ट्रेन्डिङ

राजकुमार सरगम (भट्टराई) खोटाङ, असार ६ । खोटाङको दिप्रुङ चुइचुम्मा गाउँपालिकाले विविध शिर्षकमा १६ लाख बढी खाना र खाजामा मात्र खर्च गरेको पाइएको छ । आर्थिक वर्ष २०८०/०८१ को महालेखा परीक्षकको कार्यालयले निकालेको गाउँपालिकाको लेखा परीक्षण प्रतिवेदनमा गाउँपालिकाले खाना र खाजामा विविध शिर्षकबाट १६ लाख ३६ हजार ७८५ रुपैयाँ खाना र खाजामा मात्र खर्च गरेको जनाएको छ । गाउँपालिकाले खर्च गर्दा मितव्ययिता अपनाएको नदेखिएको प्रतिवेदनमा उल्लेख छ । एक आर्थिक वर्षमा दिप्रुङ चुइचुम्मा गाउँपालिकाले कर्मचारी पदाधिकारी बैठक भत्ता, अनुगमन तथा भ्रमण खर्च, कर्मचारी प्रोत्साहन तथा इन्धन र विविधमा १ करोड २४ लाख ८१ हजार खर्च गरेको छ । विविध शिर्षकमा १६ लाख ३६ हजार ७८५ रुपैयाँ खाना र खाजामा मात्र खर्च गरेको छ । कर्मचारी पदाधिकारी बैठक र अन्य भत्तामा ३८ लाख ४० हजार खर्च देखिन्छ । अनुगमन मुल्याङ्कन र भ्रमण खर्चमा ३१ ला...

  राजकुमार सरगम (भट्टराई )  खोटाङ, असार ४ । एक वर्षमा खोटाङको जन्तेढुंगा गाउँपालिकामा कर्मचारी तथा पदाधिकारी बैठक भत्ता, अनुगमन तथा भ्रमण खर्च, कर्मचारी प्रोत्साहन तथा इन्धन र विविधमा १ करोड ५३ लाख ९९ हजार खर्च गरेको पाइएको छ । महालेखा परीक्षकको कार्यालयको लेखापरीक्षण प्रतिवेदन अनुसार आर्थिक वर्ष २०८०/०८१ मा जन्तेढुंगा गाउँपालिकाले उक्त खर्च गरेको हो । एक आर्थिक वर्षमा गाउँपालिकामा कर्मचारी पदाधिकारी बैठक र अन्य भत्ता ४५ लाख २४ हजार, भ्रमण खर्च ३१ लाख ४६ हजार, इन्धन खर्च २४ लाख ९ हजार र विविध खर्च ५३ लाख २० हजार रहेको प्रतिवेदनमा उल्लेख छ । पालिकाले खर्च गर्दा सवारी गुडेको किलोमिटर उल्लेख गरी सवारी लगबुक नराखेको, भ्रमण गर्नुको कारण र उदेश्य उल्लेख गरी भ्रमण प्रतिवेदन तयार नगरेको, अनुगमन समिति बनाइ अनुगमन मुल्यांकन नगरेको तथा एउटै कार्यमा दोहोरो हुने गरी अनुगमन गरेको देखिएकाले...

