Banner News 1

खोटाङ, वैशाख ८ । हलेसी तुवाचुङ नगरपालिकाकी निर्वाचन अधिकृत एवं जिल्ला सरकारी वकिल कार्यालयकी जिल्ला न्यायाधिवक्ता संगीता न्यौपाने ढुंगेलले आसन्न स्थानीय तहको निर्वाचनमा निर्वाचन आचारसंहिता पूर्ण पालना हुने विश्वास व्यक्त गर्नुभएको छ । नगरपालिकाको दुर्छिमस्थित नगर प्रहरीको भवनमा बिहिबार निर्वाचन अधिकृतको कार्यालय स्थापनापछि रुपाकोटखबरसँग कुराकानी गर्दै उहाँले कसैले पनि निर्वाचन आचारसंहिता उल्लंघन नगर्ने विश्वास व्यक्त गर्नुभएको हो । नगरपालिकाको स्थानीय तह आचारसंहिता अनुगमन समिति संयोजकसमेत रहनुभएकी ढुंगेलले भन्नुभयो, ‘इमानदारिता र अनुशासन भनेको आफूलाई नै स्वच्छ, निश्पक्ष र विश्वसनीय बनाउने आधारशिला पनि हो । त्यसैले प्रत्येक राजनीतिक दल, उम्मेद्वार, मतदाता र सम्बद्ध सबै पक्षले आचारसंहिता उल्लंघन गर्दैनन् भन्ने विश्वास लिएकी छु ।’ कहीँकतै आचारसंहिता उल्लंघन भएको पाइए फोन सम्पर्क वा सामाजिक ...

पवन खड्का/खोटाङ, वैशाख ३ । आधा उमेर देशबाहिर बिताएका हलेसी तुवाचुङ नगरपालिका–५, दुर्छिम, चुरीढाँडका खम्ब चाम्लिङ अहिले ४८ वर्ष पुगे । रोजगारीको सिलसिलामा उनले कतारमा ६ वर्ष, साउदी अरबमा २ वर्ष र भारतका विभिन्न प्रान्तमा १५ वर्ष बढी गरी जीवनको अढाइ दशक खर्चेका छन् । एकातिर घरको जेठो सन्तान, अर्कातिर सानै उमेरमा विवाह । त्यसले गर्दा किशोरावस्थामै उनको काँधमा जिम्मेवारीको चाङ आइलाग्यो । परिवार चलाउन उनले सानै उमेरमा ऋणको बोझ बोक्नुपर्यो । लागेको ऋण तिर्ने र प्रशस्त पैसा कमाएर परिवारलाई सुखले पाल्ने सुनौलो सपना लिएर विदेश पसेका उनले रोजगारीको सिलसिलामा अनेकन समस्या झेल्नुपर्यो । कहिले काम गर्ने कम्पनी राम्रो परेन त कहिले सोचे अनुुसारको काम पाएनन् । स्वभावैले मान्छे एकातिरबाट आशा गरिएको प्रतिफल प्राप्त नभएपछि अर्कातिर लाग्छ । त्यही आशाले वैदेशिक रोजगारीका दौरान यताउता गर्दागर्दै उनको आधा उम...

–पवन खड्का खोटाङ, चैत २३ । खोटाङको हलेसी तुवाचुङ नगरपालिकाले सुरु गरेको महिला आमा समूह लक्षित बिउ पूँजी घुम्ती कोष कार्यक्रम प्रभावकारी बन्दै गएको छ । नगरपालिकाले गत आर्थिक वर्ष २०७७/०७८ बाट कार्यविधि निर्माण गरी सञ्चालनमा ल्याएको कार्यक्रम प्रभावकारी बन्दै गएको हो । कार्यक्रममा सहभागी महिला आमा समूहले कार्यक्रम बापत नगरपालिकाबाट प्राप्त रकम उत्पादनमूलक कार्यमा खर्च गर्दा महिलाको विगतको आर्थिक अवस्थामा सुधार आएको हो । कार्यक्रमअन्तर्गत नगरपालिकाले प्रस्ताव आह्वान गरेर छनोट भएका महिला आमा समूहलाई द्विपक्षीय सम्झौतापछि प्रतिसमूह १ लाख रुपैयाँका दरले रकम उपलब्ध गराउने गरेको छ । हालसम्म नगरपालिकाका ३५ वटा आमा समूहले कार्यक्रम बापतको रकम पाएका छन् । गत आर्थिक वर्ष २०७७/०७८ मा १५ र चालु आर्थिक वर्ष २०७८/०७९ मा २० वटा आमा समूह कार्यक्रममा समेटिएका नगरपालिकाको महिला तथा बालबालिका शाखाकी प्रमुख...

