ताजा अपडेट

खोटाङ, मङ्सिर ७ । खोटाङको दिक्तेल रुपाकोट मझुवागढी नगरपालिका भित्रका पाठेघरको समस्या भएका २३ जना महिलाहरुको निःशूल्क अप्रेसन भएको छ । नगरपालिकाले काभ्रेस्थित सीरमेमोरीयल अस्पतालमा लगेर निःशूल्क अप्रेसन गराएको हो । मङ्सिर २ गते र ५ गते दुई चरणमा बस रिजर्भ गरेर महिलाहरुलाई नगरपालिकाले अस्पताल पु¥याएको थियो । नगरपालिकाले व्यवस्थापन गरेको बसमार्फत पाठेघरको समस्या भएका ३७ जना महिलाहरु अस्पताल पुगेका थिए । उनिहरु मध्ये २३ जनाको अप्रेसन भएको छ । १७ जनाको अप्रेसन सम्पन्न भएर फर्किसकेका छन् । ६ जनाको धमाधम भइरहेको मेयर तीर्थराज भट्टराईले जानकारी दिनुभयो । अस्पताल पुगेका अन्य १४ जना महिलाहरुको थेरापिमार्फत उपचार गरिएको छ । केही महिलाहरुको अप्रेसन गर्नु पर्ने देखिएपनि अन्य फोक्सो, मुटु, प्रेसर लगायतको रोगका कारण हुन नसकेको अस्पतालले जनाएको छ । सामुदायिक सेवा प्रतिष्ठान नेपालसँगको समन्वयमा नगरपालिका...

खोटाङ, मङ्सिर ६ । खोटाङको धार्मिक तथा पर्यटकीय स्थल बराहपोखरीमा बुधबार सांस्कृतिक महोत्सवको आयोजना गरिएको छ । हरिबोधनी एकादशीमा भब्य मेला लाग्दै आएको बराहपोखरीमा एकादशीको अघिल्लो दिन महोत्सवको आयोजना गरिएको हो । बुधबार हुने सांस्कृतिक महोत्सव र बिहिबार एकादशीको दिन लाग्ने मेलालाई मध्यनजर गरेर बराहपोखरी गाउँपालिकाले २ दिनको सार्वजनिक बिदासमेत दिएको छ । कात्तिक २० गते बसेको कार्यापालिका बैठकको निर्णय अनुसार मङ्सिर ६ र ७ गते सार्वजनिक बिदा दिइएको गाउँपालिकाले जनाएको छ । रातो माछाले प्रसिद्ध बराहपोखरीको दर्शन गरे र पोखरीको पानीले नुहाए शरिरका रोगब्याधी निको हुने र चिताएको कुरा पुरा हुने जनविश्वास छ । पोखरीमा हरिबोधनी एकादशीको दिन भब्य मेला लाग्दै आएको छ । यस वर्ष पोखरीको प्रचारका लागि एकादशीको अघिल्लो दिन सांस्कृतिक महोत्सव आयोजना गरिएको गाउँपालिका अध्यक्ष शालिकराम बन्जराले बताउनुभयो । महोत...

खोटाङ, मङ्सिर ४ । रुखबाट लडेर थला परेका खोटाङको दिक्तेल रुपाकोट मझुवागढी नगरपालिका–५ लफ्याङका ५६ वर्षीय जयकृष्ण राईलाई नगरपालिकाले उपचारका लागि अस्पताल लगेको छ । घाँस झार्ने क्रममा रुखबाट लडेर बायाँ खुट्टाको गेडी भाँचिएका राईलाई उपचारका लागि नगरपालिकाले एम्बूलेन्समा हालेर ट्रमा सेन्टर काठमाडौं लगेको हो । गत कात्तिक ७ गते डाले घाँस झार्ने क्रममा रुखबाट लडेर खुट्टाको गेडी टुक्रिएका कारण संक्रमण भएर तिघ्राको मासु कुहिएर गन्हाउन थालेपछि राईलाई कात्तिक १३ गते जिल्ला अस्पतालमा लगिएको थियो । तर जिल्ला अस्पतालले तत्काल अन्यत्र लैजान भनेपछि उनलाई सोही दिन दिक्तेलको फेमिली केयर अस्पतालमा पु¥याइएको थियो । फेमिली केयरमा एक्स–रे गरेपछि राईको गेडी भाँचिएको पूष्टि भएको थियो । फेमिली केयरका सञ्चालक डा. कृष्णकुमार राई (केके)का अनुसार घाइतेको हिपज्वइन्टमा फ्याक्चर्ड नेक अफ फेमर भएको छ । उपचार गर्नेक्रममा ग...

