स्थानीय

खोटाङ, माघ ६ । खोटाङको हलेसी तुवाचुङ नगरपालिका–७ महादेवस्थान काभ्रेकी १७ वर्षीया रञ्जिता दाहालको हत्या आशंकामा प्रहरीले एक जनालाई पक्राउ गरेको छ । माघ १ गते विद्यालय गएर घर फर्किनेक्रममा बेपत्ता बनेकी रञ्जिता माघ २ गते घर नजिकै मृत फेला परेकी थिइन् । उक्त घटनामा संलग्न भएको आशंकामा प्रहरीले रावा बेसी गाउँपालिका–५ दुबेकोलका २५ वर्षीय अनन्त विश्वकर्मालाई पक्राउ गरेको हो । दुबेकोलका विश्वकर्मा हाल मृतक बालिकाको घर नजिकै काभ्रेमै बस्दै आएका छन् । स्थानीय र बालिकासँग विद्यालयबाट फर्किने साथीले दिएको जानकारी अनुसार विश्वकर्मालाई प्रहरीले पक्राउ गरेको जनाएको छ । विश्वकर्मालाई ज्यान सम्बन्धी कसुर अन्तर्गत जिल्ला अदालतबाट ५ दिनको म्याद थप गरी अनुसन्धान सुरु गरिएको जिल्ला प्रहरी कार्यालय खोटाङका सूचना अधिकारी एवं प्रहरी निरीक्षक पर्शुराम राईले बताउनुभयो । महादेवस्थानस्थित महेन्द्रद्धोय माध्यमिक वि...

खोटाङ, माघ ५ । खोटाङमा घर फोडेर चोरी गर्ने तीन जनालाई प्रहरीले पक्राउ गरेको छ । दुई घरबाट नगद, सुन, चाँदी,पुराना सिक्का, लत्ता कपडा गरी करीब ९ लाख बराबरको चोरी गर्ने तीन जनालाई पक्राउ गरिएको जिल्ला प्रहरी कार्यालय खोटाङले जनाएको छ । पक्राउ पर्नेहरुमा दिक्तेल रुपाकोट मझुवागढी नगरपालिका–१ दिक्तेलका १९ वर्षीय कृष्ण विश्वकर्मा, ३९ वर्षीय पर्शुराम विश्वकर्मा र वडा नम्बर ४ खाल्लेका २२ वर्षीय इन्द्र विश्वकर्मा रहेका छन् । तीन मध्ये कृष्णलाई सुरुमा पुस २८ गते पक्राउ गरिएको जिल्ला प्रहरी कार्यालय खोटाङका सूचना अधिकारी एवं प्रहरी निरीक्षक पर्शुराम राईले जानकारी दिनुभयो । कृष्णको बयानका आधारमा अन्य दुईलाई २९ गते पक्राउ गरिएको उहाँको भनाइ छ । मंसिर १३ गते लफ्याङको घिमिरे चोकस्थित एक घरमा नगद, सुन, लत्ता कपडा लगायत पुराना मुल्यवान सिक्कासमेत गरी रु ५ लाख ७१ हजार बराबरको चोरी भएको उजुरी प्रहरीकोमा आएक...

खोटाङ, माघ ५ । त्रि–धार्मिक स्थल हलेसीमा कार्यरत कर्मचारी लगायतलाई न्यानो ज्याकेट प्रदान गरिएको छ । मन्दिरका पुजारी, सरसफाइ गर्ने ब्यक्ति, मन्दिरमा बस्ने योगी लगायत २५ जनालाई बिहिबार न्यानो ज्याकेट प्रदान गरिएको हो । नेपाली कांग्रेसका केन्द्रीय महाधिवेशन प्रतिनिधि एवं हलेसी तुवाचुङ नगर कार्यपालिका सदस्य राकेश परियारको पहलमा बिराटनगरका रामकाजी थापाले ज्याकेट प्रदान गर्नुभएको हो । थापा स्नेहा अप्परेल्स प्रा.लि.का प्रमुखसमेत हुनुहुन्छ । देश तथा विदेशबाट पर्यटकहरु आउने हलेसीमा रात दिन खटिने ब्यक्तिहरुलाई चिसो मौसममा केही सहज होस भनेर ज्याकेट प्रदान गरिएको परियारले बताउनुभयो ।...

