राजनीति

खोटाङ, पौष ०३ । नयाँ नेतृत्व चयनका लागि नेकपा एमाले निकट विद्यार्थी संगठन अनेरास्ववियु खोटाङको २३ औँ जिल्ला सम्मेलन पुस १७ गते हुने भएको छ । एमाले खोटाङको पार्टी कार्यालय दिक्तेलमा आज (शनिबार) बसेको अनेरास्ववियुको छैटौँ पूर्ण बैठकले पुस १७ गते जिल्ला समन्वय समितिको समीक्षालय हलमा सम्मेलन गर्ने निर्णय गरेको हो । बैठकले जिल्ला सम्मेलनका लागि समिति पनि गठन गरेको छ । सम्मेलन मूल व्यवस्थापन समिति संयोजकमा खेमराज राई, आर्थिक व्यवस्थापन समिति संयोजकमा मोहन संग्राम र सम्मेलन प्रचारप्रसार समिति संयोजकमा विष्णु उपरकोटीलाई जिम्मेवारी दिइएको छ । सम्मेलनमा जिल्लाभरका करिब ५ सय विद्यार्थी सहभागी हुने अनेरास्ववियुले जनाएको छ । यस्तै बैठकले पुस ६ गते अनेरास्ववियु दिक्तेल बहुमुखी क्याम्पसको सम्मेलन गर्ने निर्णय गरेको छ । त्यसैगरी बैठकले पुस ५ गते कालोबजारी र शिक्षामा निजीकरण विरुद्ध तथा शैक्षिक प्रमा...

खोटाङ, पुष २ । नेकपा एमालेको खोटाङ जिल्ला इञ्चार्जको जिम्मेवारी पुनः बिशाल भट्टराईले पाउनु भएको छ । खोटाङको संघिय सांसद, एमालेको संसदियदलको प्रमुख सचेतक र पोलिटब्युरो सदस्य समेत रहनु भएका भट्टराईलाई पार्टीले जिल्ला इञ्चार्ज र संसदिय बिभागको उपप्रमुखको जिम्मेवारी तोकेको छ । यस्तै जिल्ला सह–इञ्चार्जको जिम्मेवारी केन्द्रिय सदस्य एवं पुर्व मन्त्री उषाकला राईले पाउनु भएको छ । रमेश पौडेललाई नेपाल खेलकुद महासंघ सह–इञ्चार्ज तोकिएको छ । यस्तै जिल्लाका अर्का नेता एमालेका केन्द्रिय सदस्य खगेन्द्र राईलाई पार्टीले राष्ट्रिय जनसाँस्कृतिक महासंघ तथा सम्बद्ध संघठनहरुको इञ्चार्जको जिम्मेवारी दिएको छ । एमालेको बैठकको निर्णय अनुसार ३०१ जना पदाधिकारी सहितको केन्द्रिय सदस्यहरुको कार्य बिभाजन अन्तरगत खोटाङबाट ४ नेताहरुले उक्त जिम्मेवारी पाउनु भएको हो ।...

पुष १ । नेपाली काँग्रेसको दुई जना महामन्त्री पदका लागि भएको निर्वाचनमा गगन थापा र विश्वप्रकाश शर्मा विजयी भएका छन् । आज पार्टी कार्यालय सानेपामा भएको मतगणनामा अन्य ४ प्रतिस्पर्धीलाई हराउँदै गगन र विश्वप्रकाश विजयी भएका हुन् । पार्टीभित्र र बाहिर गगन र विश्वप्रकाश लोकप्रिय छन् । विशेषगरी युवा पुस्तामाझ उनीहरु लोकप्रिय हुनुका साथै कतिपयका आदर्शपात्र समेत हुन् । भृकुटीमण्डपमा आइतबार भएको मतदानपछि मतपेटिकालाई पार्टी कार्यालयमा राखी बिहीबार बिहानदेखि गणना गरिएको थियो । महामन्त्रीमा डा प्रकाशशरण महत, मीनेन्द्र रिजाल, राजाराम कार्की र प्रदीप पौडेल भने पराजित बन्न पुगे । गगन शेखर कोइराला प्यानलबाट चुनाव लडेका थिए भने देउवा पक्षकै भएपनि अन्तिममा टिकट नपाएपछि विश्वप्रकाशचाहिँ प्रकाशमान सिंह प्यानलबाट चुनाव लडेका थिए । गगन र विश्वप्रकाश विजयी हुँदा देउवा प्यानलबाट चुनाव लडेका महत र पौडेल पराजित ब...

