Banner News 3

खोटाङ, माघ ५ । खोटाङमा घर फोडेर चोरी गर्ने तीन जनालाई प्रहरीले पक्राउ गरेको छ । दुई घरबाट नगद, सुन, चाँदी,पुराना सिक्का, लत्ता कपडा गरी करीब ९ लाख बराबरको चोरी गर्ने तीन जनालाई पक्राउ गरिएको जिल्ला प्रहरी कार्यालय खोटाङले जनाएको छ । पक्राउ पर्नेहरुमा दिक्तेल रुपाकोट मझुवागढी नगरपालिका–१ दिक्तेलका १९ वर्षीय कृष्ण विश्वकर्मा, ३९ वर्षीय पर्शुराम विश्वकर्मा र वडा नम्बर ४ खाल्लेका २२ वर्षीय इन्द्र विश्वकर्मा रहेका छन् । तीन मध्ये कृष्णलाई सुरुमा पुस २८ गते पक्राउ गरिएको जिल्ला प्रहरी कार्यालय खोटाङका सूचना अधिकारी एवं प्रहरी निरीक्षक पर्शुराम राईले जानकारी दिनुभयो । कृष्णको बयानका आधारमा अन्य दुईलाई २९ गते पक्राउ गरिएको उहाँको भनाइ छ । मंसिर १३ गते लफ्याङको घिमिरे चोकस्थित एक घरमा नगद, सुन, लत्ता कपडा लगायत पुराना मुल्यवान सिक्कासमेत गरी रु ५ लाख ७१ हजार बराबरको चोरी भएको उजुरी प्रहरीकोमा आएक...

खोटाङ, माघ ४ । आगामि दिनमा त्रि–धार्मिक स्थल तपोभूमि हलेसीमा आउने पर्यटकले यथार्थ बुझ्न पाउने भएका छन् । हलेसी र आसपासका पर्यटकीय क्षेत्रको बारेमा पर्यटक घुमाउन र यर्थाथ बुझाउन नगरपालिकाले गाइड तालिम प्रदान गरेको छ । नेपाल एकेडेमी अफ टुरिजम एण्ड होटेल म्यानेज्मेण्ट (नाथम) सँगको सहकार्यमा नगरपालिकाले ३१ जनालाई स्थानीय पर्यटक गाइड तालिम प्रदान गरेको हो । आठ दिनसम्म सञ्चालन भएको तालिमको बुधबार समापन गरिएको छ । गाइड सम्बन्धि तालिमका लागि नगरपालिकाले मंसिर ८ गते सूचना निकालेको थियो । जसमा ३३ जनाको आवेदन परेपनि २ जनाको आवश्यक प्रक्रिया नपुगेकाले ३१ जनालाई तालिम प्रदान गरिएको नगरपालिकाले जनाएको छ । तालिमबाट हलेसी र आसपासका पर्यटकीय क्षेत्रको ऐतिहासिक कुराहरु पर्यटकलाई बुझाउन सकिने भएको सहभागि मोतिराज राईले बताउनुभयो । फिल्डमै पुगेर सबै कुरा सिक्न पाएकाले आगामि दिनमा अरुलाई त्यसको महत्वको बारेमा...

