ताजा अपडेट

खोटाङ, मङ्सिर २३ । खोटाङको हलेसी तुवाचुङ नगरपालिका–७ महादेवस्थानस्थित त्रि–धार्मिक स्थल हलेसी मन्दिर परिसरमा पुनः सीसी क्यामेरा जडान गरिएको छ । मन्दिरको सुरक्षाका लागि र अपराधीक क्रियाकलाप हुन नदिन पुनः क्यामेरा जडान गरिएको नगरपालिकाका मेयर विमला राईले जानकारी दिनुभयो । पहिले जडान गरिएको क्यामेरा चट्याङले बिगारे पछि एक वर्ष हलेसी मन्दिर सीसी क्यामेरा बिहिन बनेको थियो । क्यामेरा नहुँदा मन्दिरको भेटी लगायत विभिन्न सामान हराएपछि मेयर राईको निर्देशनमा पुनः जडान गरिएको नगर प्रवक्ता एवं वडाध्यक्ष कलम गिरीले बताउनुभयो । सुरुमा हलेसी महादेव मन्दिर व्यवस्थापन समिति र हलेसी महादेवस्थान विकास समितिको १५ लाख बजेटमा जडान गरिएको क्यामेरा चट्याङले बिगारेपछि अहिले हलेसीमहादेव मन्दिर व्यवस्थापन समितिको आठ लाख ६४ हजार बजेटमा १९ वटा क्यामेरा जडान गरिएको छ । पहिलाको क्यामेरा राखिएको ठाउँमै पुनःतार टाँगेर नया...

राजकुमार भट्टराई खोटाङ, मङ्सिर २२ । वि.स. २०४४ सालमा खोटाङको रावा बेसी गाउँपालिका–६ हौँचुर साविक ८ कट्टिस्थित देउराली डाँडालाई त्यहाँका नागरिकले छेड्ने निधो गरे । लोचा खोला (हौँचुर खोला) को पानी खेतसम्म ल्याउन अन्य बिकल्प नभएपछि हौँचुरका केही ब्यक्तिको नेतृत्वमा गाउँबाट अन्नबाली संकलन गरेर ओखलढुंगा मानेभञ्ज्याङका बिर्ख बहादुर मगरको समुहलाई सुरुङ खन्ने जिम्मा लागाइयो । गाउँलेको जग्गा कृषि बैंकमा धितो राखेर निकालिएको रु १ लाख ४४ हजार ऋण र संकलन गरिएको ४० मुरी अन्नबाट सुरुङ सम्पन्न गर्ने गाउँलेको सपना थियो । मगरको समुहले देउराली डाँडा मुनी केही भूभाग सुरुङ खने, तर माथीबाट पहिरो झरेर सुरुङ पुरियो । गाउँलेले फेरी लामिडाँडा तिर्पाका हर्क बहादुर मगरको समुहलाई सुरुङ खन्ने जिम्मा दिए । केही समय खनेपछि पुनः सुरुङ पुरियो, धन्न उनिहरु बाँचे भने उनिहरुले प्रयोग गरेका हम्मर, छिनो, गैति लगायतका सामान ...

खोटाङ, मंसिर १८ । खोटाङको हलेसी तुवाचुङ नगरपालिका–८ धितुङकी डेनिका राईले विश्व मुवाँथाई च्याम्पियनसिपको तेस्रो स्थान हासिल गरेकी छिन् । थाइल्यान्डमा सम्पन्न विश्व मुवाँथाई च्याम्पियनसिपको १७औं संस्करणमा राईले तेस्रो स्थान हासिल गरेकी हुन् । थाइल्यान्डको पटायामा आयोजना गरिएको विश्व मुवाँथाई च्याम्पियनसिपमा २० देशका खेलाडीहरु सहभागी थिए । नेपालको प्रतिनिधित्व गरेर प्रतिस्पर्धा गर्न गएकी राई अन्य १७ देशका खेलाडीलाई पछि पार्दै तेस्रो भएकी हुन् । नेपालबाट उक्त प्रतियोगितामा भाग लिन गुणराज रुचाल र डेनिका राई छनोट भएर थाइल्यान्ड गएका थिए । गुणराजले पुरुष ५७ केजी तौल समूह र डेनिका राईले महिला ४८ केजीमा प्रतिस्पर्धा गरेका हुन् । मुवाँथाईको विश्व च्याम्पियनसिपमा भाग लिन गएकी डेनिका राईलाई हलेसी तुवाचुङ नगरपालिकाले रु १ लाख सहयोग गरेको थियो ।...

खोटाङ, मंसिर १८। खोटाङको साकेला गाउँपालिका–४ मात्तिम मानेभञ्ज्याङबाट जिल्ला सदरमुकाम दिक्तेल आउदै गरेको बस दुर्घटना भएको छ । बा ३ ख १८९५ नम्बरको बस साकेला गाउँपालिका–४ मात्तिम बिर्ताको कामिसरास्थित सडकमा ब्रेक फेल भएर बस पल्टिँदा चार जना घाईते भएका छन् । बस गुडिरहेको सडकमा पल्टदा बसका सहचालक शारदा नगरपालिका सल्यानका मिलन मगरसहित अन्य तीन जना घाईते भएका हुन् । घाईते हुनेहरुमा साकेला गाउँपालिका–३ खिदिमाका दिपेन्द्र तामाङ, कल्पना राई, ऐसेलुखर्क गाउँपालिकाकी इन्दिरा पुरी रहेका छन् । चालक र सहचालक सहित पाँच जना सवार बसको ब्रेक पाईप फुटेपछि हावा लिक भएर बस सडकमा पल्टिएको चालक सुदन बिकले बताउनुभयो । टाउको, कान लगायतका ठाउँमा चोटपटक लागेका घाइतेको अवस्था सामान्य रहेकाले घट्नास्थलमै स्वास्थ्यकर्मी बोलाएर प्राथमिक उपचार गरिएको छ ।...

