स्थानीय

२५ कात्तिक, खोटाङ । खोटाङमा प्रसव व्यथाले स्वास्थ्य अवस्था गम्भीर बनेकी एक गर्भवती महिलाको हेलिकोप्टरमार्फत उद्धार गरिएको छ । जिल्लाको जन्तेढुंगा गाउँपाािलका–५, चिसापानीकी १९ वर्षीया हीरा राया खड्कालाई राष्ट्रपति महिला उत्थान कार्यक्रमको निःशुल्क हवाइ सेवाबाट उद्धार गरिएको हो । पारिवारिक स्रोतका अनुसार खड्कालाई हिजोदेखि प्रसव व्यथा लागेको थियो । अवस्था गम्भीर बन्दै गएपछि उपचारका लागि प्राथमिक स्वास्थ्य केन्द्र चिसापानी पुग्नुभएकी खड्काको बच्चा खेल्ने पानीको मात्रा घटेको देखिएको केन्द्रले जनाएको छ । केन्द्रले त्यहाँ उपचार सम्भव नभएपछि उद्धारको पहलका लागि जिल्ला प्रशासन कार्यालय खोटाङलाई पत्र पठाएको थियो । केन्द्रले पठाएको पत्रका आधारमा प्रशासनले महिला, बालबालिका तथा ज्येष्ठ नागरिक मन्त्रालय, राष्ट्रपति महिला उत्थान कार्यक्रम, समन्वय इकाइ, सिंहदरबारलाई हेलिकोप्टरको व्यवस्थाका लागि पत्र ल...

खोटाङ कार्तिक २३ : कोरोना भाइरस (कोभिड–१९) महामारीबाट प्रभावित खोटाङका २ हजार ७ सय ३९ अति विपन्न परिवारले राहतस्वरूप १० हजार रुपैयाँ पाउने भएका छन् । सरकारले आर्थिक वर्ष २०७८÷०७९ को बजेटमार्फत घोषणा गरेको विपन्न परिवारलाई १० हजार नगद प्रदान गर्ने कार्यविधि राजपत्रमा प्रकाशन गरेसँगै जिल्लाका २ हजार ७ सय ३९ अति विपन्न परिवारले राहतस्वरूप उक्त रकम पाउने भएका हुन् । जिल्लाको हलेसी तुवाचुङ नगरपालिकाका ६ सय २ र दिक्तेल रुपाकोट मझुवागढी नगरपालिकाका ६ सय ३७ अति विपन्न परिवारले राहत रकम पाउने राजपत्रमा उल्लेख छ । यस्तै साकेला गाउँपालिकाका १९३, दिप्रुङ चुइचुम्मा गाउँपालिकका ३ सय ३८, खोटेहाङ गाउँपालिकाका ४ सय १७, जन्तेढुङ्गा गाउँपालिकाका ३ सय ५ र वराहपोखरी गाउँपालिकाका २ सय ४७ परिवारले राहत रकम पाउने भएका छन् । सरकारले प्रतिस्थापन विधेयकमार्फत ल्याएको चालु आर्थिक वर्षको बजेटले कोरोनाबाट प्रभावित अ...

प्रतीकात्मक तस्वीर २३ कात्तिक, खोटाङ । खोटाङमा चाडपर्वको मौका छोपेर यात्रुबाट तोकिएभन्दा बढी भाडा असुल्ने सवारी साधनलाई कारबही गरिएको छ । ना १ ज ६२११ र ना १ ज ६४६० नं. को टाटासुुमो कारबाहीमा परेका हुन् । प्रहरी चेकजाँचको क्रममा सोमबार ऐँसेलुखक गाउँपालिका–३, ऐँसेलुखर्क र केपिलासगढी गाउँपालिका–४, बाक्सिलाबाट काठमाडौँका लागि छुटेका ती टाटासुमोले यात्रुबाट बढी भाडा लिएको पाइएको थियो । जिल्ला प्रहरी कार्यालय र जिल्ला ट्राफिक प्रहरी कार्यालयको संयुक्त टोलीले बढी असुल भएको भाडा जफत गरेर यात्रुलाई फिर्ता गरेको प्रहरी नायव उपरीक्षक (डीएसपी) उमेश लम्सालले जानकारी दिनुभयो । बढी भाडा असुल्ने टाटासुमो चालकलाई जरिवाना तिराएर छाडिएको पनि उहाँले बताउनुभयो । प्रहरीले यसअघि पनि हलेसीमा बढी असुल भएको भाडा यात्रुलाई फिर्ता गराएको थियो । यस्तै ट्राफिक नियम विपरीत सञ्चालन गरिएका ४ वटा बस, एउटा ट्याक्टर, १...

