकप्टर लिन आयो । बिहिबार दिउसो करीब १ बजे दिक्तेलस्थित हेलिप्याडमा हेलिकप्टर ल्याण्ड गरियो । तर ल्याण्ड गर्ने क्रममा हेलिप्याडको छेउमा पार्किङ गरेर राखिएको मोटरसाइकल हेलिकप्टरको हावाले उडाएको छ । हेलिप्याडको छेउमा ३/४ वटा मोटरसाइकल पार्किङ गरेर राखिएको थियो । त्यसमध्ये एउटा मोटरसाइकल भने हेलिकप्टरको हावाले उडाएर करीब १५ मिटर तल सडकमा झारेको छ । हेलिप्याडबाट जिल्ला समन्वय समितिको हल पछाडिको सडमा झरेको मोटरसाइकलको अगाडिको भाग पुर्णरुपमा क्षति भएको छ । मोटरसाइकल साकेला गाउँपालिकाका एक व्यक्तिको र...

खोटाङ, पुस ६ । नेपाल नगरपालिका संघको कोषाध्यक्षमा खोटाङका विमला राई चयन हुनुभएको छ । नेपाली कांग्रेसबाट निर्वाचित हलेसी तुवाचुङ नगरपालिकाको मेयर राई संघको संघको आठौं महाधिवेशनबाट कोषाध्यक्षमा सर्वसम्मत चयन हुनुभएको हो । ४३ सदस्यीय कार्यसमिति रहनेगरी संघको अध्यक्षमा नेपाली कांग्रेसबाट निर्वाचित धादिङको नीलकण्ठ नगरपालिकाका प्रमुख भीम ढुंगाना चयन हुनुभएको छ । यस्तै उपाध्यक्षमा सिन्धुपाल्चोकको चौतारासाँगागढी नगरपालिकाका प्रमुख कृष्णप्रसाद सापकोटा चयन हुनुभएको छ । उहाँ नेकपा माओवादी केन्द्रबाट निर्वाचित हुनुभएको हो । महासचिवमा नेकपा एमालेका तर्फबाट दाङको घोराही उपमहानगरपालिकाका मेयर नरुलाल चौधरी चयन हुँदा उपमहासचिवमा काठमाडौं महानगरपालिकाक उपप्रमुख सुनिता डंगोल र सहकोषाध्यक्षमा हेटौंडा उपमहानगरपालिका प्रमुख एकीकृत समाजवादीक मीना लामा चयन हुनुभएको छ । स्थानीय तहको निर्वाचन भएपछि पालिकामा जित ह...

खोटाङ, पुस ६ । खोटाङको ऐँसेलुखर्क गाउँपालिकामा कृषि मेला प्रदर्शनी हुने भएको छ । गाउँपालिकाको आयोजनामा पुस १३ र १४ गते पालिका स्तरीय कृषि मेला प्रदर्शनी हुने भएको हो । पलिकाको वडा नम्बर तीनस्थित ऐँसेलुखर्क बजारमा मेला प्रदर्शनी हुने गाउँपालिकाले सूचना मार्फत जानकारी गराएको छ । कृषि मेलामा कृषि उपज सामाग्रीसहित उपस्थित हुने उत्कृष्ट कृषकहरुले पुरस्कारसमेत पाउने गाउँपालिकाले जनाएको छ । हेर्नुहोस् पालिकाको सूचना...