राजकुमार सरगम (भट्टराई) खोटाङ, जेठ ३० । खोटाङको साकेला गाउँपालिकाले स्थानीय सरकार सञ्चालन ऐन विपरीत ६ जना कर्मचारी राखेको पाइएको छ । आर्थिक वर्ष २०८०/०८१ को महालेखा परीक्षकको कार्यालयको लेखा परीक्षण प्रतिवेदन अनुसार साकेला गाउँपालिकाले स्थानीय सरकार सञ्चालन ऐन विपरीत पूर्ण सरसफाई कार्यक्रम अन्तरगत ६ जना सरसफाइ उत्प्रेरकहरु नियुक्त गरेर रु २७ लाख ६ हजार ५ सय ८७ रुपैयाँ खर्च गरेको जनाएको छ । “स्थानीय सरकार सञ्चालन ऐन, २०७४ को दफा ८३(१) बमोजिम स्थानीय तहको कार्यबोझ, राजस्व क्षमता, खर्चको आकार, स्थानीय आवश्यकता र विशिष्टता समेतलाई ध्यानमा राखी कर्मचारी समायोजन भएपछि मात्र संगठन तथा व्यवस्थापन सर्वेक्षणका आधारमा पालिकामा विषयगत शाखा रहेको संगठन संरचना कायम गर्नु पर्ने उल्लेख छ । कार्यालयले संगठन तथा व्यवस्थापन सर्वेक्षण बेगर पूर्ण सरसफाइ कार्यक्रममा ५ वडाका लागि १÷१ जना राजपत्र अनंकित द्धितीय...

खोटाङ, जेठ २७ । रावा बेसी गाउँपालिका–४ डुम्रेधारापानीका महिलाहरु अचार बनाउन सिक्न थालेका छन् । गाउँपालिकाले आयोजना गरेको अचार बनाउने तालिममा डुम्रेधारापानीका २५ जना महिलाहरु सहभागी भएका हुन् । महिलाहरुलाई अचारबाट व्यावसायिक बनाउने उदेश्यसहित तालिम आयोजना गरिएको गाउँपालिकाले जनाएको छ । गरिबी निवारणका लागि सञ्चालित लघु उद्यम विकास कार्यक्रम अन्तरगत पाँच दिने अचार बनाउने तालिम सुरु गरिएको शाखा प्रमुख उद्धव बास्तोलाले बताउनुभयो । जेठ २३ बाट सुरु भएको तालिम ३० गतेसम्म सञ्चालन हुनेछ । पाँच दिनसम्म स्थानीय स्तरमा उत्पादन हुने आप, खुर्सानी लगायतको अचार बनाउन सिक्ने छन् । अचार निर्माणसँगै त्यसको लेबलिङ र प्याकेजिङ पनि सिकाइने बास्तोलाको भनाइ छ । तालिमको उद्घाटन गर्दै गाउँपालिका अध्यक्ष फटिक कुमार श्रेष्ठ, प्रमुख प्रशासकीय अधिकृत सरोज रेग्मी, डुम्रेधारापानीका वडाध्यक्ष ज्ञानबहादुर पाण्डे लगायतले ...

खोटाङ, जेठ १० । पौडी खेल्ने क्रममा सुनकोशीमा खोटाङका एक किशोर बेपत्ता भएका छन् । हलेसी तुवाचुङ नगरपालिका–२ डिकुवाका १६ वर्षका सविन राई पौडी खेल्ने क्रममा शनिबार सुनकोशीमा बेपत्ता भएका हुन् । डिकुवाका वडाध्यक्ष देबेन्द्र राईका अनुसार शनिबार बिहान करिब ११ बजेको समयमा डिकुवा ओख्लाङका बिन्द्र केशर राईका छोरा सविन राईलाई सुनकोशीले बगाएको हो । स्थानीयहरुले खोजी कार्य जारी राखेपनि हालसम्म फेला नपरेको वडाध्यक्ष राईले बताउनुभयो । वडा सदस्य सुर्ज अधिकारीसहितको टोलीले खोजी गरिरहेको उहाँको भनाइ छ । हाल च्यास्मिटार प्रहरी चौकीबाट प्रहरीहरु घटनास्थलमा पुगेको जिल्ला प्रहरी कार्यालय खोटाङले जनाएको छ । जानकारी आउनसाथ च्यास्मिटार प्रहरी चौकीबाट प्रहरी टोली खटिएका हुन् । धामी लिन भनेर ओख्लाङबाट सविन र उनका साथी १५ वर्षका सागर राई डिकुवा गएका थिए । सुनकोशी किनारको बाटोहुँदै गएका दुवै जना तुइम्बु बादरेखोप भन...