खोटाङ, माघ ४ । आगामि दिनमा त्रि–धार्मिक स्थल तपोभूमि हलेसीमा आउने पर्यटकले यथार्थ बुझ्न पाउने भएका छन् । हलेसी र आसपासका पर्यटकीय क्षेत्रको बारेमा पर्यटक घुमाउन र यर्थाथ बुझाउन नगरपालिकाले गाइड तालिम प्रदान गरेको छ । नेपाल एकेडेमी अफ टुरिजम एण्ड होटेल म्यानेज्मेण्ट (नाथम) सँगको सहकार्यमा नगरपालिकाले ३१ जनालाई स्थानीय पर्यटक गाइड तालिम प्रदान गरेको हो । आठ दिनसम्म सञ्चालन भएको तालिमको बुधबार समापन गरिएको छ । गाइड सम्बन्धि तालिमका लागि नगरपालिकाले मंसिर ८ गते सूचना निकालेको थियो । जसमा ३३ जनाको आवेदन परेपनि २ जनाको आवश्यक प्रक्रिया नपुगेकाले ३१ जनालाई तालिम प्रदान गरिएको नगरपालिकाले जनाएको छ । तालिमबाट हलेसी र आसपासका पर्यटकीय क्षेत्रको ऐतिहासिक कुराहरु पर्यटकलाई बुझाउन सकिने भएको सहभागि मोतिराज राईले बताउनुभयो । फिल्डमै पुगेर सबै कुरा सिक्न पाएकाले आगामि दिनमा अरुलाई त्यसको महत्वको बारेमा...

माघ ३ । चलचित्र ‘सँघार’ माघ १६ गते काठमाडौंमा प्रदर्शन हुने भएको छ । गाउँले कथा बस्तुमा आधारित खोटाङको विभिन्न रमणीय स्थानहरूमा छायाँकंन गरिएको चलचित्र ‘सँघार’ माघ १६ गते काठमाडौंको मण्डला नाटकघरमा प्रदर्शन गर्न लागिएको हो । ‘सँघार’ मा पारिवारिक र गाउँले प्रेम कथाको मनोरञ्जन लिन सकिने लेखक एवं निर्देशन प्रयाश दुमी राईले बताए । चलचित्रमा अस्मिता राई, प्रयाश दुमी राई, शुष्मा राई, अरुण राई, मनोज राई, दुर्गा बान्तावा, बिबेक दुमी, अनिसा चाम्लिङ, सम्झना राई लगायतको अभिनय रहेको छ । चलचित्रको छायाँकन दुर्गा बान्तावा र मनोज राईले गरेका हुन् । यस्तै भिडियो सम्पादन र पोस्टर डिजाइन मनोज राईले गरेका हुनु भने ड्रोनमा दुर्गा बान्तावा रहेका छन् । यसैगरी चलचित्रको गीतमा राजेश पायल राई र शुष्मा राईको स्वर, प्रयास दुमी राईको शब्द, पदम राजन मगरको संगीत तथा संयोजन रहेको छ । यसअघि चलचित्र ‘सँघार’को भोजपुर, ख...

खोटाङ, माघ ३ । प्राय मानिसहरु कुनै कुरामा सफलता प्राप्त गर्दा नजिकका ब्यक्तिहरुलाई पार्टी दिने गर्छन । सफलताका खुशीहरु भोज भतेरमा बाँडिन्छन् । खोटाङका हरी खड्काले भने आफ्नो सफलताको खुशीलाई समाजसेवामा लगाएका छन् । खड्काले सरकारी सेवामा प्रवेश गरेको खुशीमा गाउँका अशक्त, अपाङ्गता भएका र सहाराविहिन १५ जनालाई न्यानो कपडा प्रदान गरेका छन् । आफु सरकारी सेवामा प्रवेश गरेको खुशीमा उनिहरुलाई न्यानो कपडा एक थान ज्याकेट उपहार स्वरुप प्रदान गरेको उनले बताए । रावा बेसी गाउँपालिका–६ हौँचुरका हरी खड्काले केही दिन अघि मात्र वागमती प्रदेशको स्वास्थ्य सेवा सहायक चौथो तह अहेवमा नाम निकालेका छन् । सोही अवसरमा सोमबार वडासम्म आउन सक्नेलाई वडामा र आउन नसक्नेहरुलाई घरमै पुगेर ज्याकेट प्रदान गरेको खड्काले बताए । ‘आफुले सफलता प्राप्त गर्दा भोज भतेरमा पैसा खर्च गर्ने चलन छ । तर मैले आफ्नो खुशी गाउँका अशक्त अपाङ्ग...

खोटाङ, माघ २ । खोटाङको हलेसी तुवाचुङ नगरपालिकाले महिलाहरुलाई अचार बनाउने तालिम प्रदान गरेको छ । गरिवी निवारणका लागि लघु उद्यम विकास कार्यक्रम (मेडपा) अन्तरगत नगरपालिकाका २१ जना महिलालाई अचार बनाउने तालिम प्रदान गरिएको नगरपालिकाले जनाएको छ । वडा नम्बर ७ महादेवस्थानमा १० दिनसम्म सञ्चालन भएको तालिमको सोमबार मेयर विमला राई र उपमेयर रमेश कुमार राउतले समापन गर्नुभएको छ । ब्यवसायिकरण र परिवारको आत्मनिर्भरताको लागि अचार बनाउने तालिम प्रदान गरिएको उपमेयर राउतले बताउनुभयो । ‘हलेसीमा सय भन्दा धेरै होटल छन्, जहाँ बाहिरबाट अचार आयत हुने गरेको छ । स्थानीय स्तरमा उत्पादन हुने कृषि उपचलाई अचार बनाउन सकियो भने राम्रो कमाइ हुने देखिन्छ । त्यसैले हामीले महिलाहरुलाई अचार बनाउने तालिम प्रदान गरेका छौँ ।’ उपमेयर राउतले भन्नुभयो । अचार बनाउन र आवश्यक कृषि उपज उत्पादन गर्न समहु बनाएर प्रस्ताव आए नगरपालिकाले त्...