खोटाङ, माघ ३ । प्राय मानिसहरु कुनै कुरामा सफलता प्राप्त गर्दा नजिकका ब्यक्तिहरुलाई पार्टी दिने गर्छन । सफलताका खुशीहरु भोज भतेरमा बाँडिन्छन् । खोटाङका हरी खड्काले भने आफ्नो सफलताको खुशीलाई समाजसेवामा लगाएका छन् । खड्काले सरकारी सेवामा प्रवेश गरेको खुशीमा गाउँका अशक्त, अपाङ्गता भएका र सहाराविहिन १५ जनालाई न्यानो कपडा प्रदान गरेका छन् । आफु सरकारी सेवामा प्रवेश गरेको खुशीमा उनिहरुलाई न्यानो कपडा एक थान ज्याकेट उपहार स्वरुप प्रदान गरेको उनले बताए । रावा बेसी गाउँपालिका–६ हौँचुरका हरी खड्काले केही दिन अघि मात्र वागमती प्रदेशको स्वास्थ्य सेवा सहायक चौथो तह अहेवमा नाम निकालेका छन् । सोही अवसरमा सोमबार वडासम्म आउन सक्नेलाई वडामा र आउन नसक्नेहरुलाई घरमै पुगेर ज्याकेट प्रदान गरेको खड्काले बताए । ‘आफुले सफलता प्राप्त गर्दा भोज भतेरमा पैसा खर्च गर्ने चलन छ । तर मैले आफ्नो खुशी गाउँका अशक्त अपाङ्ग...

खोटाङ, माघ २ । खोटाङमा १७ वर्षिया बालिका शंकास्पद अवस्थामा मृत फेला परेकी छन् । जिल्लाको हलेसी तुवाचुङ नगरपालिका–७ महादेवस्थान काभ्रेकी रञ्जिता दाहाल घर नजिकै मृत अवस्थामा भेटिएकी हुन् । महेन्द्रद्धोय माध्यमिक विद्यालयमा कक्षा १० मा अध्ययनरत रञ्जिता आईतबार विद्यालय गएर घर नफर्किएपछि खोजी गर्दा सोमबार बिहान घर नजिकै शंकास्पद अवस्थामा उनको शव भेटिएको हो । आइतबार अपरान्ह घर फर्कनेक्रममा सम्पर्क विहिन बनेकी बालिकाको शव घर भन्दा करीब २ सय मिटर टाढा खन्युको फेदमा पासो चुँडिएर खसेको जस्तो अवस्थामा फेला परेको जिल्ला प्रहरी कार्यालय खोटाङले जनाएको छ । सुरुमा स्थानीयले शव भेटेपछि प्रहरीलाई खबर गरेका थिए । बालिकाको ओठ, आँखा, घाँटीमा चोट देखिएको, सलको एक टुक्रा घाँटीमा र एक टुक्रा रुखको हाँगामा रहेकाले घटना शंकास्पद देखिएको महादेवस्थानका वडाध्यक्ष कमल गिरीले बताउनुभयो । माघ ३ गतेदेखि विद्यालयमा आयो...

खोटाङ, माघ १ । खोटाङमा सौतेनी आमाको कुटाइबाट एक बालिका गम्भीर घाइते भएकी छन् । आँखा र शरीरका विभिन्न भागमा चोट लागेर गम्भीर घाइते भएकी दिक्तेल रुपाकोट मझुवागढी नगरपालिका–१ दिक्तेलकी विनिता आचार्यलाई उपचारका लागि काठमाडौं लगिएको छ । दिक्तेलस्थित सरस्वती माध्यमिक विद्यालयमा कक्षा १० मा अध्यानरत १५ वर्षिया विनिता आचार्य आफ्नै सौतेनी आमाको कुटपिटबाट घाइते भएकी हुन् । पुस २९ गते दिउँसो कोठामा बसेर पढिरहेको अवस्थामा सौतेनी आमा चन्द्रकला रिजाल आचार्य कुटपिट गरेको स्थानीयको भनाइ छ । पढिरहेकी विनितालाई जुत्ताले आँखा, टाउको लगायत विभिन्न ठाउँमा कुटेको देखिएको स्थानीय तथा आफन्त हिराप्रसाद आचार्यले बताउनुभयो । कुटपिटबाट बालिकाको दाहिने आँखा बन्द भएको थियो । आँखा र शरीरका विभिन्न भागमा चोट लागेर गम्भीर घाइते विनितालाई जिल्ला अस्पतालले रेफर गरेपछि शनिबार काठमाडौं लगिएको छ । सुरुमा तिलगंगा आँखा अस्पता...

