ताजा अपडेट

पवन खड्का खोटाङ, ५ फागुन । प्रायः सेवाग्राहीको अत्यधिक भीड लाग्ने कार्यालयले टोकन प्रणालीको आधारमा सार्वजनिक सेवा प्रवाह गरेको पाइन्छ । तर, खोटाङको दुर्गम मानिने वराहपोखरी गाउँपालिकाले भने सेवा प्रवाहलाई सहज, व्यवस्थित र प्रभावकारी बनाउन टोकन प्रणाली लागु गरेको छ । सेवा प्रवाहमा टोकन प्रणाली लागु गर्ने वराहपोखरी गाउँपालिका जिल्लाकै एक मात्र हो । दुई नगरपालिका र आठ गाउँपालिका गरी दश स्थानीय तह रहेको खोटाङका अरू कुनै पनि पालिकामा यस खालको अभ्यास छैन । गत आर्थिक वर्ष २०७७/०७८ मा गाउँसभाबाट टोकन प्रणाली लागु गर्ने निर्णय पारित गरेर ५ लाख बजेटसमेत छुट्याएको गाउँपालिकाले चालु आर्थिक वर्ष २०७८/०७९ बाट उपकरण खरिदपछि जडान गरेर टोकन प्रणाली सुरु गरेको हो । गत आर्थिक वर्षबाटै सेवा प्रवाहमा टोकन प्रणाली लागु गर्ने योजना भए पनि कोरोना महामारीका कारण केही ढिलाइ हुन गएको गाउँपालिकाका सूचना प्रविधि अ...

खोटाङ, फागुन ५ । खोटाङको हलेसी तुवाचुङ नगरपालिकाले गरिबी निवारणका लागि सीपमुलक तालिम प्रदान गर्नेभएको छ । नगरपालिकाको आर्थीक वर्ष २०७८\०७९ को गरिबी निवारणका लागि लघु उद्यम विकास (मेडपा) कार्यक्रम अन्तरगत बिभिन्न चार प्रकारका सीप मुलक तालिन निशुल्क प्रदान गर्न लागेको हो । मोटर साइकल र मिनिटिलर वर्कसव, इलेक्ट्रिसियन (वायरिङ, व्युटि पार्लर र बुटिङ सम्बन्धि तालिम प्रदान गर्न लागेको नगरपालिकाले सूचना प्रकाशन गरेर जानकारी गराएको छ । तालिम लिन इच्छुक व्यक्तिले फागुन ११ गतेसम्म सम्बन्धि वडा कार्यालय र नगरपालिकाको उद्यम विकास शाखामा आवेदन दिन सकिने नगरपालिकाका निमित्त प्रमुख प्रशासकीय अधिकृत रविकिरण आचार्यले जानकारी दिनुभयो ।...

खोटाङ, फागुन ५ । पाठेघर खसेर एवं पाठेघरमा क्यान्सर भएर कठिनाइ झेलिरहेका महिलालाई लक्षित गर्दै हलेसी तुवाचुङ नगरपालिकाले सञ्चालन गरेको निशुल्क शिविरबाट २ सय ७७ जनाले सेवा लिएका छन् । नगरपालिकाले नगर भित्रका चार स्वास्थ्य चौकीमा फागुन १,२,३ र ४ गते शिविर सञ्चालन गरेको थियो । फागुन १ गते वडा नम्बर १ बाहुनिडाँडामा सञ्चालन भएको शिविरबाट ७५ जनाले, २ गते वडा नम्बर ६ स्थीत मंगलटार स्वाथ्य चौकीबाट ५५ जनाले सेवा लिएको नगरपालिकाका स्वास्थ्य शाखा सह–संयोजक प्रकाश घिमिरेले जानकारी दिनुभयो । यस्तै ३ गते वडा नम्बर ९ स्थीत सल्ले स्वास्थ्य चौकीमा भएको शिविरबाट ९० जनाले र ४ गते वडा नम्बर १० अर्खौले स्थीत सहरी स्वास्थ्य केन्द्र नबलपुरमा भएको शिविरबाट ५७. जना गरी चार दिन सञ्चालन भएको शिविरबाट जम्मा २ सय ७७ जना महिलाले सेवा लिएको उहाँको भनाइ छ । पाठेघर खसेका र पाठेघरमा क्यान्सर भएका महिलाको पहिचान गर्ने र उप...

