खेलकुद

खोटाङ, पुस ९ । तेक्वान्दोका राष्ट्रिय खेलाडी तथा फिल्म निर्माता राजकुमार राईलाई खोटाङमा सम्मान गरिएको छ । राईलाई केपिलासगढी गाउँपालिकाका अध्यक्ष समिर राई र उपाध्यक्ष गुरुराज राईले शुक्रबार दोसल्ला ओढाएर सम्मान–पत्र सहित सम्मान गर्नुभएको हो । केपिलासगढी गाउँपालिका राईको गृहपालिका हो । केही दिनअघि गृहपालिका आउनुभएका राईलाई तेक्वान्दोको माध्यमबाट देशलाई चिनाउन पु¥याएको योगदानको कदर गर्दै सम्मान गरिएको गाउँपालिकाले जनाएको छ । केपिलासगढी गाउँपालिका–५ सप्तेश्वर निवासी राईले आठौं साफमा नेपालकातर्फबाट तेक्वान्दोमा स्वर्ण पदक र १० औं एसियन गेममा नेपाललाई पहिलो कास्य पदक जिताउनु भएको थियो । वल्ड तेक्वान्दो च्याम्पियनको अनुभवसमेत बटुल्नु भएका राई चलचित्र निर्माता पनि हुनुहुनछ । उहाँको पछिल्लो फिल्म ‘सोउल अफ द कमाण्डो’ हाल विभिन्न हलमा चहिरहेको छ ।...

खोटाङ, मंसिर १८ । खोटाङको हलेसी तुवाचुङ नगरपालिका–८ धितुङकी डेनिका राईले विश्व मुवाँथाई च्याम्पियनसिपको तेस्रो स्थान हासिल गरेकी छिन् । थाइल्यान्डमा सम्पन्न विश्व मुवाँथाई च्याम्पियनसिपको १७औं संस्करणमा राईले तेस्रो स्थान हासिल गरेकी हुन् । थाइल्यान्डको पटायामा आयोजना गरिएको विश्व मुवाँथाई च्याम्पियनसिपमा २० देशका खेलाडीहरु सहभागी थिए । नेपालको प्रतिनिधित्व गरेर प्रतिस्पर्धा गर्न गएकी राई अन्य १७ देशका खेलाडीलाई पछि पार्दै तेस्रो भएकी हुन् । नेपालबाट उक्त प्रतियोगितामा भाग लिन गुणराज रुचाल र डेनिका राई छनोट भएर थाइल्यान्ड गएका थिए । गुणराजले पुरुष ५७ केजी तौल समूह र डेनिका राईले महिला ४८ केजीमा प्रतिस्पर्धा गरेका हुन् । मुवाँथाईको विश्व च्याम्पियनसिपमा भाग लिन गएकी डेनिका राईलाई हलेसी तुवाचुङ नगरपालिकाले रु १ लाख सहयोग गरेको थियो ।...

खोटाङ, कात्तिक २९ । विश्व मुवाँथाई च्याम्पियनसिपको १७औं संस्करणमा प्रतिस्पर्धा गर्न दुई नेपाली खेलाडी थाइल्यान्ड जाने भएका छन् । पटायामा नोभेम्बर १५ देखि नोभेम्बर २२ सम्म हुने प्रतियोगिताका लागि गुणराज रुचाल र डेनिका राई थाइल्यान्ड जाने भएका हुन् । गुणराजले पुरुष ५७ केजी तौल समूह र डेनिका राईले महिला ४८ केजीमा प्रतिस्पर्धा गर्ने बताइएको छ । डेनिका खोटाङको हलेसी तुवाचुङ नगरपालिका–८ धितुङकी हुन् । विश्व मुवाँथाई च्याम्पियनसिप खेल्न बिदेश जानेभएपछि नगरपालिकाले उनलाई आर्थीक सहयोग गरेको छ । च्याम्पियनसिप खेल्न जान आर्थीक अभाव भएपछि उनका बुवा एकप्रसाद राईले नगरपालिकामा आर्थीक सहयोगको लागि निवेदन दिएका थिए । सोही अनुसार नगरपालिकाले रु १ लाख सहयोग गरेको मेयर विमला राई बताउनुभयो । थाइल्यान्ड जाने नेपाली टिमलाई नेपाल मुवाँथाई संघका अध्यक्ष गणेशलाल कक्षपतीले शुभकामनासहित बिदाइ गरेका छन् ।...