खोटाङ, चैत १६ । खोटाङको रावाबेसी गाउँपालिका–४ स्थित धारापानीमा आधारभुत स्वास्थ्य केन्द्र सञ्चालनमा आएको छ । भवन निर्माण सम्पन्न पश्चात मंगलबार औपचारीक कार्यक्रममा बीच भवनको उद्घाटन भएसँगै आधारभुत स्वास्थ्य केन्द्र सञ्चालनमा आएको हो । स्वास्थ्य केन्द्र सञ्चालनमा आएसँगै डुम्रेधारापानीको साविक ६,७,८ र ९ नम्बर वडाका नागरिकले अव आधारभुत स्वास्थ्य उपचारको सेवा घर नजिकबाट पाउने वडाध्यक्ष ज्ञान बहादुर पाण्डेले बताउनुभयो । वडाध्यक्ष पाण्डेले भन्नुभयो “ती साविका ४ वटा वडाका नागरिकलाई देउरालीमा रहेको डुम्रे स्वास्थ्य चौकी पुग्न २÷३ घण्टा हिड्नु पर्ने बाध्यता थियो । धारापानीमै स्वास्थ्य केन्द्र सञ्चालनमा आएपश्चात त्यहाँका करीब २ सय ५० घरपरिवारले अव घर नजिकैबाट स्वास्थ्य सेवा पाउने छन् ।” यस्तै धारापानीमा आधारभुत स्वास्थ्य केन्द्रसँगै सम्पर्क वडा कार्यालय पनि खोलिएको छ । “वडा कार्यालय टाढा रहेकाले ना...

खोटाङ, चैत ७ । प्रधानमन्त्री शेरबहादुर देउवाले साप्सुखोला मोटरेबल पक्की पुलको उद्घाटन गर्नुभएको छ । दिक्तेल रुपाकोट मझुवागढी नगरपालिका–४ खाल्ले र दिप्रुङ चुइचुम्मा गाउँपालिका–१ याम्खा जोड्ने सडक खण्डको साप्सुखोलामा निर्माण गरिएको पक्की पुल प्रधानमन्त्री देउवाले उद्घाटन गर्नुभएको हो । पुल उद्घाटनका लागि प्रधानमन्त्री देउवा, खानेपानी मन्त्री उमाकान्त चौधरी र नेपाली कांग्रेसका सह–महामन्त्री भिष्मराज आङदेम्बे हेलीकप्टर मार्फत कार्यक्रम स्थल आउनु भएको हो । कार्यक्रमलाई सम्बोधन गर्दै प्रधानमन्त्री देउवाले अमेरिकी सहायता परियोजना मिलेनियम च्यालेन्ज कर्पोरेसन (एमसिसी) राष्ट्रको हितमा रहेकाले संसदबाट पास गरिएको बताउनुभएको छ । एमसिसीको बिषयमा केहि व्यक्तिहरुले गलत प्रचार गरेपनि एमसिसी कुनै पनि हालतमा राष्ट्र हितको बिपरित नरहेको प्रधानमन्त्री देउवाको भनाइ छ । यस्तै, खानेपानी मन्त्री चौधरीले एमसिस...

खोटाङ, चैत्र ६ । प्रधानमन्त्री शेरबहादुर देउवा भोलि सोमबार खोटाङ आउँदै हुनुहुन्छ । दिक्तेल रुपाकोट मझुवागढी नगरपालिका–४ खाल्ले र दिप्रुङ चुइचुम्मा गाउँपालिका–१ याम्खा जोड्ने सडक खण्डको साप्सुखोलामा निर्माण गरिएको मोटरेबल पक्की पुल उद्घाटन गर्न प्रधानमन्त्री देउवा खोटाङ आउन लाग्नुभएको हो । प्रधानमन्त्री देउवाले भोलि दिउँसो साढे १२ बजे पुल उद्घाटन गर्ने कार्यक्रम तय भएको छ । मूल्य अभिवृद्धि करसहित रु. ५ करोड ६० लाख १० हजार ५ सय ४५ मा निर्माण सम्पन्न भएको मोटरेबल पक्की पुल वि.सं. २०७६ असार ११ गते शिलान्यास गरिएको थियो । संघीय सरकार र प्रदेश सरकारबाट प्राप्त समपूरक अनुदान तथा दिप्रुङ चुइचुम्मा गाउँपालिकाको रु. दुई करोड बजेटमा निर्माण सम्पन्न भएको ४० मिटर लामो पक्की पुल सूर्य एन्ड सन्स प्रा.लि.ले निर्माण गरेको हो । निर्माण कम्पनीसँग वि.सं. २०७८ जेठ १७ गते निर्माणको काम सम्पन्न गर्ने गरी २०७६...

