ताजा अपडेट

राजकुमार सरगम (भट्टराई) खोटाङ, साउन २५ । खोटाङको एक विद्यालयमा विद्यालय प्रशासन र व्यवस्थापन समितिको लापारबाहीको कारण विद्यार्थी जीर्ण भवनमामा बसेर अध्ययन गर्न बाध्य भएका छन् । जिल्लाको केपिलासगढी गाउँपालिका–१ फेदिस्थित पत्करु आधारभूत विद्यालयमा नयाँ भवन बने पनि पुरानै भवनमा विद्यार्थीलाई राखिएको पाइएको छ । कक्षा ८ सम्म पठनपाठन भइरहेको उक्त विद्यालयको २–५ कक्षा सम्मका विद्यार्थीहरु जीर्ण भवनमा बसेर अध्ययन गरिरहेका छन् । कक्षा ५ पठनपाठन हुने कोठाको झ्याल मक्किएर भत्किएको छ । झ्याल भत्किएर जीर्ण अवस्थामा रहेको कोठाभित्र विद्यार्थी अध्ययन गरिरहेको दृश्य केही दिन यता सामाजिक सञ्जालमा चर्चित भएको छ । उक्त तस्विर सोही विद्यालयमा कार्यरत शिक्षक प्रकाशमान तामाङले लगाएका हुन् । तस्विर हेर्दा जुनसुकै समयमा भवन पुरै भत्किन सक्ने देखिन्छ । निर्माण भएको करीब १५ वर्ष भएको उक्त भवनको झ्याल गत असारमा मक...

खोटाङ, साउन २४ । खोटाङको हलेसी तुवाचुङ नगरपालिका–७ महादेवस्थानमा रहेको विश्वकै प्रसिद्ध त्रि–धार्मिकस्थल हलेसीमा एक वर्षमा १ करोड बढी भेटी संकलन भएको छ । गत आर्थिक वर्ष २०७९/०८० मा हलेसी मन्दिर दर्शन तथा अवलोकनका लागि आएका दर्शनार्थी तथा पर्यटकबाट १ करोड २६ लाख ४४ हजार ८ सय ९७ भेटी संकलन भएको हलेसी विकास समितिले जनाएको छ । संकलन भएको भेटीमध्ये ६३ लाख १२ हजार ९ सय ९२ रुपैयाँ खर्च भएको बताइएको छ । मन्दिर व्यवस्थापन, कर्मचारी तथा पुँजारीलाई तलव लगायतमा उक्त रकम खर्च भएको विकास समितिका कार्यकारी निर्देशक समर भुजेलले बताउनुभयो । बाकी रहेको ६३ लाख ३१ हजार ९ सय ४ रुपैयाँ पैसा समितिको बैंक खातामा जम्मा भएको उहाँको भनाइ छ । यस्तै, एक वर्षमा मन्दिरमा करीब डेढ तोला सुन, १२५ तोला चाँदी दर्शनार्थीले चडाएका छन् । ३ लाख २६ हजार ९९ भारु, २१३ अमेरिकन डलर, १९८ मलेसियन पैसा, १४० हंकङ डलर, ६ कतारी रियाल, १ स...

साउन २४ । मिश्रा गुरुङको गजल गीत “फूलको धार” सार्वजनिक भएको छ । गुरुङको शब्द रहेको गजल गीतमा गायीका सरिता राईको आवाज, दुर्गा पराजुलीको संगीत र किरण कडेलको एरेन्ज रहेको छ । गजल गीतको भिडियोसमेत तयार गरिएको छ । भिडियोमा यसराज गराच, रचना शिवाकोटी र विमला खाजुम लिम्बुको अभिनय रहेको छ । गीतको भिडियो वरिष्ठ नुत्य निर्देशक कमल राईले तयार पारेका हुन् । यस्तै भिडियोको नुत्यमा सुमित गुरुङ, छायांकनमा शिव ढकाल र सम्पादन, कलरिङ्गमा मनोज कार्की रहेका छन् । भिडियो क्यास म्युजिक च्यानलमार्फत सार्वजनिक गरिएको हो । https://youtu.be/0zR_u0kDnFA...

खोटाङ, साउन २३ । खोटाङको रावा बेसी गाउँपालिकाको नामकरण गरिएको ७ वर्ष पुरा भएको छ । नामकरण गरिएको दिन साउन २२ गते पालिकाकले पहिलो पटक वार्षिक उत्सव मनाएको छ । राज्य पुनःसंरचनाको क्रममा २०७३ साल साउन २२ गते तत्कालिन ६ वटा गाउँ विकास समितिलाई मिलाएर रावा बेसी गाउँपालिका नाम र केन्द्र हरमटार राख्न पहल सुरु गरिएको थियो । हाल भएको रावा बेसी गाउँपालिकालाई छुट्टै पालिका घोषणा नगरिएपछि साउन २२ देखि करीब ६ महिना आन्दोलन गरिएको हालका पालिका अध्यक्ष फटिक कुमार श्रेष्ठको भनाइ छ । रावा बेसी गाउँपालिकाका हालका वडाहरु ३ लामिडाँडालाई हलेसी तुवाचुङ नगरपालिकामा, ४ डुम्रेधारापानी र ५ दुवेकोललाई ऐसेलुखर्क गाउँपालिकामा, ६ हौँचुरलाई दिक्तेल नगरपालिकामा, १ कुभिण्डे र २ खार्पा लगायतको गाविस जोडेर महुरेगढी गाउँपालिकामा बनाउने गरी तयारी गरिएको थियो । तसर्थ २०७३ साउन २२ गते कुभिण्डे, खार्पा, लामिडाँडा, डुम्रेधारापा...