खोटाङ, मंसिर ४ । खोटाङको केपिलासगढी गाउँपालिका–४ बाक्सिला बजारमा आगलागीबाट एक घर जलेर नष्ट भएको छ । घरमा पालिएको ब्रोइलर कुखुराको चल्लालाई तातो दिन बालिएको कोईला र विजुलीको रातो चिमबाट आगो सल्किएर आइतबार राती किशोर दुमी राईको घर जलेर नष्ट भएको जिल्ला प्रहरी कार्यालय खोटाङले जनाएको छ । आइतबार राती करीब ११ः४५ बाट सुरु भएको आगो इलाका प्रहरी कार्यालय बाक्सिलाका प्रहरी र स्थानीयले राती २ बजे नियन्त्रणमा लिएका थिए । चल्लालाई तातो दिन राखिएको कोईला र विजुलीको रातो चिमबाट आगो सल्किएर ३ तले घर जलेर नष्टहुँदा करीब रु १५ लाख बराबरको क्षति भएको जिल्ला प्रहरी कार्यालय खोटाङ सूचना अधिकारी प्रहरी निरीक्षक बेनु कार्कीले बताउनुभयो । आगलागीबाट ३ तले घरसँगै घर भित्र राखिएको २ तोेला सुन, ४ तोला चाँदि, ब्रोइलर कुखुराको चल्ला, अन्नपात, भाँडावर्तन, लत्ताकपडा लगायत जलेर पूर्णरुपमा नष्ट भएको छ । घरमा आगलागी भएपछ...

खोटाङ, मंसिर २ । खोटाङको जिल्ला सदरमुकामसमेत रहेको प्रमुख व्यापारिक केन्द्र दिक्तेलमा लाग्दै आएको हाटको समय परिवर्तन गरिएको छ । दिक्तेल रुपाकोट मझुवागढी नगरपालिका–१ दिक्तेलस्थित हाटडाँडामा हरेक बुधबार र शनिबार लाग्दै आएको हाटको समय परिवर्तन गरिएको हो । हाटडाँडामा बिहान ३ बजे सुरु भएर करीब ७ बजे बजार उठ्ने गरेको छ । अब बिहान ७ बजेबाट बजार लाग्न सुरु हुने गरी समय परिवर्तन गरिएको बताइएको छ । बिहान ३ बजे बजार सुरुहुँदा टाढाका किसानहरु कृषि उपज लिएर अघिल्लै दिन एवं राती नै हिड्नु पर्ने बाध्यता छ । कृषि उपज खरिद बिक्री गर्न भइरहेको कठिनतालाई मध्यनजर गरेर बजार लाग्ने समय परिवर्तन गरिएको नगर प्रमुख तीर्थराज भट्टराईले बताउनुभयो । नगरपालिका, जिल्ला प्रशासन, उद्योग वाणिज्य संघ लगायतको समझदारीमा बजार लाग्ने समय परिवर्तन भएसँगै आगामी बुधबारबाट बिहान ७ बजेदेखि बजार सुरु हुने छ । बजार लाग्ने समय परिवर्...

खोटाङ, मंसिर १ । खोटाङको दिक्तेल रुपाकोट मझुवागढी नगरपालिकाले पाठेघर खस्ने समस्या भएका महिलाहरुको निःशूल्क अप्रेसनका लागि शनिबार काभ्रे लाने भएको छ । काभ्रेस्थित श्रीमेमोरीयल अस्पताल बनेपामा लगेर पाठेघर खस्ने समस्या भएका महिलाहरुको निःशूल्क अप्रेसन तथा स्वास्थ्य परिक्षण गरिने नगरपालिकाले जनाएको छ । मंसिर २ गते शनिबार पहिलो पटकमा १७ जना बिरामी र उनिहरुको कुरुवा गरी ३४ जनाको टोली नगरपालिकाले रिजर्भ गरेको बसमा काभ्रे प्रस्थान गर्ने छन् । उपचारको लागि बिरामी लिएर नगरपालिकाका मेयर तीर्थराज भट्टराई, उपमेयर विसन राईसहितको टोली काभ्रे जाने नगरपालिकाका जनस्वास्थ्य निरिक्षक खेमराज आचार्यले बताउनुभयो । बिरामीको एक जना कुरुवासहित बिरामी अस्पतालसम्म जान आउन, खान बस्नसँगै उपचारमा कुनै शूल्क लाग्ने छैन् । यो वर्ष पाठेघरको समस्या भएका करीब ६० जना बिरामीको निःशूल्क अप्रेसन गर्ने तयारी नगरपालिकाको छ । तर ...

खोटाङ, कात्तिक २६ । दिप्रुङ चुइचुम्मा गाउँपालिका–७ टेम्मामा आयोजित साबिकको खुल्ला वडा स्तरीय भलिबल प्रतियोगिताको उपाधि पुरुषतर्फ हलेसी तुवाचुङ नगरपालिका–११ राजापानी र महिलातर्फ दिप्रुङ चुइचुम्मा गाउँपालिका–७ टेम्मा गोपिले जितेको छ । टेम्मास्थित धिप्लुङ झर्ना न्यु स्टार युवा संस्थाले आयोजना गरेको भलिबल प्रतियोगिताको पुरुषतर्फको उपाधिसँगै राजापानीले नगद रु ३० हजारको साथमा मेडल र प्रमाणपत्र प्राप्त गरेको छ । पुरुषतर्फ दोस्रो र तेस्रो हुने दिप्रुङ चुइचुम्मा गाउँपालिका–२ डाँडागाउँको खुमुम्बु र सोही गाउँपालिकाको वडा नम्बर ७ टेम्मास्थित गोपिलेले क्रमस नगद रु २० हजार र रु १० हजारको साथमा मेडल र प्रमाणपत्र प्राप्त गरेको आयोजक संस्थाका अध्यक्ष विविचन राईले बताए । महिलातर्फ प्रथम भएको दिप्रुङ चुइचुम्मा गाउँपालिका–७ टेम्मा गोपिले नगद रु ७ हजार ७७७ को साथमा मेडल र प्रमाणपत्र प्राप्त गरेको छ । दोस्रो र...