खोटाङ, चैत्र ०३ । सहकारीको भवनको बार्दली भाचिँदा सोलुखुम्बुमा ७ जना घाइते भएका छन् । आज बिहान करिब ९ बजेको समयमा सोताङ गाउँपालिका–५ स्थित लालिगुराँस सहकारी संस्थाको भवनको बार्दली भाँचिदा ७ जना घाइते भएका हुन् । घाइते हुनेहरूमा सोताङ गाउँपालिका–५ की ३५ वर्षीया हरिमाया बस्नेत, वडा नम्बर–३ की ३५ वर्षीया सबिना कुुलुङ, ३० वर्षीया पार्वता बाँस्तोला, ४५ वर्षीया राधा बस्नेत र ५५ वर्षीया निरु गौतम, वडा नम्बर–५ की ३५ वर्षीया मनकुमारी कार्की र ५५ वर्षीया रीता बस्नेत रहेका जिल्ला प्रहरी कार्यालय सोलुखुम्बुका डीएसपी कवित कटवालले जानकारी दिनुभयो । घाइतेमध्ये हरिमाया, सबिना र पार्वताको अवस्था गम्भीर रहेकाले थप उपचारका लागि हेलिकोप्टरमार्फत काठमाडौँ पठाइएको सोलुुखुम्बु प्रहरीले जनाएको छ । अन्यको प्राथामिक अस्पताल सोताङमा उपचार भइरहेको छ । सहकारीको मासिक बैठक चलिरहेका बेला भवनको बार्दली भाँचिएको बताइएक...

खोटाङ, चैत २ । खोटाङको दिक्तेल रुपाकोट मझुवागढी नगरपालिकाको केही भाग र साकेला गाउँपालिकाको केही भागमा आज दिउँसो विधुत आपूर्ति बन्द हुने भएको छ । दिक्तेल फिडर अन्तर्गत छिप्ती, कट्टी, दिखुवा खोला वारीको ११ केभी हाईटेन्सन लाइनको तार अपग्रेड गर्ने क्रममा विधुत आपूर्ति बन्द हुने विधुत प्राधिकरण दिक्तेल वितरण केन्द्रले जनाएको छ । उक्त फिडरमा पूरानो तार हटाएर नयाँ तार लगाउने र ईन्सुलेटेड कभर कन्डक्टर तान्ने काम गरिने हुंदा आज बिहान ९ बजेदेखि साँझ ५ बजेसम्म दिक्तेलबजारसहित, बाम्राङ, लफ्याङ, खाल्ले, नेर्पा, चिउरीडाँडा, निर्मलीडाँडा र साकेला गाउँपालिकाको अधिकांश स्थानमा विधुत आपूर्ति बन्द हुने प्राधिकरण प्रमुख विजयराज रेग्मीले जानकारी दिनुभयो ।...

खोटाङ, फागुन २९ । खोटाङ कोरोना भाइरस संक्रमणोन्मुख दिशामा पुगेको छ । शनिबारसम्म ७ जना सक्रिय संक्रमित रहेका जिल्लामा पछिल्लोपटक संक्रमण पुष्टि भई होम आइसोलनसमा रहेका ६ जना संक्रमित निको भएसँगै जिल्ला संक्रमणमुक्त हुने दिशामा पुगेको हो ।जिल्ला स्वास्थ्य कार्यालय खोटाङका अनुसार जिल्लामा अब एक जनामात्र सक्रिय संक्रमित छन् । संक्रमित ती व्यक्ति अहिले होम आइसोलेसनमा रहेका र उनको स्वास्थ्य अवस्था सामान्य रहेको कार्यालयका प्रमुख पुण्यप्रसाद सिग्देलले जानकारी दिनुभयो ।  ...

२६ फागुन । संखुवासभामा बस दुर्घटना हुँदा १४ जनाको मृत्यु भएको प्रहरीले जनाएको छ । दुर्घटनामा ५ जना घाइते भएका छन् । डिएसपी लालध्वज सुवेदीले १४ जनाको मृत्यु भएको पुष्टि भएको बताउनु भएको छ । दमकतर्फ जाँदै गरेको बा ४ ख ७३५ नम्बरको बस आज बिहान करिब साढे सात बजे तिर संखुवासभाको मादी नगरपालिका वडा नं. ६ सातघुम्ती भन्ने स्थानमा दुर्घटना भएको थियो । घाइतेहरुलाई उपचारका लागि सदरमुकाम चैनपुर लगिएको छ । गम्भीर घाइतेहरुलाई सुविधासम्पन्न अस्पतालमा हेलिकप्टर मार्फत लगिएको छ । बस सडकबाट करिब साढे ३ सय मिटर तल खसेको छ । सशस्त्र प्रहरी, नेपाल प्रहरी र स्थानीय उद्धारमा खटिएका थिए ।...