खोटाङ, साउन २२ । नेकपा एमालेको भातृ संगठन राष्ट्रिय युवा संघ खोटाङले आगामी चुनाव लक्षित अभियान चलाउने भएको छ । जिल्ला अधिवेशन पश्चात सोमबार दिक्तेलमा बसेको पहिलो बैठकले मिशन नेक्ष्ट इलेक्शन टार्गेट न्यु जेनेरेशन अभियान चलाउने भएको हो । केन्द्रीय उपाध्यक्ष एवं कोशी प्रदेश उत्प्रेरक कृष्णहरि केसीको प्रमुख आतिथ्यतामा संघको पहिलो जिल्ला बैठक बसेको छ । संघको केन्द्रीय योजना अनुसार खोटाङमा पनि मिशन नेक्स्ट इलेक्शन टार्गेट न्यु जेनेरेशन अभियान सफल बनाउने निर्णय भएको जिल्ला अध्यक्ष रोशन राईले बताउनुभयो । संगठनलाई पुनर्ताजगी गर्ने यो अभियान नयाँ रक्तसञ्चार बन्ने युवा संघको विश्वास छ । सबै युवाहरुमा पुगेर युवाको समस्याको टिपोर्ट गरी चुनौतीको समाधानको खोजी गर्ने गरी अभियान चलाउने केन्द्रीय उपाध्क्ष केसिले बताउनुभयो । यो अभियान अन्तरगत खेलकुद र मनोरञ्जनसँग जोडिएर सदस्यता विस्तार गर्ने, अभिलेख गर्ने ...

खोटाङ, साउन १९ । खोटाङको दिक्तेल रुपाकोट मझुवागढी नगरपालिकामा डेंगु रोकथाम तथा नियन्त्रणका लागि ‘लामखुट्टेको लार्भा खोजी गरी नष्ट गर्ने अभियान’ सुरु गरिएको छ । जिल्लामा डेंगुका बिरामी बढ्न थालेपछि रोकथामका लागि लार्भा खोजेर नष्ट गर्ने अभियान चलाइएको हो । दिक्तेल रुपाकोट मझुवागढी नगरपालिका, स्वास्थ्य कार्यालय, नेपाल रेडक्रस सोसाइटी, जिल्ला प्रहरी कार्यालय र शसस्त्र प्रहरी बलको संयुक्त आयोजनामा शुक्रबार लार्भा नष्ट गर्ने जनचेतनामुलक अभियान सञ्चालन गरिएको हो । शुक्रबार जिल्ला सदरमुकाम दिक्तेल बजारमा लामखुट्टेले अण्डा पार्न सक्ने सम्भावित स्थानहरुको खोजी गरी लामखुट्टेको लार्भा नष्ट गर्न घरदैलो अभियान चलाइएको छ । पानी जम्ने ठाउँमा लामखुट्टेले लार्भा बनाउने भएकाले पानी जम्न नदिन र निरन्तर सरसफाइको लागि स्वास्थ्यकर्मीहरुको उपस्थितिमा जनचेतना दिइएको छ । हाल जिल्लमा ५ जनामा डेंगु संक्रमण पुष्टि भ...

खोटाङ, साउन १७ । खोटाङको ऐसेलुखर्क गाउँपालिका–२ बाकाचोलस्थित बौद्ध आधारभूत विद्यालयमा नियम विपरीत शिक्षक नियुक्ति गरेको पाइएको छ । विस्थापित शिक्षकलाई स्थापित गराउने भन्दै विद्यालयले नियम मिचेर शिक्षक नियुक्ति गरिएको पाइएको हो । विद्यालयले गत चैत २३ गते प्राथमिक तहको राहत कोटामा शिक्षक आवश्यकता भनेर सूचना निकाल्यो । जसमा शिक्षक सेवा आयोगको करार सूचिमा रहेका ३ जनाको निवेदन पर्यो । करार सूचिमा रहेका ब्यक्तिको निवेदन परेपछि परिक्षा नगराई स्वत उनै ब्यक्तिलाई नियुक्ति दिने नियम छ । सोही अनुसार नम्बरका आधारमा मिन प्रसाद दाहाले उक्त विद्यालयबाट वैशाख १४ गते नियुक्ति पाएको देखिन्छ । शिक्षक सेवा आयोगको परिक्षामा बैकल्पिकमा नाम रहेका दाहालको स्थायी नियुक्ति हुने भएपछि बौद्ध आविमा पुनः सोही शिक्षक कोटा खाली भयो । त्यसपछि विद्यालयले गलत तरिका अपनाएको देखिन्छ । शिक्षक दाहालले जेठ ७ गते नै राजिनामा दि...

