Banner News 3

खोटाङ, चैत २४ । खोटाङको दिक्तेल रुपाकोट मझुवागढी नगरपालिकाले ठेकेदारलाई पक्राउ गरी कारबाही गर्न जिल्ला प्रशासन कार्यालयलाई पत्र लेखेको छ । पुष्पलाल मध्यपहाडी लोकमार्ग अन्तरगत चखेवाभञ्ज्याङ–दिक्तेल सडक खण्डमा पर्ने पंखु खोलाको मोटरेबल पुल अलपत्र पार्ने ठेकेदारलाई पक्राउ गरी कानूनी कारबाही गर्न भन्दै नगरपालिकाले प्रशासनलाई पत्र लेखेको हो । दिक्तेल रुपाकोट मझुवागढी नगरपालिका–८ बुवालुङ र लामीडाँडा जोड्ने १५ मिटर लम्बाई भएको पंखु खोला पुलको काम अलपत्र पार्ने सिरुवा कन्ट्रक्सन प्रालिका प्रोजेक्ट मेनेजर सन्तोष ढुंगानालाई कानुनी दायरामा ल्याउन प्रशासनलाई पत्र लेखिएको मेयर तीर्थराज भट्टराईले बताउनुभयो । सिरुवा कन्ट्रक्सनले २०७३ असोज ७ गतेसम्ममा सम्पन्न गर्नेगरी २०७२ असोज ६ गते ठेक्का सम्झौता गरेको थियो । तेश्रोपल्ट थप भएको २०७७ असोज ३० गते नै नाघिसकेको छ । त्यस यता पुलको म्याद थप नभएको पुष्पलाल (...

खोटाङ, चैत २४ । दर्ता नगरी सञ्चालन भएका खोटाङका तीन औषधि पसलमा ताला लगाइएको छ । जिल्लाको दिक्तेल रुपाकोट मझुवागढी नगरपालिका–१ दिक्तेल बजारमा सञ्चालन भइरहेका तीन पसलमा औषधि व्यवस्था बिभाग शाखा कार्यालय विराटनगरले ताला लगाएको हो । बिभागमा दर्ता गरेर मात्र औषधि पसल सञ्चालन गर्नु पर्ने भए पनि तीन पसलले दर्ता नगरेका कारण सिलबन्दी गरिएको बिभागमा कार्यरत नायब सुब्बा हरिस सुबेदीले जानकारी दिनुभयो । बिहिबार अनुगमनको क्रममा दिक्तेल बजारमा सञ्चालित अपोगी हेल्थ केयर एण्ड डायग्नोस्टीक सेन्टर प्रालि, ॐ हलेसी मेडिकेयर क्लिनिक र न्यु हलेसी मेडिकेयर क्लिनिक एण्ड मन्सु फार्मेसी दर्ता नभएको पाइएपछि सिलबन्दी गरिएको सुबेदीले बताउनुभयो । बिभागमा आवश्यक कागजातसहित उपस्थित भएर दर्ता गरेपछि मात्र पसल खोलिने बिभागले जनाएको छ ।...

खोटाङ, चैत २३ । खोटाङको जन्तेढुंगा गाउँपालिकामा २ लाख ५५ हजार पुरस्कार राशिको ‘प्रथम जन्तेढुंगा आमन्त्रित गोल्डकप’ आगामि वैशाख ४ गतेबाट हुने भएको छ । जन्तेढुंगा गाउँपालिका–५ खर्क खेलमैदानमा हुने जिल्लाकै सर्वाधिक पुरस्कार राशिको गोल्डकपमा ८ समहुले प्रतिस्पर्धा गर्ने छन् । जन्तेढुंगा गाउँपालिकाको विशेष सहयोगमा जन्तेढुंगा खेलकुद विकास समितिले गोल्डकपको आयोजना गरेको हो । प्रतियोगिताको उद्घाटन खेलमा वैशाख ४ गते आयोजक जन्तेढुंगा फुटबल क्लब र न्यु त्रियुगा फुटबल क्लबबीच प्रतिस्पर्धा हुनेछ । वैशाख ५ गते हुने दोस्रो खेलमा बसाहा फुटबल क्लब र हलेसी तुवाचुङ क्लबबीच खेल हुँदा तेस्रो खेलमा ६ गते भोजपुर फुटबल संघ र बेल्टार एकता क्लब भिड्ने छन् । पहिलो चरणको अन्तीम खेल ७ गते गोलबजार स्पोट्र्स क्लब र भगवती स्पोट्र्स क्लब मैदान उत्रिने आयोकज जन्तेढुंगा खेलकुद विकास समितिका सचिव अमित राईले जानकारी दिए । व...