खोटाङ, जेठ १० । राष्ट्रिय स्वतन्त्र पार्टी (रास्वपा) ले खोटाङमा वडा अधिवेशन सुरु गरेको छ । जिल्ला सदरमुकाम एवं दिक्तेल रुपाकोट मझुवागढी नगरपालिका–१ दिक्तेलबाट रास्वपाले वडा अधिवेशन सुरु गरेको हो । शुक्रबार भएको पहिलो वडा अधिवेशनले दिक्तेल वडाको सभापतिमा दुर्गा देवी कार्कीलाई चयन गरेको छ । पार्टीको बिधान अनुसार कार्कीको नेतृत्वमा ११ जनाको वडा समिति निर्माण गरिएको रास्वपाका खोटाङ सभापति मुकुन्द कृष्ण थापाले जानकरी दिनुभयो । उप–सभापतिमा चन्द्र बहादुर परियार, सचिवमा पदम घिमिरे चयन हनुभएको छ । यस्तै, सदस्यहरुमा सिता बस्नेत, इन्द्र बेलास आचार्य, सुशिला बास्तोला, गिता आचार्य, लीलानाथ पाण्डे, डिल्ली प्रसाद आचार्य, राधा घिमिरे पराजुली र तोरण सैंजु रहनुभएको छ । कार्यक्रममा जिल्ला सभापति थापासँगै जिल्ला सचिव तुला बहादुर खत्री, दिक्तेल नगर संयोजक पर्शुराम थापा (आशिष), जिल्ला RAT बिभाग संयोजक आनन्द ख...

खोटाङ, जेठ १ । खोटाङको हलेसी तुवाचुङ नगरपालिकाले सुशासनमा छलाङ मारेको छ । हरेक वर्ष बेरुजु रकम घटाउदै ल्याएको नगरपालिकाले यो वर्ष ०.१५ प्रतिशतमा झारेको छ । महालेखापरीक्षकको ६२ औं वार्षिक प्रतिवेदन अनुसार आर्थिक वर्ष २०८०/०८१ को नगरपालिकाको बेरुजु ०.१५ प्रतिशत अर्थात २३ लाख ६७ हजार रहेको छ । यो वर्ष पनि खोटाङ जिल्लाको सबै भन्दा कम बेरुजु हुने स्थानीय तह हलेसी तुवाचुङ बनेको छ । हलेसी तुवाचुङ नगरपालिका बेरुजु कम हुने स्थानीय तहमा जिल्लाको पहिलो र कोशी प्रदेशको तेस्रो भएको छ । देशभरको ७५३ स्थानीय तहमध्ये हलेसी तुवाचुङ नगरपालिका बेरुजु कम हुनेमा १० औँ नम्बरमा रहेको छ । आर्थिक वर्ष २०८०/०८१ को महालेखापरीक्षकको प्रतिवेदन अनुसार खोटाङको कम बेरुजु हुने दोस्रो स्थानीय तह ऐसेलुखर्क गाउँपालिका रहेको छ । ऐसेलुखर्क गाउँपालिकाको ०.५० प्रतिशत अर्थात ५७ लाख ३५ हजार बेरुजु रहेको छ । यस्तै, रावा बेसी गाउँप...