खोटाङ, कात्तिक २५ । खोटाङको केपिलासगढी गाउँपालिका–३ बास्पानीमा आयोजित अन्तर वडा स्तरीय पुरुष फुटबल प्रतियोगिताको उपाधि नेर्पा फुटबल क्लबले जितेको छ । खकलुङ युनाइटेड क्लबले आयोजना गरेको प्रतियोगिताको उपाधिसँगै नेर्पाले नगद रु ३० हजारसहित ट्रफी र मेडल प्राप्त गरेको छ । खकलुङ युनाइटेड क्लबको खोक्मा खेल मैदानमा बिहिबारबाट सुरु भएको प्रतियोगितामा १६ टिमको सहभागिता रहेको थियो । शनिबार भएको फाइनल खेलमा सुङ्देल फुटबल क्लबलाई ६–१ गोल अन्रतले हगाउदै नेर्पाले उपाधि जितेको हो । दोस्रो भएको सुङ्देलले नगद रु २० हजारसहित ट्रफी र मेडल प्राप्त गरेको खेल संयोजक किरण राईले जानकारी दिए । प्रतियोगिताको सेमिफाईनलिस्ट हुने राईजिङ स्पोर्टस् क्लब बाम्राङ र सप्तेस्वर स्पोर्टस् क्लबलाई नगद रु ६÷६ हजार प्रदान गरिएको छ । उक्त वडा स्तरीय फुटबल प्रतियोगिताको उद्घाटन कोशी प्रदेशका पूर्व सामाजिक विकास मन्त्री राजन राईले...

खोटाङ, कात्तिक २४ । खोटाङमा राती १० बजेसम्म मात्र देउसी, भैलो खेल्न पाइने भएको छ । तिहारको अवसरमा सञ्चालन हुने देउसी, भैलो, नाचगान जस्ता सांस्कृतिक क्रियाकलाप राती १० बजेसम्म मात्र गर्न पाइने भएको हो । परम्परालाई मर्यादित एवं अनुशासित बनाउन भन्दै राती १० बजे पश्चात देउसी, भैलो नखेल्न एवं नाचगान नगर्न जिल्ला प्रशासन कार्यालय खोटाङले सूचना जारी गर्दै जानकारी गराएको छ । यस्तै, आतिसवाजी, पटका जस्ता विस्फोटक पदार्थ ओसार–पसार तथा बिक्री वितरण नगर्न पनि प्रशासनले भनेको छ । प्रशासनले जारी गरेको सूचना अवज्ञा गरेको पाइएमा प्रचलित कानून अनुसार कारबाही गरिने प्रमुख जिल्ला अधिकारी सन्त बहादुर सुनारले बताउनुभयो । यस्तै, चाडपर्वमा अखाद्य तथा गुणस्तरहिन वस्तु बिक्री नगर्न, जुवातास, सट्टेवाजी, चिट्ठा जस्ता क्रियाकलाप नगर्न, मादक पदार्थ सेवन गरी होहल्ला नगर्न पनि सूचनामा भनिएको छ । यदि कसैले यस्तो गरेको प...

खोटाङ, कात्तिक २२ । खोटाङको धार्मिक तथा पर्यटकीयस्थल हलेसीमा सुविधायुक्त अतिथि गृह (धर्मशाला) निर्माण गरिएको छ । किरात, हिन्दु र बौद्ध धर्मावलम्बीको आस्थाको केन्द्र हलेसीमा तीर्थालुका लागि करीब ५ करोडको लगानिमा सुविधायुक्त अतिथि गृह निर्माण गरिएको हो । त्रि–धार्मिक स्थल हलेसीमा आउने तीर्थालुको सहजताका लागि हलेसी तुवाचुङ नगरपालिका र नेपाल आयल निगमले संयुक्त लगानिमा भवन निर्माण गरेका हुन् । आर्थिक वर्ष २०७६/०७७ बाट भवन निर्माण गर्न सुरु गरिएको थियो । सुरुमा सबै लगानि आयल निगमको हुने भनिएको थियो । तर आयल निगमबाट रु २ करोडमात्र भुक्तानी भएपछि नगरपालिकाले आर्थिक वर्ष ०७९/०८० मा रु २ करोड ९६ लाख बजेट विनियोजन गरेर भवन निर्माण सम्पन्न गरेको नगरपालिकाका मेयर विमला राईले बताउनुभयो । कुल लागत रु ४ करोड ९६ लाख (भ्याटसहित) अनिल लक्ष्मि जेभी निर्माण कम्पनीले अतिथि गृह निर्माण गरेर जिम्मा लगाइसकेको छ ।...