खोटाङ, चैत २३ । खोटाङको दिक्तेल रुपाकोट मझुवागढी नगरपालिकाले विद्यालयहरुलाई सिकाइ उपलब्धि बढाउने गरी वार्षिक कार्ययोजना बनाउन निर्देशन दिएको छ । कक्षागत नतिजा विश्लेषण गरी हालको (सक्षमता) उत्तिर्ण प्रतिशत भन्दा आगामी दिनमा सिकाइ उपलब्धि वार्षिक न्यूनतम तीन प्रतिशतको वृद्धि लक्ष्य राखेर कार्ययोजना बनाउन नगरपालिकाले निर्देशन दिएको हो । नयाँ शैक्षिक सत्र २०८० मा लक्ष्य निर्धारण गरेर सिकाइ उपलब्धि बढाउने गरी विद्यालयलाई निर्देशन गरिएको मेयर तीर्थराज भट्टराईले बताउनुभयो । नगरका सामुदायिक विद्यालयहरुले वार्षिक कार्ययोजना निर्माण गरेर आगामि वैशाख १० गते भित्र नगर शिक्षा शाखामा पेश गर्न भनिएको उहाँको भनाइ छ । यस्तै, कतीपय विद्यालयमा विद्यार्थी संख्या र भर्ना संख्यामा फरक परिरहेकाले आइ.इ.एम.आइ.एस र विद्यालयमा भर्ना दरमा फरक नपर्ने गरी विद्यार्थी संख्या पेश गर्नसमेत पत्रमार्फत विद्यालयहरुलाई निर्द...

राजकुमार भट्टराई (सरगम) खोटाङ, चैत १४ । खानेपानीको चरम समस्याले खोटाङको एउटा गाउँ रित्तिएको छ । जिल्लाको हलेसी तुवाचुङ नगरपालिका–११ राजापानीस्थित पुरानो गाउँ खानेपानीको समस्याले अहिले रित्तो भएको छ । करीब ५५ घर परिवार बसोबास गर्ने पुरानो गाउँमा अहिले जम्मा ४ घर मात्र बाकी रहेका छन् । ५१ घर परिवार पुरानो गाउँबाट बसाइँसराइ गएपछि अहिले गाउँ वनमारा घारीले घेरिएको छ । प्राय घरहरु लडिसकेका छन्, केही घर लड्न तरखरमा छन् । मानिसको बसोबास हुँदासम्म मकै, गहुँ, गहत, दाल प्रशस्त फल्ने बारीमा अहिले सेतो वनमारा मात्र भेटिन्छ । सगरमाथा राजमार्गले छोए पनि खानेपानीको समस्याले ग्रसीत पुरानो गाउँबासी अन्ततः गाउँ छाड्न बाध्य भएका हुन् । अहिले उक्त गाउँमा बस्दै आएका ४ घर मध्ये १ घरमा बस्दै आउनु भएका नवराज रेग्मी बाध्यताले मात्र बस्नु परेको बताउनुहुन्छ । नजिकैको महंकला आधारभुत विद्यालयको प्रधानाध्यापकसमेत ...