खोटाङ, असोज २९ । केपिलासगढी गाउँपालिका–३ बास्पानीमा खुला पुरुष फुटबल प्रतियोगिता सञ्चालन हुने भएको छ । खकलुङ युनाइटेड क्लब बास्पानीको आयोजनामा कात्तिक–४ गतेबाट फुटबल प्रतियोगिता सञ्चालन हुन लागेको हो । प्रतियोगितामा जिल्ला भरीका क्लब र खेलाडीले मात्र सहभागि जनाउन पाउने आयोजकले जनाएको छ । काक्तिक ४ गतेदेखि ७ गतेसम्म सञ्चालन हुने प्रतियोगितामा पहिलो र दोस्रो हुने समुहले रु ३० हजार र रु २० हजार, सेमिफाइनलिस्ट दुई समूहलाई रु १०÷१० हजारका साथमा मेडल र प्रमाणपत्र प्रदान गरिने आयोजक क्लबका अध्यक्ष प्रताप राईले बताउनुभयो । प्रतियोगितामा उत्कृष्ट गोलरक्षक, उत्कृष्ट डिफेन्स, उत्कृष्ट मिनफिल्डर, उत्कृष्ट स्ट्राइकर र सर्वाधिक गोलकर्तालाई मेडल र प्रमाणपत्र प्रदान गरिने उहाँको भनाइ छ । प्रतियोगितामा सहभागी हुने समूहका लागि रु तीन हजार ९९९ दर्ता शुल्क तोकिएको र प्रतियोगितामा १५ समूह सहभागी हुने अनुमान ...

खोटाङ, असोज २५ । खोटाङको केपिलासगढी गाउँपालिकाले खेलाडीलाई पुरस्कृत गर्ने भएको छ । नवौं राष्ट्रिय खेलकुद अन्तर्गत प्रदेश स्तरीय छनोटमा विजयी भएका गाउँपालिकाभित्रका खेलाडीलाई पुरस्कृत गर्न लागिएको गाउँपालिकाले जनाएको छ । गाउँपालिका अध्यक्ष समिर राईका अनुसार प्रदेश छनोटको विभिन्न विधामा स्वर्ण, रजत र कास्य पदक जितेका खेलाडीहरुलाई पुरस्कृत गरिनेछ । चालू आर्थिक वर्षको नीति तथा कार्यक्रम अनुसार खेलाडीहरुको प्रोत्साहनका लागि कुनै खेलकुद कार्यक्रमको अवसर पारेर पुरस्कृत गरिने राईको भनाइ छ । प्रदेश स्तरीय छनोटमा केपिलासगढी गाउँपालिका–४ बाक्सिलाका दिर्पा बस्नेतले एथलेटिक्स र केपिलासगढी गाउँपालिका–५ सप्तेश्वरका मोहन राईले तेक्वान्दोमा स्वर्ण पदक जितेका छन् । केपिलासगढी गाउँपालिका–४ बाक्सिलाकै नविन र्राइले किङ फाईटमा र महिला भलिबलमा केपिलासगढी गाउँपालिका–७ सुङदेलका शिखा कोयी राई, केपिलासगढी ग...

खोटाङ, असोज १० । रावा बेसी गाउँपालिका–१ कुभिण्डेका खेलाडीहरुको स्तर उन्नतीका लागि वडाले तालिम सञ्चालन गरेको छ । वडा भित्रका करीब ३० जना पुरुष भलिबल खेलाडीहरुलाई वडाको आयोजनामा तालिम सञ्चालन भएको हो । असोज १ गतेबाट सुरु भएको तालिम अझै केही दिन सञ्चालन हुने वडाध्यक्ष गेहेन्द्रमान राईले बताउनुभयो । ‘खेल क्षेत्रबाटै खेलाडीहरुले केही गर्न सकुन भन्ने हाम्रो चाहाना हो । त्यसैले विज्ञबाट केही कुरा सिकाउन सक्यौँ भने उनिहरुको क्षमता बढ्छ र माथिल्लो स्थानमा पुग्न सक्लान भनेर तालिमको आयोजना गरेका छौँ ।’ राईले भन्नुभयो । गाउँकै एक विद्यालयको प्राङगणमा सञ्चालन भइरहेको तालिमको सहजिकरण नारायण काजी राईले गरिरहनुभएको छ । यसरीनै तालिम दिदै बेलाबेलामा वडामा खेल प्रतियोगिताको आयोजना गरेर खेलाडीहरुको मनोबल बढाउनुका साथै स्तर उन्नतिकोलागि वडा सधै लाग्ने वडाध्यक्ष राईले बताउनुभयो । रावा बेसी– ३ लामिडाँडामा गाउ...

खोटाङ, असोज १ । खोटाङको दिक्तेलमा सम्पन्न समता खुला पुरुष फुटबल प्रतियोगिताको उपाधि बाम्राङ फुटबल क्लबले जीतेको छ । शनिबार सम्पन्न फाइनल खेलमा साकेला गाउँपालिका फुटबल क्लबलाई २–१ गोल अन्तरले हराउदै बाम्राङले उपाधि आफ्नो पोल्टामा पारेको हो । उपाधिसँगै बाम्राङले नगद ५१ हजार १ सय ११ रुपैयाँसहित ट्रफी, मेडल र प्रमाणपत्र प्राप्त गरेको छ । प्रतियोगिताको दोस्रो हुने साकेला गाउँपालिका फुटबल क्लबले नगद २७ हजार ७ सय ७७ र तेश्रो हुने हलेसी तुवाचुङ फुटबल क्लबले नगद १२ हजार ५ सय ५५ रुपैयाँसहित ट्रफी, मेडल र प्रमाणपत्र प्राप्त गरेका छन् । तेस्रो स्थानकालागि शुक्रबार भएको खेलमा हलेसीले युवा जागरण क्लबलाई २–१ गोल अन्तरले पराजीत गरेको थियो । खेलको सर्वाधिक गोलकर्ता बाम्राङका हरी खवास भएका छन् । यस्तै, साकेलाका जोर्डन राई उत्कृष्ट खेलाडी, बाम्राङका सुजन खड्का सर्वोत्कृष्ट किपर, साकेलाका रामसुर राई उत्कृष्...