मंसिर २६, खोटाङ । खोटाङबाट निर्वाचित प्रतिनिधि सभा सांसद विशाल भट्टराईलाई नेकपा एमालेले पार्टीको केन्द्रीय कमिटि सदस्यमा मनोनीत गरेको छ । हिजोदेखि सुरु भएको केन्द्रीय कमिटी बैठकको दोस्रो दिन आज अध्यक्ष केपी शर्मा ओलीले एमाले संसदीय दलका सचेतकसमेत रहनुभएका भट्टराईलाई केन्द्रीय कमिटी सदस्यमा मनोनीत गर्ने प्रस्ताव गर्नुभएको हो । यसअघि चितवनमा सम्पन्न एमालेको १०औँ राष्ट्रिय महाधिवेशनमा भट्टराई एमालेको केन्द्रीय सदस्यमा नपरेको भन्दै सामाजिक सञ्जालमा आलोचनात्मक टिप्पणी आएका थिए । अध्यक्ष ओलीले आज भट्टराईसहित ३० जनालाई केन्द्रीय कमिटी सदस्यमा मनोनीत गर्ने प्रस्ताव गर्नुभएको हो । तर, केही नेताहरूले ओलीको यो प्रस्ताव स्वीकार्य नहुने बताएका छन् ।...

खोटाङ मङ्सिर १८ : खोटाङको दिक्तेल रुपाकोट मझुवागढी नगरपालिका ५ लफ्याङमा जनता समाजवादी (जसपा) निकट समाजवादी युवा संघ नेपाल गठन भएको छ । पार्टीको सु.ज अभियान अन्तरगत लफ्याङमा आज भएको कार्यक्रममा लक्षुमण राईको अध्यक्षतामा ३६ सदस्यीय समाजवादी युवा संघ नेपाल वडा कमिटि गठन गरिएको समाजवादी विद्यार्थी युनियन खोटाङका सह–सचिव कृष्ण गिरिले जानकारी दिनुभयो । कार्यक्रममा जसपाका केन्द्रीय सदस्य एवं किराँत राष्ट्रिय समिति अध्यक्ष रमेश राईको प्रमुख आतिथ्यता रहेको थियो । यस्तै जसपाका प्रदेश सदस्य मोहन गुरुङ, नवीन राई, नगर अध्यक्ष निर्मल राई, विद्यार्थी केन्द्रीय सदस्य तथा पार्टीको प्रचार तथा प्रकाशन विभाग प्रमुख रविन खम्बु, जिल्ला कमिटी सदस्य धनिराम नछुङ लगायतको उपस्थीतमा कार्यक्रम सम्पन्न भएको सह–सचिव गिरिले बताउनु भयो । कार्यक्रमका झलक तस्वीरमा  ...

खोटाङ मंसिर १८ : नेकपा माओवादी केन्द्र खोटाङ काठमाडौँ सम्पर्क समन्वय समितिको अध्यक्षमा गजेन्द्र राई चयन हुनुभएको छ । सम्पर्क समन्वय समितिको चौथो जिल्ला सम्मेलनले आज राईलाई अध्यक्षतामा चयन गरेका हो । नेकपा माओवादी केन्द्रका केन्द्रीय सदस्य एवं अनुशासन विभाग प्रमुख टंक राईको प्रमुख आतिथ्यमा सम्पन्न कार्यमले राईको अध्यक्षतामा ५५ सदस्य समिति गठन गरेको बताईएको छ । कमिटिको उपाध्यक्षमा तेज बहादुर राई, मुना राई, दुर्गा भण्डारी, सचिवमा नित्यराज दाहाल र कोषाध्यक्षमा प्रेमिला राई चयन हुनु भएको माओवादी केन्द्र खोटाङले जनाएको छ ।  ...

खोटाङ मङ्सिर १७ : नेपाली कांग्रेसको प्रदेश अधिवेशनमा खोटाङबाट चार जनाले उम्मेद्वारी दिएका छन । भोली हुने प्रदेश नम्बर एकको अधिवेशनमा जिल्लाबाट भुपेन्द्र राईले महामन्त्री, वीर काजी राईले सह–महामन्त्री, जितेन्द्र शिंह ठकुरीले खुल्ला तर्फ प्रदेश सदस्य र बिमला राईले आदिवासी जनजाती महिला तर्फ प्रदेश सदस्यमा आफ्नो उम्मेद्वारी घोषणा गर्नु भएको हो । भुपेन्द्र राई महाधिवेशन प्रतिनिध एवं दिप्रुङ चुईचुम्मा गाउँपालिकाको अध्यक्ष समेत रहनु भएको छ । वीर काजी राई र जितेन्द्र शिंह ठकुरी कांग्रेसको महाधिवेशन प्रतिनिधि हुनुहुन्छ । यस्तै बिमला राई महाधिवेशन प्रतिनिध एवं हलेसी तुवाचुङ नगरपालिकाको उपमेयर रहनु भएको छ । कांग्रेस प्रदेश नम्बर एकको अधिवेशनमा संस्थापन र संस्थापनइतर दुई समुह चुनावी मैदानमा उत्रिदैछन । दुवै समुहले सभापतिका लागि उम्मेद्वारीको टुंगो हिजै लगाएका हुन । जसमा संस्थापनइतर पक्षको सभापतिमा ग...