खोटाङ, वैशाख ३१ । हलेसी तुवाचुङ नगरपालिका–६ मंगलटारस्थित पञ्चावती आधारभूत विद्यालयमा १ लाख ११ हजार ५५५ रुपैयाँको अक्षयकोष स्थापना गरिएको छ । स्वर्गीय तेज बहादुर राउतको स्मृतिमा परिवारले वैशाख ३० गते मंगलबार अक्षयकोष स्थापना गरेका हुन् । श्रीमती तिल कुमारी राउत, छोराछोरीहरु गणेश बहादुर राउत, होम बहादुर राउत, कृष्ण बहादुर राउत, शर्मिला राउत, जानुका राउत र तिलक राउतले विद्यालयलाई अक्षयकोषको रकम हस्तान्त्रण गरेका हुन् । सामुदायिक विद्यालयमा शिक्षाको गुणस्तरलाई वृद्धि गर्न सहयोग गर्ने उदेश्यले स्वर्गीय बुवाको नाममा अक्षयकोष स्थापना गरिएको छोरा कृष्ण राउतले बताउनुभयो । अक्षयकोषको रकमबाट आएको ब्याजले हरेक वर्ष विद्यार्थीहरुलाई शैक्षिक सामाग्रीहरु प्रदान गरिने उहाँको भनाइ छ । विद्यालयका व्यवस्थापन समितिका अध्यक्ष लंक बहादुर बस्नेतको अध्यक्षता एवं मंगलटारका वडाध्यक्ष गण राईको प्रमुख आतिथ्यतामा अक...

खोटाङ, वैशाख २८ । खोटाङमा श्रीमतीको कुटाइबाट गम्भीर घाइते भएका श्रीमानको उपचारकोक्रममा मृत्यु भएको छ । हलेसी तुवाचुङ नगरपालिका–९ सल्ले माथिल्लो चिचिङ्गाका ५१ वर्षीय पाँचकर्ण राईको आफ्नै श्रीमतीको कुटाइबाट मृत्यु भएको हो । आफ्नै श्रीमानको हत्या अभियोगमा ५३ वर्षीया रेनुका राईलाई जिल्ला प्रहरी कार्यालय खोटाङले पक्राउ गरेको छ । शनिबार बिहान मकै बारीमा जोत्ने क्रममा सामान्य विवादहुँदा श्रीमती रेनुकाले श्रीमान पाँचकर्णलाई कोदालोको पासोले टाँउकोमा प्रहार गरी घाईते बनाएको जिल्ला प्रहरी कार्यालय खोटाङका सूचना अधिकारी प्रहरी निरीक्षक सुसान्त मिश्रले बताउनुभयो । गम्भीर घाइते पाँचकर्णलाई नगर अस्पताल दुर्छिम उपचारको लागि लगिएको थियो । नगर अस्पतालमा उपचार सम्भव नभएपछि तत्काल हेलिकप्टरमार्फत काठमाडौं लगिएको थियो । उपचारको क्रममा अन्नपूर्ण न्यूरो अस्पताल काठमाडौंमा पाँचकर्णको शनिबार साँझ मृत्यु भएको प्रह...

खोटाङ, वैशाख २८ । नेकपा एमालेको भातृ संगठन राष्ट्रिय युवा संघ खोटाङले सर्वसम्मत केन्द्रीय प्रतिनिधि छनोट गरेको छ । पोखरामा हुने आसन्न महाधिवेशनको लागि युवा संघ खोटाङले १३ जना प्रतिनिधि सर्वसम्मत छनोट गरेको हो । जिल्ला सदरमुकाम दिक्तेलस्थित एमालेको पार्टी कार्यालयमा शनिबार बसेको युवा संघको तेस्रो पूर्ण बैठकले दश स्थानीय तहबाट १/१ जना र जिल्लाबाट ३ जना गरी १३ जना प्रतिनिधि छनोट गरेको युवा संघका जिल्ला अध्यक्ष रोशन राईले बताउनुभयो । जिल्लाबाट रोशन राई, सविन राई र रस्मिका आचार्य प्रतिनिधिकोरुपमा छनोट हुनुभएको छ । दिक्तेल रुपाकोट मझुवागढी नगरपालिकाबाट विजय राई, हलेसी तुवाचुङ नगरपालिकाबाट किसन राई, ऐसेलुखर्क गाउँपालिकाबाट डेबिट राई, केपिलासगढी गाउँपालिकाबाट मौसम राई र रावा बेसी गाउँपालिकाबाट यम मगरलाई केन्द्रीय प्रतिनिधिमा छनोट गरिएको छ । यस्तै, साकेला गाउँपालिकाबाट भैरब बस्नेत, दिप्रुङ चुइचु...