खोटाङ, साउन १५ । खोटाङको दिप्रुङ चुइचुम्मा गाउँपालिकाले करारका कर्मचारीहरुको म्याद नथप्ने निर्णय गरेको छ । सोमबार बसेको गाउँकार्यपालिकाको बैठकले करारका कर्मचारीहरुलाई उचित सेवा सुविधा दिएर सम्झौता म्याद नथप्ने निर्णय गरेको हो । ५० वर्ष उमेर कटेका करारका कर्मचारीलाई ५ लाख उपदान दिएर विदा गर्ने कार्यपालिकाले निर्णय गरेको छ । अन्य कर्मचारीलाई डेढ महिनाको तलब बराबरको रकम दिने निर्णय भएको गाउँपालिकाका अध्यक्ष लोकेन्द्र राईले जानकारी दिनुभयो । पालिकामा कार्यरत कर्मचारीहरुको असार मसान्तमा सम्झौता म्याद सकिएको छ । गाउँ प्रहरी र हलुका सवारी चालकका कर्मचारीको भने म्याद थपिएको छ । पालिका भरिका अन्य ५७ जना कर्मचारीको म्याद कार्यपालिकाको बैठकले नथप्ने निर्णय गरेको अध्यक्ष राईले बताउनुभयो । ‘कार्यपालिकाको बैठकमा लामो समय देखि करारका कर्मचारीहरुको म्याद थप्ने, नथप्ने भनेर कुरा उठिरहेको थियो । तसर्थ सोम...

खोटाङ, साउन १३ । खोटाङको दिप्रुङ चुइचुम्मा गाउँपालिकामा जीप दुर्घटनाहुँदा ५ जना गम्भीर घाईते भएका छन्  । इटहरीबाट साकेला गाउँपालिकाको मानेभञ्ज्याङतर्फ जाँदै गरेको जीप दिप्रुङ चुइचुम्मा गाउँपालिका-५ सछितापोखरीको खुदुर्केमा दुर्घटना भएको हो । ज ३३८७ नम्बरको जीपमा २ वर्षको बच्चासहित १३ जना सवार रहेका थिए । अन्य सामान्य घाईते भए पनि पाँच जनाको अवस्था गम्भीर देखिएको दिप्रुङ चुईचुम्मा गाउँपालिका अध्यक्ष लोकेन्द्र राईले बताए । बेहोस् अवस्थामा रहेका पाँच घाईतेको पहिचान हुन बाँकी छ । गाउँपालिका प्रहरी, नेपाल प्रहरी र स्थानीयले दुर्घटनाका घाईतेको उद्धार गरिरहेका छन् । घाइतेको गाउँपालिकाको ‘हेल्लो डाक्टर’ सेवामार्फत प्राथमिक उपचार भइरहेको छ । घाईतेको अवस्था हेरेर जिल्ला अस्पताल वा अन्यत्र रेफर गर्ने तयारी भइरहेको गाउँपालिका अध्यक्ष राईले बताए । पञ्चमी -याङसोलाटार सडक खण्डमा ढुंगा खसेको र फुटाउन...

खोटाङ, साउन १३ । खोटाङको धार्मिक तथा पर्यटकीय स्थल मझुवागढी क्षेत्रमा जनश्रमदानमार्फत फूलका बिरुवाहरु रोपिएको छ । दिक्तेल रुपाकोट मझुवागढी नगरपालिकापर्ने मझुवागढी क्षेत्रमा शनिबार बिहान वृहत जनश्रमदानमार्फत करिब १५ हजार फूलका बिरुवा रोपिएको हो । मझुवागढी क्षेत्रलाई फूलको पहाड बनाउने नगरपालिकाको अभियान अन्तरगत अघिल्लो वर्ष पनि केही बिरुवाहरु रोपिएका थिए । यस वर्ष भने फूलको पहाड बनाउने योजनालाई वृहतरुपमा अघि बढाइएको छ । करिब २ सय ५० जनाको उपस्थितिमा दिक्तेल बजारको हाडडाँडा देखि कालिका भगवती मन्दिर परिसरसम्म फूलका बिरुवा रोपिएको छ । मझुवागढीको माथिल्लो क्षेत्रसम्म पुग्नको लागि हाडडाँडाबाट निर्माण गरिएको सिढीको वरिपरिहुँदै मन्दिर एवं गुफाको परिसरमा करिब १५ प्रजातिका फूलका बिरुवाहरु रोपिएका छन् । श्रमदानमा जिल्ला समन्वय समिति र नगरपालिकाका जनप्रतिनिधि, नगरपालिकासँगै विभिन्न कार्यालयका कर्मचार...