खोटाङ, माघ २ । खोटाङमा १७ वर्षिया बालिका शंकास्पद अवस्थामा मृत फेला परेकी छन् । जिल्लाको हलेसी तुवाचुङ नगरपालिका–७ महादेवस्थान काभ्रेकी रञ्जिता दाहाल घर नजिकै मृत अवस्थामा भेटिएकी हुन् । महेन्द्रद्धोय माध्यमिक विद्यालयमा कक्षा १० मा अध्ययनरत रञ्जिता आईतबार विद्यालय गएर घर नफर्किएपछि खोजी गर्दा सोमबार बिहान घर नजिकै शंकास्पद अवस्थामा उनको शव भेटिएको हो । आइतबार अपरान्ह घर फर्कनेक्रममा सम्पर्क विहिन बनेकी बालिकाको शव घर भन्दा करीब २ सय मिटर टाढा खन्युको फेदमा पासो चुँडिएर खसेको जस्तो अवस्थामा फेला परेको जिल्ला प्रहरी कार्यालय खोटाङले जनाएको छ । सुरुमा स्थानीयले शव भेटेपछि प्रहरीलाई खबर गरेका थिए । बालिकाको ओठ, आँखा, घाँटीमा चोट देखिएको, सलको एक टुक्रा घाँटीमा र एक टुक्रा रुखको हाँगामा रहेकाले घटना शंकास्पद देखिएको महादेवस्थानका वडाध्यक्ष कमल गिरीले बताउनुभयो । माघ ३ गतेदेखि विद्यालयमा आयो...

खोटाङ, माघ १ । खोटाङमा सौतेनी आमाको कुटाइबाट एक बालिका गम्भीर घाइते भएकी छन् । आँखा र शरीरका विभिन्न भागमा चोट लागेर गम्भीर घाइते भएकी दिक्तेल रुपाकोट मझुवागढी नगरपालिका–१ दिक्तेलकी विनिता आचार्यलाई उपचारका लागि काठमाडौं लगिएको छ । दिक्तेलस्थित सरस्वती माध्यमिक विद्यालयमा कक्षा १० मा अध्यानरत १५ वर्षिया विनिता आचार्य आफ्नै सौतेनी आमाको कुटपिटबाट घाइते भएकी हुन् । पुस २९ गते दिउँसो कोठामा बसेर पढिरहेको अवस्थामा सौतेनी आमा चन्द्रकला रिजाल आचार्य कुटपिट गरेको स्थानीयको भनाइ छ । पढिरहेकी विनितालाई जुत्ताले आँखा, टाउको लगायत विभिन्न ठाउँमा कुटेको देखिएको स्थानीय तथा आफन्त हिराप्रसाद आचार्यले बताउनुभयो । कुटपिटबाट बालिकाको दाहिने आँखा बन्द भएको थियो । आँखा र शरीरका विभिन्न भागमा चोट लागेर गम्भीर घाइते विनितालाई जिल्ला अस्पतालले रेफर गरेपछि शनिबार काठमाडौं लगिएको छ । सुरुमा तिलगंगा आँखा अस्पता...

खोटाङ, माघ १ । खोटाङको दिक्तेल रुपाकोट मझुवागढी नगरपालिकाका मेयर तीर्थराज भट्टराई जापान भ्रमणका लागि प्रस्थान गर्नुभएको छ । ७ दिने औपचारिक भ्रमणका लागि शनिबार राती मेयर भट्टराई त्रिभुवन अन्तराष्ट्रिय विमानस्थलबाट ड्राईगन एयरलाईन्सको उडानमार्फत जापान प्रस्थान गर्नुभएको भट्टराईको सचिवालयले जनाएको छ । भट्टराईलाई जापान भ्रमणको लागि मंसिर ९ गतेको मन्त्रीस्तरीय बैठकले निर्णय गरेको थियो । सोही अनुसार जापानको तोचिगि नगर भ्रमणमा भट्टराई प्रस्थान गर्नुभएको हो । भ्रमणका क्रममा जापानको तोचिगि नगरपालिका र दिक्तेल रुपाकोट मझुवागढी नगरपालिकाबीच स्वास्थ्य, शिक्षा, कृषि, पर्यटन तथा भौतिक पूर्वाधार निर्माणका लागि सौहार्दपूर्ण रुपमा सम्बन्ध स्थापित गरी भविष्यमा दुई नगरपालिकाबीच भगिनी सम्बन्ध स्थापना गर्ने उद्धेश्य रहेको जनाइएको छ । मेयर भट्टराई जापानमा रहदा “मेयरसँग मेयर सम्बाद” कार्यक्रम लगायत विभिन्न शिक...