समाज

खोटाङ भदौ ३१ गते : खोटाङमा पछिल्लो समय बढ्दै गएको आत्महत्याका घटना रोकथाम एवं न्युनिकरणको लागि स्थानीय तहले बिशेष भुमिका खेल्नु पर्ने मानव अधिकार आयोगले जनाएको छ । आत्महत्या रोकथामाको लागि स्थानीय तहले बार्षिक निति तथा कार्यक्रम सञ्चालन गर्न आवश्यक रहेको ठहर गर्दै राष्ट्रिय मानव अधिकार आयोगको प्रदेश नं. १ शाखा कार्यालय दिक्तेलले पत्रचार गरेको कार्यलय प्रमुख श्यामबाबु काफ्लेले जानकारी दिनुभयो । प्रमुख काफ्लेको भनाई अनुसार जिल्ला समन्वय समिति खोटाङ मार्फत स्थानीय तहहरू, जिल्ला स्वास्थ्य कार्यालय मार्फत स्वास्थ्य संघसंस्थाहरू, शिक्षा विकास तथा समन्वय इकाई मार्फत शिक्षण संघसंस्थाहरू, जिल्ला प्रशासन कार्यालय, जिल्ला प्रहरी कार्यालय, खोटाङ जिल्ला अदालत बार एशोसिएसन, नेपाल पत्रकार महासंघ र गैरसरकारी संस्था महासंघलाई पत्राचार गरिएको छ । विश्व आत्महत्या रोकथाम दिवसको अवसरमा भदौ २५ गते दिक्तेलमा आ...

खोटाङ भदौ २९ गते : खोटाङको दिक्तेल रुपाकोट मझुवागढी नगरपालिका–२ सोल्माको वडा कार्यालयमा स्थानीयले ताला लगाएका छन । वडा कार्यलयको भवन अपायक पर्ने ठाउँमा निर्माण गरेको भन्दै स्थानीयले ताला लगाएका हुन । जनता समाजवादी पार्टीका जिल्ला सदस्य धनीराम नछुङ, कांग्रेसका वडासभापति पदम पुरी र नेकपा माओवादी केन्द्रका वडा कमिटि अध्यक्ष सप्तमनी राईको अगुवाईमा सोमबार गएका स्थानीयले कर्मचारीलाई वडा कार्यलय बाहिर निकालेर ताला लगाएको बताईएको छ । वडा कार्यलय अपायक पर्ने ठाउँमा निर्माण गरेको, एउटा प्लट जग्गा वडाको नाममा देखाएर अन्य दुई ठाउँको जग्गा वडा कार्यलयको नाममा पास गरेको लगाएतका बिषयमा नागरिकलाई सधै ढाँट्ने काम भएको कारण ताला लगाउँन बाध्य भएको जिल्ला सदस्य नछुङले बताउनु भयो । सोल्माको होस्माटोल साकेलाथान नजिकै भाडाको घरबाट सञ्चालन हुँदैआएको वडा कार्यालयलाई डाँडागाउँस्थित बसपार्क नजिकै निर्माण गरिएको न...

खोटाङ भदौ २८ गते : कोरोना भाईरस संक्रमणका कारण लामो समय बन्द रहेका खोटाङका अधिकांश बिद्यालयहरु सञ्चालनमा आएका छन । जिल्लामा कोरोनाका संक्रमितको सङ्ख्यामा कमि आएसँगै बिद्यार्थीको भौतिक उपस्थितीमा पठनपाठन गर्ने गरी बिद्यालयहरु सञ्चालनमा आएका हुन । जिल्लामा दुई नगरपालिका र आठ गाउँपालिका गरी दश वटा स्थानीयतहरु रहेका छन । जस मध्ये दिक्तेल रुपाकोट मझुवागढी नगरपालिकामा कोरोना भाईरसको संक्रमणबाट बच्न उचित स्वास्थ्य मापदण्ड पालना गर्दै आईतबार बाट बिद्यालयहरुमा बिद्यार्थीको भौतिक उपस्थितीमा पठनपाठन सुरु भएको नगरपालिकाका शिक्षा शाखा संयोजक तिर्थ बहादुर बिकले जानकारी दिनुभयो । यस्तै जिल्लाको जन्तेढुंगा गाउँपालिका र बराहपोखरी गाउँपालिकामा पनि आईतबार बाटै पठनपाठन सुरु भएको गाउँपालिकाले जनाएका छन । अनलाईन कक्षा सञ्चालन गरेर बिद्यार्थीको पठाईलाई निरन्तरता दिईरहेको भएपनि अनलाई कक्षा सोचे अनुसारको प्रभावक...

