ताजा अपडेट

खोटाङ, पुस २५ । खोटाङको हलेसी तुवाचुङ नगरपालिकाले वडामै पुगेर योजना सम्झौता देखि सामाजिक सुरक्षा भत्ता वितरणसम्मको सेवा प्रदान गरेको छ । नागरिकको सहजताका लागि नगरपालिकाले सोमबार वडा नम्बर ११ राजापानीको वडा कार्यालयमा पुगेर सेवा प्रदान गरेको हो । नगरपालिकाका कर्मचारी, जनप्रतिनिधिहरुको उपस्थितीमा वडागत योजना सम्झौता, ज्येष्ठ नागरिकको स्वास्थ्य परीक्षण, बालिका विकास बचत भौचर हस्तान्त्रण र ज्येष्ठ नागरिक तथा अपाङगता परिचयपत्र वितरण गरिएको छ । वंैकसँगको सहकार्यमा सामाजिक सुरक्षाभत्ता पनि वडामै वितरण गरिएको छ । सामाजिक सुरक्षा भत्ता अन्तरगत बृद्ध भत्ता लिन बृद्धबृद्धाहरु लट्ठीको सहारामा वडा कार्यालयसम्म आएका थिए । सामाजिक सुरक्षा भत्ता बैंकिङ प्रणालीबाट वितरण सुरु भएपछि भत्ता बुक्र्न बैंकसम्म पुग्नु पर्ने बाध्यता छ । राजापानीदेखि हलेसीसम्म पुगेर फर्किदा भत्ताको आधा रकम सकिएको सुनाउदै हाल...

खोटाङ, पुस २४ । छत्र पुरीको अध्यक्षतामा नेपाल दशनामी खोटाङको नयाँ कार्यसमिति चयन भएको छ । नेपाल दशनामी जिल्ला कार्यसमितिको तेस्रो जिल्ला अधिवेशनले आइतबार पुरीको अध्यक्षतामा सर्वसम्मत ९ जनाको नयाँ कार्यसमिति चयन गरेको हो । समितिको उपाध्यक्षमा प्रमोद कुमार गिरी, सचिवमा भक्त बहादुर गिरी, कोषाध्यक्षमा रत्न बहादुर पुरी चयन हुनुभएको हो । सदस्यहरुमा नम्रता गिरी, सविता गिरी, समसेर गिरी, कमल पुरी र ज्ञान बहादुर पुरी चयन हुनुभएको छ । हलेसीमा सम्पन्न तेस्रो अधिवेशनमा केन्द्रबाट केन्द्रीय अध्यक्ष रुद्र गिरि, महासचिव तुलसिराज गिरि लगायतको उपस्थिती रहेको थियो । सोही कार्यक्रममा खोटाङ जिल्लामा दशनामीबाट निर्वाचित जनप्रतिनिधि हलेसी तुवाचुङ नगरपालिका–७ का वडाध्यक्ष कमल गिरी, १० अर्खौलेका वडाध्यक्ष अर्जुन कुमार पुरीलाई सम्मान गरिएको छ । यस्तै विभिन्न वडामा निर्वाचित वडा सदस्यहरु रत्न बहादुर पुरी, नन्दी के...

खोटाङ, पुस २४ । खोटाङका सामुदायिक विद्यालयमा सञ्चालन भएका अधिकांश योजनाहरुमा बेरुजु देखिएको छ । आर्थीक वर्ष २०६९/०७० देखि २०७८/०७९ सम्ममा ४६७ योजनाहरुमा बेरुजु देखिएको छ । तत्कालीन जिल्ला शिक्षा कार्यालय र हाल शिक्षा विकास तथा समन्वय ईकाइ खोटाङबाट विद्यालयहरुले प्राप्त गरेका अधिकांश योजनाहरु बेरुजु देखिएका छन् । योजना सम्पन्न भए या नभएको कुनै उल्लेख नगरिएको, हालसम्म बिल भरपाई पेश नभएकाले ४६७ योजनाहरु महालेखाले बेरुजु देखाएको छ । उक्त योजनाहरुको रकम सम्परीक्षण गर्न गराउनको लागि शिक्षा तथा मानव स्रोत विकास केन्द्रबाट पटक पटक ताकेता गरिएको पाइएको छ । तर बेरुजु योजना फछ्र्यौटका लागि विद्यालयले चासो नदेखाएको शिक्षा विकास तथा समन्वय ईकाइ खोटाङमा कार्यारत इन्जिनियर बुधन यादवले बताउनुभयो । बेरुजु रहेका उक्त ४६७ योजनाहरु यहि पुस २७ गते भित्र फछ्र्यौट गर्न कार्यालले विद्यालयलाई पत्रसमेत काटेको छ...