खोटाङ, चैत १३ । खोटाङको रावाबेँसी गाउँपालिकाले लिचीलाई प्रवद्र्धन गर्ने भएको छ । पालिका भित्रका अधिकांश क्षेत्रमा उत्पादन भइरहेको लिची फललाई  प्रवद्र्धन गरेर लाने गाउँपालिकाले जनाएको छ । जसअनुसार गाउँपालिकाको वडा नम्बर १ कुभिण्डेका लिचीको माउबोट छानेर ट्याग लगाएको छ । लिचीको बेर्ना उत्पादनमा प्रयोग गर्नका लागि स्वस्थ र गुणस्तरिय दाना फल्ने २० बोटलाई माउबोटका रुपमा छानेर ट्याग लगाइएको गाउँपालिकाका कृषि शाखा संयोजक मुगाधन राई जानकारी दिनुभयो । करिब अढाइ सय वर्ष अघिदेखि व्यवसायीक रुपमा लिची उत्पादन हुँदैआएको कुभिन्डेमा लिचीको आफै गुणस्तरिय बेर्ना उत्पादन गर्ने र बेर्ना खरिदका नाममा बाहिरिने रकमलाई गाउँमै रोक्ने लक्ष्यका साथ माउबोट छानिएको राईले बताउनुभयो । कुभिन्डेमा लिचीका ठूलाठूला करिब तीन–चार सय बोट छन् । वडा समिति, कृषि प्राविधिक, अगुवा तथा अनुभवी किसानसँगको छलफलबाट १३ किसानको बगानका २०...

खोटाङ, चैत १३ । खोटाङ उद्योग वाणिज्य संघको निर्वाचन १६ गते हुने भएको छ । यसअघि राजनीतिक भागबन्डाका आधारमा मिलाउने भनिए पनि अन्ततः चुनाव हुने निश्चित भएको हो । चुनावका लागि सोमबार अध्यक्षमा तीनजनाको उम्मेदावरी दर्ता भएको छ । अध्यक्षका लागि समुन्द्र प्रसाद जोशी, राजन प्रसाद आचार्य र राजेन्द्र लयालुको भिडन्त हुने पक्का भएको हो । वरिष्ठ उपाध्यक्षका लागि मनोज कुमार वजिमय, वुद्धि विनोद लुइटेल, प्रथम उपाध्यक्षका लागि विजयश्वर श्रेष्ठ, जयप्रसाद राई र द्धितीय उपाध्यक्षका लागि मणिशोभा राई र फुर्वा दोर्जी शेर्पाको उम्मेदवारी दर्ता भएको छ । महासचिवका लागि अजय बस्नेत, सुमन श्रेष्ठ, सचिवका लागि राजु श्रेष्ठ, लेख बहादुर खड्का(बिनोद) तथा कोषाध्यक्षका लागि नेत्र बहादुर कटुवाल र युधिर शाक्यको उम्मेदवारी परेको छ । खुला सदस्यमा १२ तथा महिला सदस्यमा ४ जनाको उम्मेदवारी परेको छ । सात जना पदाधिकारी तथा खुल्ला ...