खोटाङमा प्रहरीले बाल विवाह रोकेको छ । दुलहीको उमेर नपुगी विवाह गर्न लागेको सूचना आएपछि ऐसेलुखर्क गाउँपालिका २ बाकाचोलमा प्रहरीले बाल विवाह रोकेको जिल्ला प्रहरी कार्यलय खोटाङले जनाएको छ । ऐसेलुखर्क गाउँपालिका २ बाकाचोलकी १७ बर्षिया बालीका र सोहि गाउँपालिका ४ जलेश्वरीका २१ बर्षका युवक बिच शुक्रबार विवाह हुन लागेको थियो । दुलही लिन जन्ती आएपछि दुलहीको उमेर नपुगि विवाह हुन लागको भन्दै गाउँलेले प्रहरीलाई खबर गरेका थिए । गाउँलेको गोप्य सूचनाको आधारमा इलाका प्रहरी कार्यलय ऐसेलुखर्कबाट खटिएको प्रहरी टोलीले उक्त विवाह रोकेको प्रहरी निरिक्षक एवं जिल्ला प्रहरी कार्यलय खोटाङका प्रवक्ता सागर शाहले बताउँनु भयो । दुलहीको उमेर १७ बर्ष मात्र भएको र यस्तो विवाह कानुन बिपरीत भएको कारण विवाह गर्न नमिल्ने भनेर दुवै परिवारलाई प्रहरीले सम्झाएको उहाँको भनाई छ । विवाह प्रहरीले रोकेपछि दुलहा र जन्ती घर फर्केको प्...

खोटाङबाट प्रसव व्यथाका कारण गम्भिर एक महिलाको हेलीकप्टर मार्फत उद्धार गरिएको छ । सुत्केरी व्यथाका कारण स्वास्थ्य अवस्था गम्भिर भएपछि राष्ट्रपति महिला उत्थान कार्यक्रम अन्तरगत आज हेलिकप्टर मार्फत उद्धार गरिएको सहायक प्रमुख जिल्ला अधिकारी विकल श्रेष्ठले जानकारी दिनुभयो । जिल्लाको दिप्रुङ चुईचुम्मा गाउँपालिका–५ सप्तेश्वर छितापोखरीकी २९ वर्षीया तारा राईको जिल्लामा उपचार सम्भव नभएको भन्दै जिल्ला अस्पताल खोटाङले जिल्ला प्रसाशनलाई पत्र पठाएको थियो । जस अनुसार प्रसव व्यथाका कारण गम्भिर राईको हेलिकोप्टरमार्फत बिराटनगर उद्धार गरिएको उहाँले बताउँनु भयो । बालबालिका तथा ज्येष्ठ नागरिक मन्त्रालयको राष्ट्रपति महिला उत्थान कार्यक्रम अन्तरगत जिल्लाबाट हालसम्म १५ जना गर्भवती तथा सुत्केरी महिलाको उद्धार गरिएको जिल्ला प्रसाशन कार्यलय खोटाङले जनाएको छ ।...

खोटाङमा करेण्ट लागेर एक ट्याक्टर चालकको ज्यान गएको छ । जिल्लाको हलेसी तुवाचुङ नगरपालिकामा सञ्चालित (बृहत पम्पिङ) खानेपानी आयोजनाका ट्याक्टर चालकको करेण्ट लागेर हिजो साँझ ज्यान गएको हो । नगरपालिकाको वडा नम्बर ७ काभ्रेस्थित आयोजनाको क्रसर उद्योगका लागि पानी ल्याएर खसाउने क्रममा करेन्ट लाग्दा चालकको ज्यान गएको बताईएको छ । १९ बर्षीय चालक पुष्प परियारको घर नगरपालिका ६ मंगलटार रहेको वडाध्यक्ष रमेश राउतले जानकारी दिनुभयो । डालामा पानी बोक्ने ट्यांक जोडिएको ट्याक्टरमा पानी बोकेर क्रसरमा पु¥याएपछि पानी खसाल्नका लागि ट्यांकीमा चढेर पाईप जोड्नलाई उभिँदा माथि उनले झुण्डिएको विद्युतको तार छुन पुगेका थिए । हाइटेन्सन लाईन छुदा गम्भीर घाईते भएका चालकलाई उपचारको लागि दुर्छिम स्वास्थ्यचौकी लगिएको थियो । तर स्वास्थ्य चौकी पु¥याउँने बित्तिकै चालक परियारलाई मृत घोषणा गरिएको थियो ।...

