ताजा अपडेट

खोटाङ, पुस २ । खोटाङको दिक्तेलस्थित रम्बाखोला माझखोला साना शहरी खानेपानी तथा सरसफाई उपभोक्ता संस्थाले गत मंसिर २६ गतेकालागि दोस्रो वार्षिक साधरण सभा बोलायो । सभा सफल पार्न जिल्ला समन्वय समितिको समिक्षालय हलमा उपभोक्ता पनि भेला भए । तर ५१ प्रतिशत उपभोक्ता उपस्थित नभएपछि सभा स्थगीत भयो । खानेपानी संस्थाले पुनः साधरणसभा गर्ने भन्दै पुस २ गतेलाई मिति तोक्यो । दोस्रो पटक पनि गणपुरक संख्या नभएको भन्दै सभा स्थगीत गरियो । तर उपभोक्ताको आवश्यक संख्या उपस्थित नभएको भन्दा पनि हालको समितिले चाहेको मान्छे नयाँ समितिमा निर्वाचित हुन कठीन हुने अवस्था देखिएपछि सभा स्थगीत भएको बुझिएको छ । ‘एक उपभोक्ताले भने, के को कम मानिस उपस्थित भएको हुनु, धेरै उपस्थित भएका थिए, तर आफुले चाहेको मान्छे अध्यक्ष लगायतका पदमा पराजित हुने स्थिती देखिएपछि साधरणसभा स्थिगीत गरेका हुन् ।’ ‘त्यो पदमा बसेर न भत्ता आउछ न तलब आउछ तर...

खोटाङ, मंसिर २४ । नेपाली कांग्रेसले समानुपातिकतर्फ ३२ जनाको नाम टुंगो लगाएको छ । जसमा खोटाङबाट कांग्रेसको केन्द्रिय सदस्य सरस्वती बजिमयको नाम पनि समावेश भएको छ । बजिमय आदिवासी जनजातिबाट कोटाबाट सांसद बन्नुभएको हो । शनिबार बिहान पार्टी कार्यालय सानेपामा बसेको केन्द्रीय कार्यसम्पादन समिति बैठकले दिएको जिम्मेवारी अनुसार सभापति शेरबहादुर देउवाले समानुपातिक सांसदको टुङ्गो लगाएको महामन्त्री गगन थापाले बताउनुभयो । संघीय संसद्मा महिलाको ३३ प्रतिशत प्रतिनिधित्व अनिवार्य भएकाले कांग्रेसले समानुपातिकबाट तीन जना पुरुषलाई मात्र सांसद बनाउने निर्णय गरेको छ । थापाका अनुसार कांग्रेसले खसआर्यको पहिलो नम्बर रहेका डा.प्रकाशशरण महत, मधेसीको पहिलो नम्बरमा रहेका विमलेन्द्र निधि र दलितको पहिलो नम्बरमा रहेका जीवन परियारलाई सांसद बनाउने निर्णय भएको छ । आदिवासी जनजातिको पहिलो नम्बरमा रहेका गोपालमान श्रेष्ठ, थारुक...

खोटाङ, मंसिर २१ । खोटाङमा डिप्लोमा इन्जिनियर एसोसिएसन (डिन नेपाल) को नयाँ कार्यसमिति चयन गरिएको छ । बुधबार दिक्तेलमा भएको डिनको १४ औँ जिल्ला सम्मेलन तथा अधिवेशनले इश्वर खुलाल (बस्नेत) को अध्यक्षतामा सर्वसम्मत ११ सदस्यीय जिल्ला कार्य समिति चयन गरेको हो । डिनको उपाध्यक्षमा अग्निराज राई, सचिवमा गणेस राई, सह–सचिवमा गायस भट्टराई र कोषाध्यक्षमा सरगम राई सर्वसम्मत चयन हुनुभएको छ । यस्तै जिल्ला सम्मेलन तथा अधिवेशनले सन्तोष राउत, दिपेन्द्र राई, रेश्मा राई, पशुपती पुन, रोजनबाबु बस्नेत र शिसम राईलाई सदस्यमा चयन गरेको छ । केन्द्रिय समितिका सल्लाहाकार बर्मलाल राजभण्डारी र विष्णु बहादुर केसीको उपस्थितिमा जिल्ला सम्मेलन तथा अधिवेशन सम्पन्न भएको डिन जिल्ला शाखा खोटाङले जनाएको छ । जिल्लामा विभिन्न निकायमा कार्यरत इन्जिनियरिङ प्राविधिकहरु करीब १०० जना डिनको सदस्य रहेका छन् ।...

खोटाङ, मंसिर १९ । कम्प्युटर एसोसियसन नेपाल महासंघ (क्यान महासंघ) जिल्ला शाखा खोटाङले नयाँ कार्य समिति चयन गरेको छ । क्यानको तेस्रो वार्षिक साधारणसभा तथा दोस्रो अधिवेशनले सोमबार विमला राईको अध्यक्षतामा ७ जिल्ला कार्यसमिति सर्वसम्मत चयन गरेको हो । क्यानको उपाध्यक्षमा कुमार बजिमय, सचिवमा खिला प्रसाद आचार्य, सह–सचिवमा प्रेमकुमार अधिकारी, कोषाध्यक्षमा राजु भट्टराई, सदस्यमा अजय बस्नेत र विनोद बस्नेत सर्वसम्मत चयन हुनुभएको छ । निर्वाचन समितिका संयोजक अधिवक्ता ओम प्रकाश घिमिरेले नवनिर्वाचित पदाधिकारीलाई शपथ ग्रहण गराएर प्रमाणपत्र प्रदान गर्नुभएको छ । खोटाङ उद्योग वाणिज्य महासंघको कार्यालयमा क्यानका निर्वतमान अध्यक्ष मनोज कुमार बजिमयको अध्यक्षतामा भएको अधिवेशनको उद्घाटन प्रमुख अतिथि दिक्तेल रुपाकोट मझुवागढी नगरपालिकाका मेयर तीर्थराज भट्टराईले गर्नुभएको थियो । कार्यक्रममा दिक्तेल रुपाकोट मझ...

खोटाङ, मंसिर १८ । हलेसी तुवाचुङ नगरपालिकाका नागरिकको घरघरमा (बृहत पम्पिङ) मार्फत खानेपानी पु¥याउने भनिएको ५ वर्ष बितिसक्दा पनि आयोजनाको काम सकिएको छैन् । वि.स. २०७४ सालबाट सुरु भएको आयोजनाको ४ पटक म्याद थपिदा पनि काम अझै सम्पन्न नभएको हो । दुधकोसीबाट पानी लिफ्ट गरेर नगरपालिकाका ७ वडाका कम्तीमा ३ हजार ७५६ घरधुरीलाई बितरण गर्ने लक्ष्य राखिएको आयोजनाको काम सम्पन्न हुने कुनै छाटकाट नदेखिएपछि नगरपालिका ‘एक्सन’ मा आएको छ । शनिबार जनप्रतिनिधि, संघीय खानेपानी ढल व्यवस्थापन आयोजनाको कार्यालयका प्रतिनिधि, उपभोक्ता समिति लगायतको छलफल आयोजना गरेर निर्माण कम्पनीलाई नगरपालिकाले खोइ पानी भन्दै प्रश्न गरेको छ । जवाफमा निर्माणको जिम्मा पाएका तिनै वटा निर्माण कम्पनीका प्रतिनिधिले अबको दुई महिनामा पानी ल्याउने बताएका छन् । दुई महिनामा काम सम्पन्न गर्नेगरी उनिहरुले कागजमा हस्ताक्षरसमेत गरेका छन् । सुक्खाग्र...