खोटाङ, माघ १ । खोटाङको दिक्तेल रुपाकोट मझुवागढी नगरपालिकाका मेयर तीर्थराज भट्टराई जापान भ्रमणका लागि प्रस्थान गर्नुभएको छ । ७ दिने औपचारिक भ्रमणका लागि शनिबार राती मेयर भट्टराई त्रिभुवन अन्तराष्ट्रिय विमानस्थलबाट ड्राईगन एयरलाईन्सको उडानमार्फत जापान प्रस्थान गर्नुभएको भट्टराईको सचिवालयले जनाएको छ । भट्टराईलाई जापान भ्रमणको लागि मंसिर ९ गतेको मन्त्रीस्तरीय बैठकले निर्णय गरेको थियो । सोही अनुसार जापानको तोचिगि नगर भ्रमणमा भट्टराई प्रस्थान गर्नुभएको हो । भ्रमणका क्रममा जापानको तोचिगि नगरपालिका र दिक्तेल रुपाकोट मझुवागढी नगरपालिकाबीच स्वास्थ्य, शिक्षा, कृषि, पर्यटन तथा भौतिक पूर्वाधार निर्माणका लागि सौहार्दपूर्ण रुपमा सम्बन्ध स्थापित गरी भविष्यमा दुई नगरपालिकाबीच भगिनी सम्बन्ध स्थापना गर्ने उद्धेश्य रहेको जनाइएको छ । मेयर भट्टराई जापानमा रहदा “मेयरसँग मेयर सम्बाद” कार्यक्रम लगायत विभिन्न शिक...

खोटाङ, पुस २८ । खोटाङको हलेसी तुवाचुङ नगरपालिकाले वडामा पुगेर सेवा प्रदान गर्ने कार्यलाई निरन्तरता दिएको छ । नागरिकको सहजताको लागि सोमबार ११ नम्बर वडा राजापानीमा सेवा दिएको नगरपालिकाले बिहिबार (आज) वडा नम्बर १ बाहुनीडाँडाका नागरिकलाई वडामै पुगेर सेवा प्रदान गरेको छ । नगरपालिका र वडाको संयुक्त पहलमा बिहीबार वडा कार्यालयमा एकिकृत सेवा प्रवाह कार्यक्रम राखेर भत्ता, योजान सम्झौता, स्वास्थ्य परीक्षण, परिचयपत्र जस्ता पाँच प्रकारको सेवा प्रदान गरिएको हो । कार्यक्रममा ७ वटा वडागत योजना सम्झौता, १६१ जना ज्येष्ठ नागरिकलाई सामाजिक सुरक्षा भत्ता वितरण गरिएको छ । अन्य समयमा लाभग्राहीहरु भत्ता लिन वडाबाट हलेसी पुग्नुपर्छ । आफ्नौ घर आँगनमा बिना झन्झट भत्ता थाप्न पाउँदा खुशी भएका छन् । कार्यक्रममा ५६ जना ज्येष्ठ नागरिकको स्वास्थ्य परीक्षण र औषधि वितरण गरिएको नगर स्वास्थ्य शाखा संयोजक प्रकाश घिमिरेले जान...

