ट्रेन्डिङ

खोटाङ, वैशाख १८ । खोटाङको रावा बेसी गाउँपालिकालाई पूर्णखोप सुनिश्चितता तथा दिगोपना गाउँपालिका घोषणा गरिएको छ । दश स्थानीय तह रहेको जिल्लामा रावा बेसी गाउँपालिका पूर्णखोप सुनिश्चितता तथा दिगोपना घोषणा हुने पहिलो स्थानीय तह बनेको छ । खोप निर्देशिका अनुसारका सम्पूर्ण सूचक पूरा गरेपछि रावा बेसीलाई बुधबार पूर्ण खोप सुनिश्चितता तथा दिगोपना गाउँपालिका घोषणा गरिएको हो । जिल्ला खोप समन्वय समिति खोटाङका संयोजक एवम् जिल्ला समन्वय समिति प्रमुख सनबहादुर राईले पूर्ण खोप सुनिश्चितता तथा दिगोपनाको प्रमाणपत्र गाउँपालिका खोप समन्वय समितिका संयोजक एवम् गाउँपालिका अध्यक्ष फटिककुमार श्रेष्ठलाई हस्तान्तरण गर्नुभएको हो । खोप लगाउने उमेर समुहका सबै बालबालिकालाई खोप लगाएपछि वडाहुँदै पालिकालाई हरेक वर्ष पूर्ण खोप सुनिश्चितता तथा दिगोपना घोषणा गर्ने गरिएको छ । जन्मेदेखि १५ महिनासम्मका १४८ बालबालिकाले नियमित तथा ...

खोटाङ, वैशाख ८ गते । खोटाङका चार कर्मचारी संगठनले संघीय निजामती ऐन जारी गर्न माग गर्दै जिल्ला प्रशासनमार्फत सभामुखलाई ज्ञापनपत्र बुझाएका छन् । सोमबार संयुक्तरुपमा जिल्ला प्रशासन कार्यालयमा पुगेर कर्मचारी संगठनहरुले सभामुखलाई पठाउने गरी प्रमुख जिल्ला अधिकारी नरहरि घिमिरेलाई ज्ञापनपत्र हस्तान्त्रण गरेका हुन् । विभिन्न ११ बुँदे मागसहित जिल्लामा सकृय चारै संगठनले संयुक्तरुपमा ज्ञापनपत्र बुझाएका हुन् । कर्मचारी संगठनहरुले यसअघि भएका सहमति, सम्झौता र अदालतले दिएको आदेशलाईसमेत समेटेर तत्काल संघीय निजामती ऐन जारी गर्न माग गरेका छन् । देशै भर वैशाख ८ गते ज्ञापनपत्र बुझाउने कर्मचारी संगठनहरुको संयुक्त कार्यक्रम रहेको थियो । माग पुरा नभए वैशाख १० गते बुधबार आन्दोलन परिचालन समिति घोषणा गर्ने र १२ गते शुक्रबार संसद सचिवालय अगाडि भेला आयोजना गर्ने कर्मचारी संगठनहरुको केन्द्रीय कार्यक्रम रहेको छ । यस्...

खोटाङ, वैशाख ५ गते । बसाइसराइँ गरेर गएपनि पुनः गाउँ फर्किने परिवारलाई खोटाङको बराहपोखरी गाउँपालिकाले एक लाख प्रदान गरेको छ । गाउँबाट बसाइँ सरेर गएको १८ वर्षपछि पुनः गाउँमै फर्किएका परिवारलाई गाउँपालिकाले एक लाख रुपैयाँ दिएको हो । बराहपोखरी गाउँपालिका–६ मौवाबोटेका बोदबहादुर खड्काको परिवार २०६३ सालमा सप्तरी बसाइसराइँ गरेर गएका थिए । गाउँबाट गएको १८ वर्ष पछि उनीहरु पुनः गाउँ फर्किएका हुन् । पछिल्लो समय बसाइसराइँले गाउँ खालीहुँदै गएको छ । गाउँ छाडेर जानेहरुको संख्या वृद्धि भइरहेको अवस्थामा गाउँ फर्किनेलाई प्रोत्साहनका लागि गाउँपालिकाले रकम प्रदान गरेको जनाएको छ । केही महिना अघि गाउँ फर्किएका खड्काको परिवारलाई गाउँपालिका अध्यक्ष शालिकराम बञ्जराले वैशाख ४ गते घरमै पुगेर एक लाख रकमको चेक हस्तान्त्रण गर्नुभएको हो । आफ्नो जन्मथलोको माया लागेर गाउँ फर्किएको बोदबहादुर खड्काको भनाइ छ । पुरानो आफ्नो ...

