स्थानीय

खोटाङ, साउन २२ । खोटाङमा प्रसूति व्यथाले स्वास्थ्य अवस्था गम्भीर बनेकी एक गर्भवतीको निःशुल्क हवाई उद्धार गरिएको छ । वराहपोखरी गाउँपालिका–१, भिरगाउँकी गर्भवती विष्णा मगरको आइतबार राष्ट्रपति महिला उत्थान कार्यक्रमको हवाई सेवाबाट खर्च व्यहोर्ने गरी उद्धार गरिएको हो । स्थानीय बर्थिङ सेन्टरमा सुत्केरी हुन नसकेर स्वास्थ्य अवस्था गम्भीर बनेकी उनलाई जिल्ला प्रशासन कार्यालयलाई पत्राचार गरी हेलिकप्टर झिकाउन लगाएर भिरगाउँबाटै उद्धार गरिएको वराहपोखरी–१, वराहपोखरीका वडा अध्यक्ष ढकबहादुर कार्कीले बताउनुभयो । “बर्थिङ सेन्टरमा उहाँ सुत्केरी हुन सक्नुभएन । स्वास्थ्य अवस्था एकदमै नाजुक बन्दै गएको थियो,” वडा अध्यक्ष कार्कीले भन्नुभयो, “त्यसपछि तत्कालै गाउँपालिकाको स्वास्थ्य शाखालाई जिल्ला प्रशासनलाई पत्र लेखेर हेलिकप्टर झिकाउन भन्यौं र उहाँको उद्धार भयो।” सहायक प्रमुख जिल्ला अधिकारी पवित्रप्रकाश शाहले गर...

खोटाङ, साउन २० । खोटाङमा सम्बन्ध विच्छेद गर्नेहरु दुई वर्षको अन्तरालमा दोब्बरले बढेका छन् । आर्थीक वर्ष २०७६÷०७७ को तुलनामा गत आर्थीक वर्ष २०७८/०७९ मा सम्बन्ध विच्छेद गर्नेहरु दोब्बरभन्दा बढीले बढेका हुन् । जिल्ला अदालत खोटाङको तथ्याङ्क अनुसार आर्थीक वर्ष २०७६/०७७ मा ७० वटा मुद्दा परेका थिए । जसमा ३५ वटा मुद्दा फछ्र्यौट भएको छ । आर्थीक वर्ष २०७७/०७८ मा सम्बन्ध विच्छेद गर्ने भन्दै १ सय ६ जनाले मुद्दा दिए । जसमा ३४ वटा फछ्र्यौट भएको छ । जिल्लामा सम्वन्ध विच्छेद गर्नेहरुको संख्या हरेक वर्ष बृद्धि भइरहेको छ । गत आर्थीक वर्ष २०७८/०७९ मा यो संख्या ह्वात्तै बढेको छ । विभिन्न कारण देखाउदै सम्बन्ध विच्छेद सम्बन्धि १ सय ८४ मुद्दा दर्ता भएका छन् । जसमध्ये १ सय ३८ मुद्दा फछ्र्यौट भएको जिल्ला अदालत खोटाङको प्रशासन शाखामा कार्यरत नायब सुब्बा सोनाम श्रेष्ठले जानकारी दिनुभयो । जिल्ला अदालतमा उक्त आर्थीक ...

खोटाङ, साउन १५ । खोटाङको साकेला गाउँपालिका–५ मात्तिम बिर्ता केन्द्रविन्दु बनाएर आइतबार (आज) बिहान ८ : १३ बजे ६ म्याग्निच्युडको भूकम्प गएको छ । भूकम्पले कुनै मानवीय क्षति नभएको जिल्ला प्रहरी कार्यालय खोटाङले जनाएको छ । खोटाङसँगै आसपासका जिल्ला साथै काठमाडौं उपत्यकासम्म भूकम्पको धक्का महसुस भएको थियो । भूकम्पले मानवीय क्षति भने नभएको जिल्ला प्रहरी कार्यालय खोटाङका प्रमुख (डिएसपी) उमेश लम्सालले बताउनुभयो । “भूकम्पको धक्का राम्रै महसुस भएपनि मानवीय र कुनै पशुचौपायको क्षति भएको छैन् । केन्द्रविन्दु वरीपरी घरहरु सामान्य चर्किएका छन्, तर भत्किएको छैन् । के कती घर चर्किए भन्ने विषयको हामी खोजी गरिरहेका छौँ ।” डिएसपी लम्सालले भन्नुभयो ।...