हलेसी तुवाचुङ नगरपालिकाकाकाले गरेको प्रधानाध्यपक नियुक्ति बिरुद्ध परेको मुद्धा उच्च अदालत ओखलढुंगाको अस्थाई इजालसले बदर गरिदिएको छ । नगरपालिकाले माध्यमिक बिद्यालयमा माध्यमिक दरबन्दीकै शिक्षक प्रधानाध्यपक हुने गरी ल्याएको शिक्षा ऐन बिरुद्ध परेको मुद्धा अदालतले बदर गरिदिएको नगरपालिकाले जनाएको छ । नगरपालिकाले शिक्षा ऐन जारी गर्दै प्रत्येक माध्यमिक बिद्यालयमा माध्यमिक तहका दरबन्दी शिक्षकलाई प्रधानाध्यपक नियुक्ति गरेको थियो । त्यसको बिरुद्धमा लक्ष्मी माध्यमिक बिद्यालयका ब्यवस्थापन समिति अध्यक्ष चेस कुमार पौडेल, पिपलडाडा माध्यमिक बिद्यालयका ब्यवस्थापन समिति अध्यक्ष अकिल कुमार राई र दुर्छिम माध्यमिक बिद्यालयका अभिभाबक प्रदिप राईले उक्त निर्णय खारेजीको माग गर्दै मुद्धा दर्ता गराउँनु भएको थियो । सो मुद्धामा नगरपालिकाको निर्णयलाई सदर गर्दै उच्च अदालत ओखलढुंगाको अस्थाई इजालसले आज (बिहिबार) फैसला गर...

खोटाङ भदौ २१ गते : खोटाङका ६ वटा स्थानीय तहमा कोरोना भाईरसका सक्रिय संक्रिमतको सङख्या शुन्यमा झरेको छ । दुई नगरपालिका र ८ गाउँपालिका गरी १० वटा स्थानीय तह रहेको जिल्लामा ६ वटा स्थानीय तहमा सक्रिय संक्रिमतको सङख्या शुन्यमा झरेको जिल्ला स्वास्थ्य कार्यलय खोटाङले जनाएको छ । जिल्लाको हलेसी तुवाचुङ नगरपालिका, केपिलासगढी गाउँपालिका, साकेला गाउँपालिका, दिप्रुङ चुईचुम्मा गाउँपालिका, खोटेहाङ गाउँपालिका र बराहपोखरी गाउँपालिकामा हाल कोरोना भाईरसका एक जना पनि सक्रिय संक्रमित नरहेको जिल्ला स्वास्थ्य कार्यलयका प्रमुख पुण्य प्रसाद सिक्देलले जानकारी दिनुभयो । आज (सोमबार) जिल्लाको बिभिन्न ठाउँमा ६६ जनाको कोरोना परिक्षण गर्दा ४ जनामा संक्रमण पुष्टि भएको छ । परिक्षण गरिएका मध्ये ६ दशमलब ०६ प्रतिशतमा पुष्टि भएको हो । यस्तै आज १६ जना संक्रमणमुक्त भएसँगै जिल्लामा अहिले सक्रिय संक्रमितको सङख्या ५५ रहेको उहाँको...

खोटाङ भदौ २१ गते : खोटाङको बराहपोखरी गाउँपालिकाले बिद्यार्थीको भौतिक उपस्थितीमा बिद्यालय सञ्चालन गर्ने भएको छ । आज सोमबार बसेको गाउँ शिक्षा समितिको बैठकले कोरोना भाईरसको कारण लामो समय बन्द रहेको बिद्यालय भदौ २७ गतेबाट सञ्चालन गर्ने निर्णय गरेको गाउँपालिकाले जनाएको छ । अहिले बराहपोखरी गाउँपालिकामा कोरोना भाईरसको सक्रिय संक्रमित सङ्ख्या शुन्य रहेको छ । यस्तै संक्रमणबाट बच्न आवश्यक स्वास्थ्य मापदण्ड पालना गर्दै गाउँपालिकाले बिद्यालयमा पठनपाठन सुरु गर्न लागेको गाउँपालिकाले सूचना मार्फत जानकारी दिएको छ । जिल्लाको खोटेहाङ गाउँपालिकाले पठनपाठन सुरु गरिसकेको छ भने जन्तेढुंगा गाउँपालिकाले पनि भदौ २७ गतेबाट बिद्यालय सञ्चालन गर्ने तयारी गरेको छ ।...

खोटाङमा अबैध हातहतियार सहित दुई ब्यक्ति पक्राउ परेका छन । जिल्लाको हलेसी तुवाचुङ नगरपालिका १० अर्खौलेका ४९ बर्षिय दिलसेर राई र सोहि ठाउँका ५५ बर्षिय खडग सिंह राईलाई १÷१ नाल भरुवा बन्दुक सहित शनिबार पक्राउ गरिएको जिल्ला प्रहरी खोटाङले जनाएको छ । घरमा अबैध हातहतियार लुकाई छिपाई राखेको गोप्य सूचनाको आधारमा जिल्ला प्रहरी कार्यलय खोटाङबाट खटिएको प्रहरी निरिक्षकको टोलीले निजहरुको घर र गोठबाट भरुवा बन्दुक सहित उनिहरुलाई कानुन बमोजिम पक्राउ गरिएको जिल्ला प्रहरी खोटाङले जनाएको छ । पक्राउ परेका दुवै जनालाई जिल्ला प्रहरी कार्यलयको हिरासतमा राखेर थप अनुसन्धान भईरहेको प्रहरीको भनाई छ ।...