प्रेम श्रेष्ठ खोटाङ, पुस २३ । खोटाङको रावा बेसी गाउँपालिकाका कृषकलाई मौरी पालन तालिम प्रदान गरिएको छ । इको हिमाल नेपाल र गाउँपालिकाको संयुक्त आयोजनामा कृषकलाई सेरेना जातका मौरी पालनको तालिम प्रदान गरिएको हो । गाउँपालिका–५ दुवेकोलस्थित समान्तादेवी कृषि वन स्रोत केन्द्रको भवनमा प्रदान गरिएको ७ दिने तालिमको शनिबार समापन गरिएको छ । तालिममा हाल मौरी पालिरहेका एवं पाल्न इच्छुक ३५ जना कृषकको सहभागिता रहेको इको हिमाल नेपालका कृषि अधिकृत सुमन पराजुलीले जानकारी दिनुभयो । तालिमको सहजिकरण गोदावरी मौरी विकास केन्द्रमा लामो समय प्राविधिकको रुपमा कार्यरत अनुभवी पूर्व बाली संरक्षण अधिकृत सीताराम ढकालले गर्नुभएको थियो । आधुनिक तरिकाले मौरी पालन कसरी गर्न सकिन्छ भनेर तालिमबाट ज्ञान प्राप्त भएको सहभागि कृषकले बताएका छन् । आगामि दिनमा व्यवसायिकरुपमा मौरी पालन गर्न हौसला मिलेको उनिहरुको भनाइ छ । गाउँपालिका...

खोटाङ, पुस २३ । खोटाङको खोटेहाङ गाउँपालिकाले आयोजना गरेको युवा प्रतिभा पहिचान तथा प्रोत्साहन प्रतियोगिताको प्रथम र दोस्रो हुँदै रुपेश फुयल र कविता वन प्रदेशका लागि छनोट भएका छन् । शुक्रबार गाउँपालिकाको कार्यालयमा भएको जिल्ला स्तरीय युवा प्रतिभा पहिचान तथा प्रोत्साहन प्रतियोगितामा सोही गाउँपालिकाका फुयल प्रथम भएका छन् । उनले नगद रु १० हजारसहित प्रमाणपत्र प्राप्त गरेका छन् । यस्तै प्रतियोगिताको दोस्रो हुने ऐँसेलुखर्क गाउँपालिकाकी कविता बनलाई नगद रु ७ हजारका साथमा प्रमाणपत्र प्रदान गरिएको गाउँपालिकाले जनाएको छ । प्रथम र दोस्रो हुँदै प्रदेशमा हुने प्रतियोगिताका लागि रुपेश र कविता छनोट भएका हुन् । यस्तै प्रतियोगिताको तेस्रो खोटेहाङ गाउँपालिकाका रोहित राई भएका छन् । उनले नगद रु ४ हजारका साथमा प्रमाणपत्र प्राप्त गरेका छन् । कार्यक्रममा सहभागिहरुले आफ्ना उपाय (आइडिया) प्रस्तुत गरेका थिए । युवाहर...