खोटाङ कार्तिक २२ : खोटाङमा एकैदिन प्रसव बेदनाले पीडित तीन जना महिलाहरूको हेलिकप्टर मार्फत निःशुल्क उद्धार गरिएको छ । राष्ट्रपति महिला उत्थान कार्यक्रममार्फत प्रसव बेदनाले पीडित दिक्तेल रुपाकोट मझुवाढी नगरपालिका–१ की २३ वर्षीया दीपा आचार्य, सोही स्थानकी २४ वर्षीया मेनुका खड्का र साकेला गाउँपालिका–५ की २४ वर्षीया सुनिता राईको उद्धार गरिएको हो । आचार्य र राईलाई सामान्यतया सुत्केरी हुुनुपर्ने समय अगावै प्रसव वेदना लागेकोे र खड्काको सुत्केरी हुनुपर्ने समय नाघिसक्दा पनि उच्च रक्तचापका कारण सुत्केरी हुन नसकेको जिल्ला अस्पताल खोटाङकी जीपी डा. नितु लामाले बताउनुभयो । उहाँहरूको जिल्ला अस्पतालमा उपचार सम्भव नहुने देखिएपछि उद्धारको पहलका लागि जिल्ला प्रशासन कार्यालयलाई अनुरोध गरिएको उहाँले बताउनुभयो । अस्पतालबाट यसबारे जानकारी भएपछि लगत्तै प्रशासनले उद्धारका लागि महिला तथा बालबालिका मन्त्रालयमा सिफा...

खोटाङ कार्तिक २१ : १२ औँ राष्ट्रिय जनगणना २०७८ अन्तर्गत खोटाङमा मूल गणनाको तयारी पूरा भएको छ । कात्तिक २५ गतेदेखि मंसिर ९ गतेसम्म हुने मूल गणनाका लागि आवश्यक तयारी पूरा भएको जिल्ला जनगणना कार्यालय खोटाङले जनाएको छ । मूूल गणनाका लागि छनोट भएका २ सय ९० गणकलाई काक्ति १३ देखि १६ गतेसम्म तालिम दिइएको थियो । तालिम प्राप्त गणकहरूलाई कात्तिक २५ गतेदेखि तथ्यांक संकलन गर्ने गरी आवश्यक सामग्रीसहित फिल्डमा खटाइसकिएको जिल्ला जनगणना अधिकारी जीतबहादुर कोइराला (जेबी) ले बताउनुभयो । उहाँले कात्तिक २४ गते घर तथा घर परिवारको सूचीकरणमा खटिएका सुपरीवेक्षकले गणकलाई कार्यक्षेत्र देखाउने बताउनुभयो । गणकले प्रश्नावलीसहित घरघरमै गएर परिवारमूलीबाट सूचना संकलन गर्ने बताइएको छ । ८० प्रश्नसहित गणक घरघरमा मूल गणनाका लागि आउँदा उनीहरूलाई सही सूचना दिन पनि जिल्ला जनगणना कार्यालयले आग्रह गरेको छ । जनगणनालाई प्रभावकारी ...

१७ कात्तिक, खोटाङ । खोटाङमा राति ९ बजेसम्म मात्रै देउसी–भैलो खेल्न पाइने भएको छ । बुधबार बसेको जिल्ला सुरक्षा समितिको बैठकले कोरोना संक्रमण जोखिम, शान्ति सुरक्षालगायत कुरालाई ध्यानमा राख्दै राति ९ बजेभन्दा पछि र बिहान ६ बजेसम्म देउसी–भैलो खेल्न नपाइने निर्णय गरेको हो । तिहार मनाउँदा सरकारले तोकेका स्वास्थ्य मापदण्ड अनिवार्य पालना गर्न, अत्यधिक भीडभाडजन्य कार्य नगर्न जिल्ला प्रशासन कार्यलय खोटाङले जिल्लाबासीलाई आग्रह गरेको छ । यस्तै आगलागीबाट क्षति हुन सक्ने कुरालाई ख्यालमा राख्दै तिहारको समयमा पटका, आतिसबाजी लगायत प्रज्ज्वलनशील विष्फोटक पदार्थ बिक्री वितरण र प्रयोगमा रोक लगाइएको छ । सार्वजिनिक रूपमा मदिरा सेवन गरी होहल्ला गर्ने, जुवातास खेल्ने कार्य नगर्न पनि जिल्ला प्रशासनले आग्रह गरेको छ । तोकिएका नियम विपरीत कसैले कार्य गरे/गराएको पाइए तत्काल पक्राउ गरी कानुनी कारबाही गरिने प्रशासनले...

१५ कात्तिक, खोटाङ । जिल्लामा वैदेशिक रोजगारीका क्रममा हुन सक्ने ठगीबाट बच्न विद्यार्थीलाई सचेतना प्रदान गरिएको छ । दिक्तेल रुपाकोट मझुवागढी नगरपालिका–४, खाल्लेस्थित शितला माविका विद्यार्थीहरूलाई सोसम्बन्धी सचेतना प्रदान गरिएको हो ।  विद्यालयमा अध्ययनरत कक्षा ८, ९ र १० का विद्यार्थीहरूलाई वैदेशिक रोजगारीका कारण हुन सक्ने मनोसामाजिक समस्या र ठगी तथा त्यसबाट जोगिने उपायबारे सचेतना दिइएको हो । वैदेशिक रोजगार सेवा समाज दिक्तेलको आयोजना र सुरक्षित आप्रवासन परियोजना (सामी), खोटाङको सहजीकरणमा कार्यक्रम सञ्चालन गरिएको हो । कार्यक्रममा सामीका कार्यक्रम संयोजक सन्तोष राई र सोही परियोजनाका मनोसामाजिक परामर्शदाता प्रमोद श्रेष्ठले सहजीकरण गर्नुभएको थियो । कार्यक्रममा खाल्लेका वडाध्यक्ष डिल्लीकुमार राई, विद्यालय व्यवस्थापन समिति अध्यक्ष नवराज केसी र अन्य पदाधिकारी, शिक्षकहरू उपस्थित थिए ।...