खोटाङ, वैशाख ४ । बाँदर खेद्न जादा खोटाङमा चट्याङ लागेर एक ब्यक्तिको मृत्यु भएको छ । दिक्तेल रुपाकोट मझुवागढी नगरपालिका–८ नास्तुमका ५५ वर्षका गंगा प्रसाद ढकालको चट्याङ लागेर मृत्यु भएको हो । घर नजिकै रहेको खेतमा बाली खान आएको बाँदर खेद्न जादा ढकाललाई चट्याङ लागेको पाइएको वडाध्यक्ष लिला चौहानले बताउनुभयो । बाँदर खेद्न खेतमा गएका ढकाललाई बिहिबार आज दिउँसो करिब १ बजेको समयमा चट्याङ लागेको उहाँको भनाइ छ । विद्युतको पोल नजिक रहेका ढकाललाई पोलमा हानेको चट्याङले भेटेको पाइएको वडाध्यक्ष चौहानले बताउनुभयो । चट्याङ विद्युतको पोलमा हानेको देखिन्छ, सोही पोलमा हानेको चट्याङ लागेर पोल नजिकै रहेका ढकालको ज्यान गएको उहाँको भनाइ छ । चट्याङ लागेर मृत्यु भइसके पछि ढकाललाई मृत अवस्थामा भेटिएको हो ।...

खोटाङ, चैत २६ । खोटाङ दिप्रुङ चुइचुम्मा गाउँपालिकामा चैत २९ र ३० गते साहित्यकि माहोल बन्ने भएको छ । गाउँपालिकाको व्यवस्थापन र ‘दिप्रुङ चुइचुम्मा प्राज्ञ समाज’ को आयोजनामा भब्य साहित्यिक कार्यक्रम हुन लागेको हो । दुई दिनसम्म सञ्चालन हुने कार्यक्रममा नेपालकै चर्चित साहित्यकारहरुको उपस्थिति रहने छ । ‘दिप्रुङ चुइचुम्मा प्राज्ञ समाज’ ले आयोजना गरेको खुला राष्ट्रव्यापी कविता प्रतियोगितामा छनोट भएका देशभरका कविहरु प्रतियोगि कविता पनि वाचन गरेर सुनाउने छन् । यस्तै, राष्ट्रव्यापी कविता प्रतियोगितासँगै स्रष्टा सम्मान कार्यक्रम पनि रहेको संस्थाको सचिव आस्था कोपिलाले जानकारी दिनुभएको छ । प्रतियोगिताका लागि आएका ६७ कवितामध्ये वाचनका लागि कविहरू १५ वटा कविता अर्थात कविहरु छनोट भएको उहाँको भनाइ छ । कार्यक्रममा नेपाल प्रज्ञाप्रतिष्ठानका कुलपति भूपाल राई, सदस्य सचिव धनप्रसाद सुवेदी, वरिष्ठ गायक बच्चु कैल...

खोटाङ, चैत ९ । खोटाङमा दुई फरक घटनामा दुई जनाको मृत्यु भएको छ । घरको बार्दलीबाट लडेर एक बालिकाको मृत्यु भएको छ भने चट्याङ लागेर एक महिलाको ज्यान गएको छ । दिक्तेल रुपाकोट मझुवागढी नगरपालिका–१५ विजयखर्क बसेरीका अशोक पोखरेल र कुमारी ढुंगानाको २१ महिनाको छोरी अनुसोया पोखरेलको बार्दलीबाट लडेर मृत्यु गएको हो । यस्तै, जिल्लाको केपिलासगढी गाउँपालिका–७ सुङ्देल गुल्टेनस्थित ४५ वर्षीया दिलकुमारी राईको चट्याङ लागेर ज्यान गएको हो । जिल्ला सदरमुकाम दिक्तेल रत्नपार्क चिल्ड्रेनपार्कस्थित एक घरमा कोठा भाडामा बस्दै आएका पोखरेल दम्पतीको छोरी शुक्रबार साँझ बार्दलीबाट लडेको नातेदार डिएसपी पोखरेलले जानकारी दिनुभयो । बार्दलीबाट ढलान गरेको रोडमा लडेकी बालिका अनुसोयाको बाहिरी चोट भने देखिएको थिएन । उनलाई उपचारको लागि तत्काल जिल्ला अस्पताल लगिएको थियो । अस्पतालले काठमाडौंस्थित ट्रमा सेन्टर अस्पतालमा रेफर गरेपछि स...

खोटाङ, चैत २ । खोटाङका ५० जना निवृत्त शिक्षक सम्मानति भएका छन् । नेपाल शिक्षक संघ खोटाङले ५० जना निवृत्त शिक्षकलाई दोसल्ला ओढाएर सम्मान–पत्रले सम्मान गरेको हो । नेपाल शिक्षक संघ खोटाङ जिल्ला कार्य समितिले जिल्ला प्रतिनिधिसभा कार्यक्रमको अवसरमा शिक्षक संघमा आवद्ध भएका, २०६३ साल यता निवृत्त भएका शिक्षकहरुलाई सम्मान गरेको जनाएको छ । शिक्षक संघले वर्षभरिको आयव्यय प्रस्तुत, आगामी योजना निर्माणका लागि हरेक वर्ष प्रतिनिधिसभा कार्यक्रम गर्ने गरेको छ । २०८१ सालको प्रतिनिधिसभा चैत २ गते दिक्तेलस्थित वी.पी. स्मृति भवनमा सम्पन्न भएको शिक्षक संघका विशिष्ट सदस्य एकराज बुढाथोकीले जानकारी दिनुभयो । शिक्षा क्षेत्रमा साथै नेपाल शिक्षक संघमा आवद्ध भएर लामो समयसम्म अतुलनीय योगदान पु¥याएकोमा निवृत्त शिक्षकलाई सम्मान गरिएको बुढाथोकीले बताउनुभयो । नेपाली कांग्रेस खोटाङका सभापति एवं कार्यक्रमका प्रमुख अतिथि विष...