खोटाङ, पुस २३ । अनुप स्मृति आमन्त्रित गोल्डकपको तेश्रो संस्करणको उपाधि नेर्पा स्पोर्टस क्लब नेर्पाले जितेको छ । शनिबार दिक्तेलस्थित माटिकोरे खेलमैदानमा भएको फाइनल खेलमा आयोजकसमेत रहेको दिक्तेल फुटबल क्लब (डिएफसी) लाई २–० ले पराजित गर्दै लगातार दोस्रो पटक नेर्पाले उपाधि जितेको हो । यस अघि दोस्रो संस्करणको उपाधि पनि नेर्पाले जितेको थियो । खेलको सुरु देखि नै बल आफ्नो पक्षमा राखेको नेर्पाले गोल भने अन्तिम समयमा गर्न सफल भयो । दुवै गोल अन्तिम समयमा भएको थियो । विजेता नेर्पाले २ लाख ५१ हजार नगदको साथमा कप, मेडल र प्रमाणपत्र प्राप्त गरेको छ । उपविजेता (डिएफसी)ले १ लाख ११ हजारसहित कप, मेडल र प्रमाणपत्र प्राप्त गरेको छ । विजेता र उपविजेता टिमलाई अखिल नेपाल फुटबल संघ (एन्फा) का केन्द्रिय महासचिव किरण राईले पुरस्कार हस्तान्त्रण गर्नुभएको थियो । सेमिफाइनलिष्ट चियाबारी फुटबल क्लब इलाम र मानेभन्ज्याङ ...

खोटाङ, पुस २२ । खोटाङको हलेसी तुवाचुङ नगरपालिकाले महिलाहरुको पाठेघर जोगाउन स्वास्थ्यकर्मीलाई प्रत्येक घरमा पठाउने भएको छ । पाठेघर (आङ) खस्ने महिलाहरुको मुख्य समस्याको रुपमा रहेकाले त्यसको उपचारका लागि प्रत्येक घरमा स्वाथ्यकर्मी खटाउन लागिएको नगरपालिकाले जनाएको छ । महिलाको पाठेघरको उपचारकालागि नगरपालिकाले तीन चरणको कार्यक्रम तयार गरेको छ । पहिलो चरणको कार्यक्रम अन्तरगत शुक्रबार ११ वटै वडाका स्वास्थ्यकर्मीलाई तालिम प्रदान गरिएको छ । पाठेघरको रोग पहिचान र त्यसको उपचार सम्बन्धि सुनौलो परिवार नेपाल संस्थाबाट प्रशिक्षक ल्याएर नगरपालिकाका स्वास्थ्यकर्मीलाई तालिम प्रदान गरिएको नगर स्वास्थ्य शाखा संयोजक प्रकाश घिमिरेले जानकारी दिनुभयो । दोस्रो चरणको कार्यक्रम अन्तरगत तालिम लिएका स्वास्थ्यकर्मीहरु माघ १ गतेबाट ९ गतेसम्म नगरपालिकाको प्रत्येक घरमा पुग्नेछन् । एक जना सहयोगी लिएर स्वास्थ्यकर्मीहरु आफ्...

खोटाङ, पुस २२ । रावा बेसी गाउँपालिकाको केन्द्र कुभिण्डे हरमटारमा पुनः साप्तहिक हाट सञ्चालनमा आएको छ । कोभिड–१९ को कारण बन्द भएको साप्तहिक शुक्रबारे हाट आजबाट पुनः गाउँपालिकाले सञ्चालनमा ल्याएको हो । १० पुस २०७७ मा गाउँपालिका केन्द्र नजिकै साप्ताहिक हाट सुरु गरिएको थियो । तर कोभिड–१९ को कारण ३ महिना सञ्चालन भएर बन्द भएको थियो । हटिया अर्थात साप्ताहिक हाट बन्द भएपछि कोरोना संक्रमितहरुलाई राख्न उक्त स्थानमा गाउँपालिकाले क्यारेन्टाइन निर्माण गरेको थियो । सोही स्थानमा आज अर्थात पुस २२ गतेबाट हाट सञ्चालनमा आएको छ । हाट सञ्चालनमा आएको पहिलो दिन क्रेता एवं बिक्रेताहरुको उल्लेखनीय सहभागिता रहेको थियो । स्थानीय स्तरमा उत्पादन भएका मुला, साग, बन्दा, अदुवा, लसुन, उखु, भुइकटहर, सखरखण्ड, सुन्तला, केरा, दाल लगायतका कृषि उपज लिएर कृषकहरु बिक्री गर्न बजार आएका थिए । हाटमा खाजा नास्ताको लागि होटल एवं लत्त...