खोटाङ मङ्सिर १६ : जिल्लाको दिक्तेल रुपाकोटम मझुवागढी नगरपालिका ४ खाल्लेमा नेकपा (एकीकृत समाजबादी) को वडा कमिटि गठन गरिएको छ । पार्टीका केन्द्रीय कमिटि सदस्य कुल प्रसाद शर्मा फुयलको प्रमुख आतिथ्यमा बुधबार बिषन राईको अध्यक्षतामा ३५ सदस्यीय वडा कमिटि गठन गरेको हो । कमिटिको उपाध्यक्षमा राम प्रसाद घिमिरे, सचिवमा सुजन लम्साल, उपसचिवमा चन्द्रमणी घिमिरे, कमला थापा, डम्बर पौडेल र कोषाध्याक्षमा कल्याण राई रहनुभएको छ । सोहि भेलाले उदिम राईको अध्यक्षतामा युवा संगठन वडा कमिटी पनि गठन गरेको छ । यस्तै खाल्लेमा पार्टी कार्यालय समेत उद्घाटन गरिएको नेकपा (एकीकृत समाजबादी) पार्टी खोटाङले जनाएको छ । यस्तै, दिक्तेल रुपाकोट मझुवागढी नगरपालिका १३ नुनथलामा लिलाबहादुर तामाङको अध्यक्षतामा र सोहि नगरपालिका ५ लफ्याङमा सोमबार भिमप्रसाद राईको अध्यक्षतामा २९÷२९ सदस्यीय वडा कमिटी गठन गरिएको पार्टीले जनाएको छ ।...

खोटाङ, मङ्सिर १२ ।  नेकपा माओवादी केन्द्रले खोटाङका १० वटै पालिकामा सर्वसम्मत नेतृत्व चयन गरेको छ । पार्टीको शनिबार सम्पन्न पालिकास्तरीय अधिवेशनले जिल्लाको दुई नगरपालिका र आठ गाउँपालिकामा सहमतीय प्रक्रियाबाट नेतृत्व छनोट गरेको हो । माओवादी केन्द्र खोटाङका संयोजक देवान किराती ‘पृथ्वी’ का अनुसार दिक्तेल रुपाकोट मझुवागढीमा विषण राई र हलेसी तुवाचुङमा राजुविक्रम चाम्लिङको अध्यक्षतामा पार्टीको नगरपालिका कमिटि गठन भएको छ । साकेलामा अर्जुनकुमार खड्का ‘झङ्कार’, दिप्रुङ चुइचुम्मामा राजेन्द्र राई, खोटेहाङमा दिपेन राई, रावाबेसीमा रामबहादुर राई ‘बाबुराम’ को अध्यक्षतामा गाउँपालिका कमिटि निर्माण गरिएको छ । ऐँसेलुुखर्कमा अगमसिं राई, केपिलासगढीमा रुद्र राई, जन्तेढुङ्गामा बद्री किराती र वराहापोखरीमा युवराज मगर गाउँपालिका कमिटिको अध्यक्ष चयन हुनुभएको छ ।...

खोटाङ मंसिर ९ : नेपाली कांग्रेस खोटाङ जिल्ला कार्य समितिमा पुर्व पार्टी एवं महासमिति सदस्य बिष्णु कुमार राईको प्यानल नै बिजयी भएको छ । जिल्ला कार्य समिति र माहाधिवेशन प्रतिनिधिका लागी सदरमुकाम दिक्तेलमा ८ गते मतदान सम्पन्न भएको थियो । केहि समय अगाडि सम्पन्न मतगणना अनुसार पुर्व पार्टी सभापति एवं महासमिति सदस्य बिष्णु कुमार राई पुनः पुरै प्यानल सहित खोटाङ जिल्ला सभापतिमा निर्वाचित हुनु भएको छ । जिल्लामा १ हजार ३ सय २२ मत खसेकोमा राईले ६६९ मत प्राप्त गरेर बिजयी हुनु भएको हो । यस्तै सभापतिका प्रतिस्पर्धी पुर्व राज्यमन्त्री सर्वधन राईले ६१० मत प्राप्त गर्नु भयो । बिष्णु कुमारले सर्वधनलाई ५९ मतले पराजित गर्नु भएको हो । यस्तै उपसापतिमा बिष्णु प्यानलका इवन राई र तिर्थराज भट्टराई बिजयी हुनु भएको छ । राईले ७५३ मत र भट्टराईले ७४२ मत प्राप्त गर्दा उपसभापतिका उम्मेद्वार मनोज तिमिल्सीनाले ५४३ र राजन स...