खोटाङ, साउन १४ । खोटाङमा रगत निशुल्क पाइने भएको छ । रगत आवश्यक पर्ने बिरामीले जिल्लाका सबै स्वास्थ्य संस्थाबाट रगत निशुल्क पाइने व्यवस्था लागू भएको हो । दिक्तेल रुपाकोट मझुवागढी नगरपालिकाको आर्थीक सहयोग र नेपाल रेडक्रस सोसाइटी खोटाङको व्यवस्थापनमा बिरामीलाई रगत निशुल्क गरिएको हो । नगरपालिकाले चालु आर्थीक वर्ष २०७९/०८० को नीति तथा कार्यक्रममा रगत निशुल्क गर्ने घोषणा गरेको थियो । यस अघि १ पिन रगतको (३०० एमएलको १ पिन) ९ सय ५० रुपैयाँ लिने गरिएको नेपाल रेडक्रस सोसाइटी खोटाङका मन्त्री छत्र बजिमयले बताउनुभयो । नगरपालिकाले आर्थीक व्यवस्थापन गरेसँगै साउन १ गतेबाटै रगत निशुल्क प्रदान गर्न थालिएको उहाँको भनाइ छ । “दिक्तेल रुपाकोट मझुवागढी नगरपालिकाको आर्थीक सहयोगमा रगत निशुल्क प्रदान गर्न थालिएको हो । जिल्ला अस्पताल खोटाङमा मात्र नभएर जिल्लाका अन्य जुनसुकै स्वास्थ्य संस्थामा रगत आवश्यक परेमा रेडक...

खोटाङ, साउन १४ । खोटाङमा खेल्नेक्रममा सलको पासो लागेर ९ वर्षिया बालिकाको मृत्यु भएको छ । साकेला गाउँपालिका–१ बाँझेच्यानडाँडाका रविन गुरुङको ९ वर्षिया छोरी रोमी गुरुङको खेल्ने क्रममा आफ्नै सलको पासो लागेर मृत्यु भएको जिल्ला प्रहरी कार्यालय खोटाङले जनाएको छ । गुरुङको परिवार दिक्तेल रुपाकोट मझुवागढी नगरपालिका–१ रत्नपार्कस्थित भाडाको कोठामा बस्दै आएको छ । सोही कोठामा शुक्रबार साँझ बालिकाको मृत्यु भएको हो । मृतक बालिका र उनकी बहिनि घरको निदालमा सल बाँधेर खेल्नेक्रममा सोही सलमा पासो लागेर मृत्यु भएको जिल्ला प्रहरी कार्यालय खोटाङका सूचना अधिकारी प्रहरी निरीक्षक शंखर चौधरीले बताउनुभयो । दिदिले बोलाउनुभएको छ भन्दै बहिनि अन्य कोठामा पुगेपछि आएर हेर्दा भुण्डिरहेको अवस्थामा दिदि रोमी फेला परेकी थिइन् । मृतक बालिका दिक्तेलको एक निजि विद्यालयमा कक्षा–४ मा अध्ययनरत थिइन् ।...

खोटाङ, साउन १३ । नेकपा एमाले संबद्ध विद्यार्थी संगठन अनेरास्ववियु खोटाङले रक्तदान कार्यक्रम गरेको छ । नेपाल रेडक्रस सोसाइटी खोटाङसँगको सहकार्यमा अनेरास्ववियुले शुक्रबार (आज) जिल्ला अस्पताल खोटाङमा रक्तदान कार्यक्रम गरेको हो । नेकपा एमाले खोटाङका उप–सचिव एवं विद्यालय बिभाग प्रमुख दिपनारायण रिजालले रक्तदान गरेर कार्यक्रमको सुरुवात गर्नुभएको हो । आवश्यकता अनुसार आज पाँच जनाले रक्तदान गरेका छन् । रक्तदान गर्नेहरुमा रिजालसँगै याम खड्का, राम बुढाथोकी, मुस्कान राई र सुजन पराजुली रहेका छन् । अन्य दश जनाले रक्तदानकालागि नाम टिपाएका छन् । उनिहरुलाई रगत आवश्यक परेको अवस्थामा सम्पर्क गरेर बोलाइने नेपाल रेडक्रस सोसाइटी खोटाङका मन्त्री छत्र बजिमयले बताउनुभयो । जिल्लामा रगतको आवश्यकतालाई मध्यनजर गर्दै रक्तदान कार्यक्रमको आयोजना गरिएको अनेरास्ववियु खोटाङका सचिव विष्णु उपरकोटीले बताउनुभयो । रक्तदान गर्ने...

खोटाङ, साउन १२ । करदाता सेवा कार्यालय खोटाङले एक वर्षमा १७ करोड बढी राजस्व संकलन गरेको छ । गत आर्थिक वर्ष २०७८/०७९ मा कार्यालयले १७ करोड ८८ लाख ४८ हजार ५ सय ५ रुपैयाँ २५ पैसा राजस्व संकलन गरेको हो । कार्यालय प्रमुख कर अधिकृत भिमसेन दाहालका अनुसार गत आर्थीक वर्षमा उक्त राजस्व संकलन भएको हो । आय कर, मूल्य अभिवृद्धि कर र अन्त शुल्क गरी तीन शीर्षकमा राजस्व संकलन हुने गरेको उहाँले बताउनुभयो । गत आर्थिक वर्षमा कार्यालयले १६ करोड ७५ लाख राजस्व संकलन गर्ने लक्ष्य राखेको थियो । लक्ष्य भन्दा बढी राजस्व संकलन गर्न कार्यालय सफल भएको उहाँले बताउनुभयो । २ हजार १ सय ८ नयाँ करदाता थपिए करदाता सेवा कार्यालय खोटाङमा एक वर्षमा २ हजार १ सय ८ नयाँ करदाता थपिएका छन् । व्यक्तिगत पानमा १ हजार ३ सय ३२, मूल्य अभिवृद्धि करमा २९, आय करमा ६ सय ७८, सरकारी निकाय तथा सार्वजनिक संघ संस्था ४७ र अन्त शुल्क तर्फ २२ नयाँ क...