खोटाङ, भदौ १३ । नवौं राष्ट्रिय खेलकुद प्रतियोगीताका लागि खोटाङबाट १ सय ५८ जना खेलाडी छनोट भएका छन् । भदौ ५ देखि १० गतेसम्म दिक्तेलमा भएको छनोट प्रतियोगिताबाट १४ खेलकालागि १ सय ५८ जना खेलाडी छनोट भएका हुन् । व्यवस्थापन तथा अफिसियलमा ३० जना गरेर जिल्लाबाट प्रदेश छनोट प्रतियोगितामा १ सय ८८ जना जानेछन् । आठौँ राष्ट्रिय प्रतियोगीतामा १० खेलमा खोटाङबाट खेलाडी लगिएको थियो । यो वर्ष नवौँ प्रतियोगितामा ४ खेल थपिएको खेलाडी छनोट समितिका संयोजक सुमन राईले जानकारी दिनुभयो । जिल्लाबाट छनोट भएका खेलाडीहरु अब प्रदेश स्तरीय खेलाडी छनोटमा भाग लिने छन् । प्रदेश छनोट प्रचियोगिता कुन–कुन जिल्लामा हुने भन्ने टुंगो लागिसकेको छैन् । यद्यपी कराते र बुद्धिचाल प्रतियोगिता खोटाङमा हुन सक्ने राईको भनाइ छ । भलिबलमा १८, एथ्लेटिक्समा २२, बुद्धिचालमा ४, तेक्वान्दोमा २२, टेबलटेनिसमा ४, फुटबलमा ३२, व्याडमिन्टनमा ७, भारोत्...

खोटाङ, असार २२ । नेपाल प्रेस युनियन खोटाङका अध्यक्ष एवं प्रभाव न्युज डटकमका अध्यक्ष उत्तम चौलागाई ‘किरात राई खेलकुद पत्रकारिता पुरस्कार’ बाट सम्मानित भएका छन् । दिक्तेलमा भएको संघको तेश्रो राष्ट्रिय महाधिवेशनको समापन समारोहमा चौलागाईलाई खेलकुद पत्रकारिता प्रदान गरेको हो । चौलागाईलाई तेक्वान्दो ग्राण्ड मास्टर तथा सगरमाथा तेक्वान्दो डोजाङ बेलायतका संस्थापक प्रमुख राष्ट्र राईले नगद १५ हजार ५ सय ५५ रुपैयाँ र सम्मान पत्रले सम्मान गरेका हुन् । पत्रकारिताको माध्यमबाट जिल्लाको खेलकुद क्षेत्रको सुधार, वेतिथि विरुद्ध र सुशासनको पक्षमा समाचार सम्प्रेषण गरी पु¥याएको योगदानको उच्च प्रशंसा गर्दै पुरस्कृत गरिएको किरात राई खेलकुद संघले जनाएको छ । खोटाङमा बसेर पत्रकारित गर्दै आएका चौलागाई कान्तिपुर टेलिभिजनका जिल्ला संवाददाता पनि हुन् ।...

खोटाङ, चैत २२ । रावाबेँसी गाउँपालिका खोटाङको आर्थिक सहयोगमा रावाबेँसी खेलकुद विकास समितिले आयोजना गरेको सर्वाधिक पुरस्कार राशिको अन्तर पालिकास्तरीय पुरुष भलिबल प्रतियोगिताको उपाधि रावाबेँसी ‘ए’ ले जितेको छ । मंगलबार रावाबेँसी गाउँपालिका–१ कुभिण्डेस्थित रत्न राज्यलक्ष्मी आधारभूत विद्यालयको खेल मैदानमा भएको फाइनल खेलमा ऐँसेलुखर्क ‘बी’ लाई पराजित गर्दै रावाबेँसी ‘ए’ ले प्रतियोगिताको उपाधि जितेको हो । उपाधि विजेता रावाबेँसी ‘ए’ ले नगद रु. १ लाखसहित ट्रफी, मेडल र प्रमाणपत्र पाएको छ । फाइनलमा रावाबेँसी ‘ए’ सँग पराजित भएर उपविजेतामा सीमित बनेको ऐँसेलुखर्क ‘बी’ ले नगद रु. ७५ हजारसहित ट्रफी, मेडल र प्रमाणपत्र प्राप्त गरेको छ । यस्तै तेस्रो स्थान खोटेहाङले हासिल गरेको छ । मंगलबार नै भएको खेलमा ऐँसेलुखर्क ‘ए’ लाई हराउँदै खोटेहाङले तेस्रो स्थान हासिल गरेको हो । उसले नगद रु. ५० हजारसहित ट्रफी, मेडल ...