खोटाङ, चैत ९ । खोटाङको हलेसी तुवाचुङ नगरपालिकाका कक्षा ४–९ सम्मको वार्षिक परिक्षा नगरले लिन सुरु गरेको छ । विद्यार्थीको क्षमताको निष्पक्ष मुल्याङकनका लागि नगरको मातहतमा नगर स्तरीय परिक्षा सञ्चालन गरिएको मेयर विमला राईले बताउनुभयो । विद्यालय आफैले प्रश्नपत्र बनाएर उत्तरपुस्तिका पनि आफैले परिक्षण गर्दा विद्यार्थीको सही मुल्याङकन हुन नसकेकाले (एसईई) मोडलमा परिक्षा सञ्चालन सुरु गरिएको मेयर राईको भनाइ छ । नगरपालिकाको मातहतमा प्रश्नपत्र तयार पारेर बिहिबारबाट परिक्षा सुरु गरिएको छ । नगरपालिका भित्रका ९० वटा सामुदायिक विद्यालयमध्ये ७० वटा विद्यालयलाई परिक्षा केन्द्र तोकिएको शिक्षा शाखा संयोजक पदम बहादुर कार्कीले बताउनुभयो । सबै परिक्षा केन्द्रमा फरक विद्यालयका शिक्षकलाई केन्द्र अध्यक्ष बनाएर परिक्षा सञ्चालन भएको उहाँको भनाइ छ । नगर स्तरीय परिक्षा सञ्चालन गरिरहेको नगरपालिकाले उत्कृष्ट अंक ल्याउने...

खोटाङ, चैत ९ । नेकपा एमालेका सचिव टोप बहादुर रायमाझीले अहिलेको संघीय सरकारले आगामि आर्थीक वर्ष २०८०\०८१ को बजेट ल्याउन नसक्ने अवस्थामा रहेको दावी गरेका छन् । एमालेको मिसन ग्रासरुट पार्टी सुदृढीकरण तथा बिस्तार अभियान कार्यक्रममा खोटाङ आएका रायामाझीले यस्तो दावी गरेका हुन् । नेकपाकोे सरकार ढालेर बनेका नयाँ सरकारले दुई वर्षको अन्तरालमा महंगी मात्र बढाएको रायमाझीको भनाइ छ । ‘एमालेको सरकार ढालेर अन्य सरकार बनकोे यो दुई वर्ष कहालीलाग्दो छ । महंगी उकालो लागेको छ, तर विकास ठप्प छ । यो सरकार आगामि बजेट ल्याउन नसक्ने अवस्थामा छ, धेरै बजेट कटौती हुनेवाला छ ।’ उनले भने, ‘त्यही पनि यस्तो सरकारमा जान राजनीतिक दलको कुटाकुट छ । राजनीतिमा इमानदारीता भन्ने हराएको छ ।’ तासको जोकरले बाजी मार्छ तर मान्छे जोकर भएर देश खक्तम भएको रायमाझीको टिप्पणी छ । जसले गर्दा देशको राजनीतिमा खतरा देखिएको उनको भनाइ छ । एमाले...

खोटाङ, चैत ७ । खोटाङको हलेसी तुवाचुङ नगरपालिकाले सबै कार्यालय, विद्यालय, अस्पताल लगायतका सार्वजनिक ठाउँहरुमा मादक पदार्थ सेवन (मापसे) परिक्षण गर्ने भएको छ । शिक्षक, स्वाथ्यकर्मी, कार्यालय सहयोगिहरुले मादक पदार्थ सेवन गरेर कार्यालयमा आउने गरेको गुनासो आएपछि मापसे परिक्षण गर्ने निर्णय गरिएको मेयर विमला राईले जानकारी दिनुभयो । मंगलबार बसेको नगर कार्यापालिकाको बैठकलले ब्रेथलाइजरबाट मापसे परिक्षण गर्ने मेशिन खरिद गर्ने निर्णय गरेको छ । नगरपालिकाले ७ वटा मेशिन खरिद गरेर नगर भित्र रहेका ६ वटा प्रहरी चौकी र १ नगर अस्पतालमा दिने निर्णय गरिएको मेयर राईले बताउनुभयो । ‘केही विद्यालयमा शिक्षकहरु मापसे गरेर विद्यालय आउने गरेको गुनासो आएको छ । स्वास्थ चौकिमा केही स्वास्थ्य कर्मी पनि मापसे गरेर आउने गरेका रहेछन् । अझ वडा कार्यालयमासमेत सहयोगि कर्मचारीहरु मापासे गरेर कार्यालय नै नियमित नआएने गरेको गुनासो ...