खोटाङ, फागुन ४ । आगामी वैशाख ३० गते हुने स्थानीय तह निर्वाचनमा खोटाङबाट मतदान गर्ने मतादताको संख्या १९ हजार बढीले वृद्धि भएको छ । २०७४ मंसिरमा सम्पन्न प्रतिनिधिसभा निर्वाचनमा जिल्लामा १ लाख २५ हजार १ सय ७८ जना मतदाता रहेका थिए । त्यसयता विभिन्न समयमा सञ्चालित फोटोसहितको मतदाता नामावली संकलन अभियानबाट १९ हजार २ सय ९६ जना नयाँ मतदाता थपिएका जिल्ला निर्वाचन कार्यालय खोटाङले जनाएको छ । योसँगै जिल्लामा कुल मतदाताको संख्या १ लाख ४४ हजार ४ सय ७४ पुगेको छ । कार्यालयका कम्प्युटर अपरेटर सञ्जीव खड्काले कुल मतदातामध्ये पुरुष मतदाताको संख्या ७५ हजार ४ सय ७८ र महिला मतदाताको संख्या ६९ हजार २६ जना रहेको जानकारी दिनुभयो । यद्यपी, निर्वाचन आयोगबाट अन्तिम विवरण नआएसम्म यसमा केही घटबढ भने हुन सक्ने उहाँको भनाइ छ । कार्यालयको प्रारम्भिक विवरण अनुसार जिल्लामा सबैभन्दा बढी दिक्तेल रुपाकोट मझुवागढी नगरपालिक...

खोटाङ, फागुन ४ । खोटाङमा पाँच जना बन्दकर्ता पक्राउ परेका छन् । एमसिसीकोविरुद्ध बन्द गराउँदै हिँड्ने पाँच जनालाई प्रहरीले पक्राउ गरेको हो । एमसिसी समझौता विरुद्ध नेत्रविक्रम चन्द (विप्लव) नेतृत्वको नेपाल कम्युनिस्ट पार्टी, वैद्य नेतृत्वको नेकपा (क्रान्तिकारी माओवादी), आहुती नेतृत्वको वैज्ञानिक समाजवादी पार्टी लगायतका राजनितिक दलले आज नेपाल बन्दको आह्वान गरेका थिए । सोहिक्रममा बन्द गराउदै हिड्ने पाँच जनालाई प्रहरीले पक्राउ गरेको हो । जिल्ला प्रहरी कार्यालय खोटाङका सूचना अधिकारी प्रहरी निरीक्षक सागर शाहका अनुसार पक्राउ पर्नेमा नेकपा (क्रान्तिकारी माओवादी) खोटाङ जिल्ला सेक्रेटरी झमप्रसाद आचार्य, विप्लव नेतृत्वको नेपाल कम्युनिस्ट पार्टीका खोटाङ जिल्ला सचिवालय सदस्य सुदिप शर्मा, सोहि पार्टीको विद्यार्थी संगठनमा आबद्ध कमल थापा, अजय चाम्लिङ र संगम राई रहेका छन । उनिहरुलाई दिक्तेल रुपाकोट मझुवागढी...

खोटाङ, फागुन ३ । राष्ट्रपति शैक्षिक सुधार कार्यक्रमका लागि खोटाङका ६२ सामुदायिक विद्यालय छनोट भएका छन् । सोमबार शिक्षा, विज्ञान तथा प्रविधि मन्त्री देवेन्द्र पौडेलको अध्यक्षतामा बसेको बैठकले कार्यक्रमका लागि देशभरका ४ हजार १ सय ५७ सामुदायिक विद्यालय छनोट गर्दा खोटाङबाट ६२ वटा विद्यालय परेका हुन् । जिल्लाका १० वटै स्थानीय तहबाट आवेदन परेका विद्यालयहरूलाई शिक्षा विकास तथा समन्वय इकाइ खोटाङले सिफारिस गरेकोमा विभिन्न चार वटा कार्यक्रमका लागि ६२ वटा विद्यालय छानिएका हुन् । जसमा आइसीटी ल्याब व्यवस्थापनका लागि २४ वटा, ४ कोठे भवन निर्माणका लागि १८ वटा, २ कोठे भवन निर्माणका लागि १९ वटा र बाली विज्ञान विद्यालय स्थापनाका लागि एउटा विद्यालय छनोटमा परेको हो । जिल्लाबाट कार्यक्रमका लागि सबैभन्दा बढी हलेसी तुवाचुङ नगरपालिकाका ९ वटा विद्यालय छानिएका छन् । यस्तै दिक्तेल रुपाकोट मझुवागढी नगरपालिका, ऐँसे...

खोटाङ, मफागुन ३ । खोटाङको सदरमुकाम दिक्तेलस्थित रत्नपार्कमा सपीङ कम्प्लेक्ससहितको चिल्ड्रेन पार्क निर्माण सम्पन्न भएको छ । निर्माण सम्पन्न पश्चात दिक्तेल रुपाकोट मझुवागढी नगरपालिकाका नगरप्रमुख दीपनारायण रिजाल र उपप्रमुख विणादेबी राईले आज संयुक्त रुपामा उद्घाटन गरेर पार्क सञ्चालनमा ल्याएका छन् । संस्कृति, पर्यटन तथा नागरिक उड्डयान मन्त्रालय र दिक्तेल रुपाकोट मझुवागढी नगरपालिकाको साझेदारीमा सपीङ कम्प्लेक्स सहितको चिल्ड्रेन पार्क निर्माण भएको हो । पर्यटन मन्त्रालयको २ करोड ५७ लाख र नगरपालिकाको १ करोड ८० लाख ८४ हजार ७५१ रुपैयाँ गरी ४ करोड ३७ लाख ८४ हजार ७५१ रुपैयाँमा उमा–लामा–अन्सुबी जेभीले पार्क निर्माण गरेको हो । २०७८ बैशाख २६ गते भएको सम्झौता अनुसार २०७९ बैशाख २६ गते निर्माण सम्पन्न गर्नुपर्ने थियो । तर निर्माण कम्पनीले सम्झौता भन्दा ३ महिना अघिनै संरचना निर्माण गरेर नगरपालिकालाइ बुझाए...