खोटाङ कार्तिक १३ गते : जिल्लाको दिप्रुङ चुईचुम्मा गाउँपालिकामा अनेरास्ववियु क्रान्तीकारीले प्रथम ऐतिहासिक गाउँपालिका सम्मेलन सम्पन्न गरेको छ । आज (शनिबार) सम्पन्न सम्मेलनबाट आदेश थापाको अध्यक्षतामा ४५ सदस्यीय कमिटी गठन गरिएको अनेरास्ववियु क्रान्तीकारी खोटाङले जनाएको छ । नेकपा माओवादी पार्टीका केन्द्रिय सदस्य एवं प्रदेश सांसद राम कुमार राई (पासाङ) को प्रमुख आतिथ्यतामा सम्मेलन सम्पन्न भएको हो । सम्मेलबाट अनेरास्ववियु क्रान्तीकारीको गाउँपालिका कमिटीको अध्यक्षमा आदेश थापा, उपाध्यक्षमा एनिसा परियार, शुसिला श्रेष्ठ र कञ्चन राई चयन हुनु भएको छ । यस्तै पालिका कमिटिको सचिवमा क्यामेस्ट्रि राई, सह सचिवमा सुवास बस्नेत, दिनेश मग्राती र करुणा राई र कोषाध्यक्षमा तजिना मगर चयन हुनु भएको अनेरास्ववियु क्रान्तीकारी खोटाङका संयोजक डिआर खड्काले जानकारी दिनुभयो ।...

खोटाङ कार्तिक १३ गते : जिल्लाको हलेसी तुवाचुङ नगरपालिकामा नेपाली कांग्रेसले नगर स्तरीय कार्यलय स्थापना गरेको छ । नेपाली कांग्रेसका क्षेत्रिय सभापती एवं हलेसी तुवाचुङ नगरपालिका मेयर इवन राईको प्रमुख आतिथ्यमा आज (शनिबार) एक कार्यक्रमका बिच कार्यलय स्थापना गरिएको नेपाली कांग्रेस हलेसी तुवाचुङ नगरपालिकाले जनाएको छ । नगरपालिकाको ५ नम्बर वडा दुर्छिममा कार्यलय स्थापनासँगै नगर कार्य समितिको पहिलो पुर्ण बैठक पनि सम्पन्न भएको नगर कार्य समितिका सचिव कमल गिरीले जानकारी दिनुभयो । सचिव गिरीका अनुसार नगर कार्य समिति र नगरपालिका भित्रका ११ वटै वडाका सभापतीहरुहरुलाई कांग्रेसका स्थानीय नेता कार्यक्रताले दोसल्ला लगाएर कार्य सफलताको शुभकामना पनि दिएका छन । यस्तै कार्यलय स्थापना कार्यक्रममा अन्य पार्टी परित्याग गरी नेपाली कांग्रेसमा दर्जनौँ नेता कार्यक्रता प्रवेश गरेको नेपाली कांग्रेस हलेसी तुवाचुङ नगरपालिका...

खोटाङ कार्तिक १३ गते : जिल्लाको दिक्तेल रुपाकोट मझुवागढी नगरपालिकाले महिलाहरूलाई स्वरोजगार बनाउन तीन महिने सीपमूलक ढाका बुनाइ तालिम प्रदान गरेको छ । आर्थिक रुपमा आत्मनिर्भर बनाउने उद्देश्यका साथ नगरपालिकाको ९ नं. वडा निर्मलीडाँडास्थित साकेला महिला समूहका ७ जना महिलालाई तालिम दिइएको नगरपालिकाकी उपप्रमुख विणादेवी राईले जानकारी दिनुभयो । नगरपालिका र ९ नं. वडाको आर्थिक सहयोगमा गत साउन १४ गतेबाट सुरु तालिममा चन्द्रकला राईले सहजीकरण गर्नुभएको थियो । तालिममा सहभागी महिलाले ढाकाको कपडाबाट साडी, कोट, सललगायतका कपडा बनाउन सिकेका छन् । उनीरूले उत्पादनसमेत थालिसकेका र ठूलो मात्रामा उत्पादन गरे नगरपालिकाले बजारीकरणमा सहयोग गर्ने उपप्रमुख राईले बताउनुभयो । तालिमका समापनका अवसरमा आज प्रशिक्षिकालाई प्रशंसापत्र र प्रशिक्षार्थीहरूलाई प्रमाणपत्र प्रदान गरिएको छ । नगरपालिकाले विगतका वर्षमा पनि नगरभित्रका ...