खोटाङ, साउन ११ । खोटाङको खोटेहाङ गाउँपालिका–३ सावाकटहरेमा टोलटोलमा साउनमा माजिक सुरक्षा भत्ता वितरण गरिएको छ । सामाजिक सुरक्षा भत्ता लिने कतिपय नागरिक बैंकसम्म पुग्न समस्या भएका कारण वडाले टोलमै पुगेर भत्ता वितरण गरेको वडाध्यक्ष जेफर राईले जानकारी दिनुभयो । नेपाल सरकारले सामाजिक सुरक्षा भत्ता बैंक मार्फत प्रदान गर्न अनिवार्य गरेपश्चात स्थानीय तहहरुले विभिन्न बैंकसँगको सहकार्यमा भत्ता प्रदान गर्दैआएका छन् । तथापी पहाडी र हिमाली भूगोलमा बैंकसम्म पुगेर भत्ता लिन समस्या भएको नागरिकहरुले गुनासो गर्दै आएका छन् । सोही गुनासोलाई मध्यनजर गर्दै वडाको हरेक टोलमा पुगेर भत्ता प्रदान गरिएको वडाध्यक्ष राईले बताउनुभयो । “सामाजिक सुरक्षा भत्ता लिने व्यक्तिहरु प्राय अशक्त हुनुहुन्छ । बैंक आउनजान समस्या हुन्छ । त्यसैले उहाँहरुको समस्यालाई मध्यनजर गर्दै हामीले बैंकसँगको सहकार्यमा टोलमै पुगेर सामाजिक सुरक्षा...

खोटाङ, साउन ११ । हलेसी तुवाचुङ नगरपालिकामा महिलाहरुलाई निशूल्क सेनेटरी प्याड वितरण गरिने भएको छ । नगरपालिकाले आफ्नै मातहतमा प्याड निर्माण गरेर नगर भित्रका महिलाहरुलाई वितरण गर्ने तयारी गरेको नगर प्रमुख विमला राईले जानकारी दिनुभयो । नगरपालिकाले केही समय अगाडि सेनेटरी प्याड निर्माण गर्ने तालिमसमेत दिएको थियो । उक्त तालिममा सहभागि केही महिलाहरुले यतिबेला धमाधम प्याड निर्माण गरिरहेका छन् । उनिहरुले स्थानीय स्तरमा निर्माण गरेको प्याड नगरपालिकाले खरिद गरेर महिलाहरुलाई निशूल्क वितरण गरिने नगर प्रमुख राईले बताउनुभयो । अहिले हलेसी तुवाचुङ नगरपालिकाको वडाहरु ३ च्यास्मिटार, ५ दुर्छिम, ६ मंगलटार, ७ महादेवस्थान र ८ धितुङका महिलाहरुले तालिम पश्चात प्याड निर्माण गरिरहेका छन् । “स्थानीय स्तरमै सेनेटरी प्याड निर्माणकालागि हामीले तालिम प्रदान गर्यौ । तालिममा सहभागि महिलाहरुलाई सिलाई मेशीन र कटिङ मेशीन पनि ...

खोटाङ, साउन ११ । साउन १३ गते शुक्रबार दिक्तेल स्थित जिल्ला अस्पताल खोटाङमा रक्तदान कार्यक्रम हुने भएको छ । नेपाल रेडक्रस सोसाइटी खोटाङसँगको सहकार्यमा नेकपा एमाले संबद्ध विद्यार्थी संगठन अनेरास्ववियु खोटाङले रक्तदान कार्यक्रमको आयोजना गरेको हो । रगत जम्मा गर्ने जिल्ला अस्पताल खोटाङको ब्लड बैंकको क्षमता अनुसार १० जनासम्मले रक्तदान गर्न सक्ने रेडक्रसले जनाएको छ । जिल्लामा रगतको आवश्यकतालाई मध्यनजर गर्दै रक्तदान कार्यक्रमको आयोजना गरिएको अनेरास्ववियु खोटाङका सचिव विष्णु उपरकोटीले बताउनुभयो । रक्तदान गर्न इच्छुक व्यक्तिले उक्त दिन जिल्ला अस्पतालमा आउन अनेरास्ववियुले अनुरोध गरेको छ । ब्लड बैंकको क्षमता अनुसार इच्छुक १० जनाले सोही दिन रक्तदान गर्न पाउने छन् भने अन्य व्यक्तिको रगत परिक्षण गरिने र आवश्यक परेको अवस्थामा रक्तदान गर्न बोलाईने रेडक्रसले जनाएको छ । यस्तै, ३१ औँ मनोज स्मृति दिवस सप्ताह...