खोटाङ, चैत २ । खोटाङको हलेसी तुवाचुङ नगरापलिका–१० अर्खौलेस्थित ८१ वर्षीया वृद्धा जयथकु श्रेष्ठले आफ्नो घर जग्गा विद्यालयलाई दान गर्नुभएको छ । घर नजिकै रहेको सरस्वती माध्यमिक विद्यालयलाई वृद्धा श्रेष्ठले घरसहित ६ आना, २ पैसा, २ दाम जग्गा दान गर्नुभएको हो । स्वर्गीय दिलबहादुर श्रेष्ठकी श्रीमती जयथकु हाल छोरा बुहारीसँग जिल्ला बाहिर बस्दै आउनुभएको छ । तीन छोराहरुको स्वीकृतिमा आमा जयथकुले पुर्खौली घर र जग्गा विद्यालयलाई दान गर्नुभएको हो । अर्खौले बजारमा रहेको करिब ८ लाख बराबरको घर र जग्गा फागुन २७ गते वृद्धा जयथकुले मालपोत कार्यालय दिक्तेलमा उपस्थित भएर विद्यालयलाई निःशुल्क नामसारी गरिदिनुभएको हो । आफ्नो पुर्खौली घर जग्गा पैसामा बिक्री गर्नु भन्दा विद्यालयलाई दिन आमाले उचित ठाने पछि विद्यालयलाई दान गरिएको जयथकुका छोरा गोपाल श्रेष्ठले बताउनुभयो । छोरा गोपाल सरस्वती माध्यमिक विद्यालयका पूर्व शि...

खोटाङ, चैत २ । खोटाङको एक मात्र ठूलो अस्पताल जिल्ला अस्पतालमा अहिलेसम्म सघन उपचार कक्ष (आइसियु) छैन । आइसियुका उपकरण आएपनि जडान गर्ने ठाउँ र जनशक्ति नहुँदा थन्किएर बसेको छ । जिल्लाको सबै भन्दा ठुलो अस्पतालमा आइसियु सेवा नुहँदा जटिल खालका बिरामीलाई जिल्ला बाहिर लानु पर्ने बाध्यता छ । कोभिडको समयमा जिल्ला अस्पताल खोटाङलाई पाँच बेड सञ्चालनका लागि आइसियुको उपकरण आएको अस्पताल प्रमुख डा. रुपेश संग्रौलाले बताउनुभयो । तर, जडान गर्ने ठाउँ र सञ्चालनका लागि जनशक्ति नहुँदा उपकरणहरु स्टोरमा थन्किएको उहाँको भनाइ छ । आइसियु सेवा सञ्चालन नहुँदा जटिल खालका बिरामीलाई बाहिर रेफर गर्नु पर्ने बाध्यता रहेको डा. संग्रौलाले बताउनुभयो । अस्पतालबाट रेफर भएका कतिपय बिरामीहरुको अन्य अस्पताल जादाजादै बाटैमा मृत्यु भएको छ । आर्थिक अवस्था राम्रो हुने परिवारले हेलिकप्टर चार्टर गरेर बिरामी सुविधा सम्पन्न अस्पतालमा लाने ...

खोटाङ, फागुन २७ । स्थानीय सरकारहरूको कार्यसम्पादन मूल्याङ्कनमा खोटाङ जिल्लाको दश स्थानीय तहमध्ये हलेसी तुवाचुङ नगरपालिका पहिलो भएको छ । राष्ट्रिय प्राकृतिक स्रोत तथा वित्त आयोगले सार्वजनिक गरेको अन्तिम नतिजा अनुसार दुई नगरपालिका र आठ गाउँपालिका रहेको जिल्लामा नौ स्थानीय तहलाई पछि पार्दै हलेसी तुवाचुङ पहिलो भएको छ । राष्ट्रिय प्राकृतिक स्रोत तथा वित्त आयोगले आर्थिक वर्ष २०८०/०८१ को सार्वजनिक गरेको स्थानीय सरकारहरूको अन्तिम कार्यसम्पादन मूल्याङ्कन नतिजा अनुसार हलेसी तुवाचुङ नगरपालिकाले सबै भन्दा बढी ६८.५४ नम्बर पाएको छ । यस अघिको प्रारम्भिक नतिजामा दिक्तेल रुपाकोट मझुवागढी नगरपालिका पहिलो, रावा बेसी गाउँपालिका दोस्रो र हलेसी तुवाचुङ नगरपालिका तेस्रो थियो । तर आयोगले फागुन २५ गते सार्वजनिक गरेको अन्तिम नतिजा अनुसार हलेसी तुवाचुङ पहिलो भएको हो । कार्य सम्पादन मूल्याङ्कनको प्रारम्भिक अङ्क माघ ...