खोटाङ, मङ्सिर १६ । हलेसी तुवाचुङ नगरपालिका–७ महादेवस्थानको कात्तिकेमा कपास खेती फस्टाउदै गएको छ । दुई वर्ष अघि नगरपालिकाको अनुदानबाट सुरु भएको कपास खेती अहिले फस्टाउदै गएको हो । आर्थीक वर्ष २०७७/०७८ मा १० लाख बजेट बिनियोजन गरेर कपास खेतीलाई प्रवद्र्धन गर्न सुरु गरेको नगरपालिकाले अहिले पनि निरन्तर दिदै आएको छ । पुर्खाको पालामा हलेसी तुवाचुङ नगरपालिका क्षेत्रका धेरै ठाउँमा कपास खेती हुने गरेको थियो । कपासबाट खाँडीका कपडा उत्पादन गरेर बिक्रीसमेत गर्ने गरेको त्यस क्षेत्रका पुर्खाहरुको भनाइ छ । लोपोन्मुख बनेको कपास खेती र खाँडीका कपडाको संरक्षण र प्रवद्र्धन गर्नु नगरपालिकाको दायित्व रहेकाले बजेट बिनियोजन गरेरै काम सुरु गरिएको नगरपालिकाका मेयर बिमला राईले बताउनुभयो । ‘म यस नगरको उपमेयर हुँदै गर्दा मेरै नेतृत्वमा कपास खेती प्रवद्र्धन कार्यक्रम सुरु गरिएको थियो । सुरुमा हामीले विभिन्न समुह मार्फ...

खोटाङ, मङ्सिर १५ । हलेसी तुवाचुङ नगरपालिका–७ महादेव स्थानस्थित त्रि–धार्मिकस्थल हलेसी मन्दिर परिसरमा २६ वटा शौर्यबत्ती जडान गरिएको छ । अन्य १ सय २६ शौर्यबत्ती जडान गर्ने तयारी गरिएको छ । हलेसी तुवाचुङ नगरपालिका र महादेवस्थान वडा कार्यालयको प्रस्तावमा उज्यालो हलेसी कार्यक्रम अन्तर्गत १ नं.प्रदेश सरकार, खानेपानी, सिचाइँ तथा उर्जा मन्त्रालयको १० लाख बजेटमा २६ वटा बत्ती जडान भएको महादेवस्थानका वडाध्यक्ष तथा नगर प्रवक्ता कमल गिरीले जानकारी दिनुभयो । अन्य १ सय २६ वटा बत्ती जडानकालागि १ करोड बजेट विनियोजन भइसकेको छ । जसकालागि बत्ती जडानमा आवश्यक तार लगायतका सामाग्री आइसेको गिरीले बताउनुभयो । हालको २६ वटा बत्ती महेन्द्रोदय माविको छानामा १२ थान सोलार प्यानल राखेर आठ वटा ब्याट्रीमार्फत एक केभीए विद्युत उत्पादनबाट सञ्चालनमा आएको हो । बत्ती जडानकालागि प्रदेशबाटै सामान र प्राविधिक टोली आएको थियो । बत...

खोटाङ, मंसिर १५ । खोटाङको रावा बेसी गाउँपालिकाले तोरीको तेलमा आत्मनिर्भर बन्ने अवधारणा अघि सारेको छ । पालिका भित्रका अधिकांश भूभागमा तोरी खेती हुनेभएकाले तेल बाहिरबाट आयत गर्न रोक्ने योजना अघि सारिएको गाउँपालिकाले जनाएको छ । रावा बेसी गाउँपालिकामा तेलहन बाली उत्पादनको लागि उर्वरभुमि हुँदाहुँदै पनि करोडौँको खाध्य तेल आयत भइरहेकाले पालिकाले तोरी खेती गर्ने कार्यक्रम सुरु गरेको पालिका अध्यक्ष फटिक कुमार श्रेष्ठले बताउनुभयो । केही समय अघि ६ वटै वडाको तोरी खेती हुने भूभागको छनोट गरेर कृषकहरुबाट पालिकाले आवेदन माग गरेको थियो । कृषकहरुले दिएको आवेदनको आधारमा तोरीको बिउ वितरण गर्न सुरु गरिएको अध्यक्ष श्रेष्ठले बताउनुभयो । वडा नम्बर १ कुभिण्डेको खैरेनि, चालिसे, कुखुरे र वेल्टार, वडा नम्बर २ खार्पाको दसमुरे र जलजले, वडा नम्बर ३ लामिडाँडाको तिर्पा बेँसीको भूभाग तोरी खेतीकालागि छनोट भएका छन् । यस्तै...