खोटाङ, फागुन २ । भीरबाट लडेर खोटाङमा एक जना महिलाको ज्यान गएको छ । जन्तेढुंगा गाउँपालिका–६ केराबारीकी ४० वर्षीया इन्द्रकला मगरको भीरबाट लडेर मृत्यु भएको प्रहरीले जनाएको छ । आइतबार बेलुुका ५ः१५ बजे केराबारीस्थित दामिरबोटे भन्ने ठाउँबाट बिउ राख्ने धान बोकेर घर फर्कँदै गर्दा नजिकैको स्याउखोला भीरबाट लडेर मगरको ज्यान गएको जिल्ला प्रहरी कार्यालय खोटाङका सूचना अधिकारी प्रहरी निरीक्षक सागर शाहले जानकारी दिनुभयो । उहाँका अनुसार भीर नजिकैको गोरेटो बाटोबाट करिब ५७ मिटर तल अँगेरीको रुखमा अल्झिएको अवस्थामा मगरको शव भेटिएको हो । अबेरसम्म घर आइनपुगेपछि उहाँका श्रीमान् सम्बर राईले खोजी गर्ने क्रममा राति ९ बजे शव फेला परेको इलाका प्रहरी कार्यालय चिसापानीलाई जानकारी गराउनुभएको थियो । घटनाको जानकारीपछि इलाका प्रहरी कार्यालय खोटाङबजार र चिसापानीबाट खटिएको प्रहरी टोलीले कानुुनी प्रक्रिया पूरा गरेर शव पोष्...

खोटाङ, फागुन २ । ट्याक्टर दुर्घटना हुँदा खोटाङमा एक जनाको घटनास्थलमै मृत्यु भएको छ । अर्का एक जना गम्भीर घाइते भएका छन् । आज बिहान १०ः१५ बजे हलेसी तुवाचुङ नगरपालिका–७ स्थित भित्री सडकखण्डमा पूर्वबाट पश्चिमतर्फ जाँदै गरेको स १ त ७७३३ नम्बरको ट्याक्टर आफैँ अनियन्त्रित भई पल्टिएर सडकबाट करिब ७५ मिटर तल खसेको थियो । दुर्घटनामा परी ट्याक्टर चालक हलेसी तुवाचुङ नगरपालिका–१०, नौलापुरका १४ वर्षीय सिटामोल भन्ने शेखर मगरको घटनास्थलमै मृत्यु भएको जिल्ला प्रहरी कार्यालय खोटाङका सूचना अधिकारी प्रहरी निरीक्षक सागर शाहले जानकारी दिनुभयो । दुर्घटनामा ट्याक्टरमा सवार सवारी धनी हलेसी तुवाचुङ नगरपालिका–७ का ३२ वर्षीय नगेन्द्र राई गम्भीर घाइते हुनुभएको छ । घाइते राईलाई हेल्थ केयर मेडिकल हलेसीमा प्राथमिक उपचारपछि काठमाडौँ लैजाने तयारी भइरहेको प्रहरी निरीक्षक शाहले बताउनुभयो । मृतक मगरको शव कानुनी प्रक्रिय...

खोटाङ, फागुन २ । खोटाङका एक बालकको उपचारकोलागि आर्थीक अभाव भएपछि परिवारले सहयोगको याचना गरेको छ । जिल्लाको ऐसेलुखर्क गाउँपालिका–२का १४ बर्षिय सन्तोस पुरिको उपचारकोलागि परिवारले सहयोगको याचना गरेको हो । बालक पुरी बिगत ५ महिनायता काठमाडौका बिभिन्न अस्पतालमा उपचाररत रहेका छन । पुरीको यतिबेला काठमाडौको ट्रमा अस्पतालमा उपचार भइरहेको परिवारले जनाएको छ । अचानक कम्मर पछाडिको नसा च्यापियर एउटा खुट्टा नचल्ने भएपछि उनलाई अस्पताल भर्ना गरिएको थियो । चिकित्सकका अनुसार उनको खुट्टाको शल्लेक्रिया गर्नु पर्ने बालक पुरीका दाई कुमार पुरीले बताउनुभयो । तर परिवारको आर्थीक स्थीत नाजुक भएका कारण शल्लेक्रियाका लागि खर्च जुटाउन नसकेपछि सहयोगको याचना गरिएको छ । बालक पुरीका वुबाआमाको यसअघिनै मृत्यु भइसकेको छ । हाल उनका दाइले हेरचाह गर्दै आएका छन । आर्थीक सहयोग गर्न चाहाने इच्छुकले बालकका दाई कुमार पुरिको नाममा रहे...