खोटाङ, पुस २७ । खोटाङको हलेसी तुवाचुङ नगरपालिकामा स्थानीय पर्यटक गाइड तालिम सुरु भएको छ । हलेसीमा आउने पर्यटकहरुलाई त्यसको महत्व बुझाउन स्थानीय पर्यटक गाइड राखिने गरी तालिम सुरु गरिएको नगरपालिकाले जनाएको छ । बुधबारबाट हलेसी मन्दिर व्यवस्थापन समितिको सभाहलमा सुरु भएको तालिम आठ दिनसम्म सञ्चालन हुने छ । नेपाल एकेडेमी अफ टुरिजम एण्ड होटेल म्यानेज्मेण्ट (NATHM) सँगको सहकार्यमा नगरपालिकाले तालिमको आयोजना गरेको हो । प्रशिक्षकको रुपमा (NATHM) का विभागीय प्रमुख अजय कुमार ढकाल, वरिष्ठ प्रशासन अधिकृत नरेश डंगोल, सह–प्राध्यापक तथा संकृत विद् डा.लोकनाथ दुलाल, बौद्ध धर्म गुरु पुण्यप्रसाद पराजुली र किरात मुन्धुम अध्धेता भोगीराज राई रहनुभएको छ ।  गाइड सम्बन्धि तालिमका लागि नगरपालिकाले मंसिर ८ गते सूचना निकालेको थियो । जसमा ३३ जनाको आवेदन परेकोमा २ जनाको प्रक्रिया नपुगेको महादेवस्थानका वडाध्यक्ष एवं नगर ...

खोटाङ, पुस २४ । खोटाङका सामुदायिक विद्यालयमा सञ्चालन भएका अधिकांश योजनाहरुमा बेरुजु देखिएको छ । आर्थीक वर्ष २०६९/०७० देखि २०७८/०७९ सम्ममा ४६७ योजनाहरुमा बेरुजु देखिएको छ । तत्कालीन जिल्ला शिक्षा कार्यालय र हाल शिक्षा विकास तथा समन्वय ईकाइ खोटाङबाट विद्यालयहरुले प्राप्त गरेका अधिकांश योजनाहरु बेरुजु देखिएका छन् । योजना सम्पन्न भए या नभएको कुनै उल्लेख नगरिएको, हालसम्म बिल भरपाई पेश नभएकाले ४६७ योजनाहरु महालेखाले बेरुजु देखाएको छ । उक्त योजनाहरुको रकम सम्परीक्षण गर्न गराउनको लागि शिक्षा तथा मानव स्रोत विकास केन्द्रबाट पटक पटक ताकेता गरिएको पाइएको छ । तर बेरुजु योजना फछ्र्यौटका लागि विद्यालयले चासो नदेखाएको शिक्षा विकास तथा समन्वय ईकाइ खोटाङमा कार्यारत इन्जिनियर बुधन यादवले बताउनुभयो । बेरुजु रहेका उक्त ४६७ योजनाहरु यहि पुस २७ गते भित्र फछ्र्यौट गर्न कार्यालले विद्यालयलाई पत्रसमेत काटेको छ...

प्रेम श्रेष्ठ खोटाङ, पुस २३ । खोटाङको रावा बेसी गाउँपालिकाका कृषकलाई मौरी पालन तालिम प्रदान गरिएको छ । इको हिमाल नेपाल र गाउँपालिकाको संयुक्त आयोजनामा कृषकलाई सेरेना जातका मौरी पालनको तालिम प्रदान गरिएको हो । गाउँपालिका–५ दुवेकोलस्थित समान्तादेवी कृषि वन स्रोत केन्द्रको भवनमा प्रदान गरिएको ७ दिने तालिमको शनिबार समापन गरिएको छ । तालिममा हाल मौरी पालिरहेका एवं पाल्न इच्छुक ३५ जना कृषकको सहभागिता रहेको इको हिमाल नेपालका कृषि अधिकृत सुमन पराजुलीले जानकारी दिनुभयो । तालिमको सहजिकरण गोदावरी मौरी विकास केन्द्रमा लामो समय प्राविधिकको रुपमा कार्यरत अनुभवी पूर्व बाली संरक्षण अधिकृत सीताराम ढकालले गर्नुभएको थियो । आधुनिक तरिकाले मौरी पालन कसरी गर्न सकिन्छ भनेर तालिमबाट ज्ञान प्राप्त भएको सहभागि कृषकले बताएका छन् । आगामि दिनमा व्यवसायिकरुपमा मौरी पालन गर्न हौसला मिलेको उनिहरुको भनाइ छ । गाउँपालिका...