ताजा अपडेट

खोटाङ, मंसिर ६ । खोटाङमा प्रतिनिधिसभा र प्रदेशसभा दुवै क्षेत्रमा बाम लोकतान्त्रीक गठबन्धनका उम्मेद्वारले अग्रता बढाउदै लगेका छन् । हाल प्रतिनिधिसभाको हलेसी तुवाचुङ नगरपालिका क्षेत्रको मत गणना भइरहेको छ । प्रदेश सभा ‘क’ मा केपिलासगढी गाउँपालिकाको सकेर ऐसेलुखर्क गाउँपालिका र प्रदेशसभा ‘ख’ मा खोटेहाङ गाउँपालिका क्षेत्रको मत गणना जारी छ । प्रतिनिधिसभामा ६ हजार २ सय ९५ मत गणना हुँदा गठबन्धनका उम्मेद्वार रामकुमार राई (पासाङ) ले एमालेका उम्मेद्वार विशाल भट्टराईलाई ४ सय ९ मतले पछि पार्नुभएको छ । राईले ३ हजार १ मत पाउदा भट्टराईले २ हजार ५ सय ९२ मत प्राप्त गर्नुभएको छ । हालसम्मको बदर मत ८७ रहेको छ । जिल्लामा जम्मा ६७ हजार ७ सय ३ मत खसेको छ । प्रदेशसभा ‘क’ तर्फ गठबन्धनका उम्मेद्वार एकीकृत समाजवादीका वीरवलकाजी राईले ३ हजार २ सय ६६ मत पाउदा एमालेका पाँचकर्ण राईले ३ हजार २ सय २६ मत पाउनुभएको छ । जसपाक...

खोटाङ, मंसिर ६ । खोटाङ प्रतिनिधिसभा प्रत्यक्षतर्फको सुरुवाती मत गणनामा गठबन्धनका साझा उम्मेद्वार रामकुमार राई (पासाङ) ले अग्रता लिनुभएको छ । ५ सय मत गणना हुँदा साझा उम्मेद्वार माओवादीका राईले एमालेका विशाल भट्टराईलाई १२ मतले अगाडि हुनुहुन्छ । राईले २ सय ३६ मत प्राप्त गर्दा भट्टराईले २ सय २४ मत प्राप्त गर्नुभएको छ । यस्तै, जसपाका डा कृष्ण कुमार राईले २, राप्रपा सर्जु श्रेष्ठले २, आमूल परिबर्तन मसिया पार्टी नेपालका चन्द्रमनि राईले ५, नेपाल मंगोल अर्गनाइजेसन दिपक मगरले २ मत पाउनु भएको छ । नेपाल मजदुर किसान पार्टीका भोजराज बस्नेत र स्वतन्त्र उम्मेद्वार जयन्द्र कुमार राईले अहिलेसम्म मत पाउनु भएको छैन् । हालसम्म २७ म तबदर भएको छ ।...

खोटाङ, मंसिर ५ । हिजो भएको प्रतिनिधिसभा र प्रदेशसभाको मतदानको मत पेटिका दिक्तेल आइपुगेको छ । जिल्लाका दश वटै पालिकाबाट बसको प्रयोग गरेर मत पेटिका मुख्य निर्वाचन अधिकृतको कार्यालय (जिल्ला अदालत) मा ल्याइएको हो । नजिकै रहेको पालिकाहरुबाट हिजो रातीसम्म मत पेटिका आएपनि टाढा रहेका पालिकाहरुबाट आज ९ बजे मत पेटिका दिक्तले ल्याइएको छ । हाल मत पेटिका रुजु गर्ने काम भइरहेको छ । मत पेटिका रुजु पश्चात सर्वदलीय बैठक बसेपछि मत गणना सुरु गर्ने मुख्य निर्वाचन अधिकृतको कार्यालयले जनाएको छ । सुरुमा प्रतिनिधिसभाको प्रत्यक्षतर्फको मत गणना हुनेछ । मत गणनाकालागि तारजाली सहितको तीन ठाउँमा गणनास्थल निर्माण गरिएको छ । जिल्लामा एक लाख ४२ हजार ७९२ मतदाता रहेका छन् । जसमा ४८ प्रतिशत मात्र मत खसेको प्रारम्भिक अनुमान छ ।  ...

४ मंसिर । खोटाङको दिक्तेल रुपाकोट मझुवागढी नगरपालिका–१४ बुईपाका प्रदेशसभा सदस्यका तीन उम्मेदवारले एकै मतदान केन्द्रबाट मतदान गरेका छन् । प्रदेशसभा सदस्यका उम्मेदवार नेकपा एमालेका पाँचकर्ण राई (पिके), वाम लोकतान्त्रिक गठबन्धन अन्तरगत नेकपा (एकीकृत समाजवादी)का उम्मेदवार बीरवलकाजी राई र जनता समाजवादी पार्टीका उम्मेदवार राकेश राईले सहयोगी आधारभुत विद्यालय छिप्ती मतदान केन्द्रबाट मतदान गरेका हुन् । पाँचकर्ण र राकेश साविकको बुईपा–२ का स्थायी बासिन्दा हुन् भने बीरवलकाजी साविकको बुईपा–१ का हुन् । एकै दाजुभाईभित्रका पाँचकर्ण काका र राकेश साइनोमा भतिजा हुन् । एकैठाउँबाट तीन नेता उम्मेदवार उठेपछि आफन्तकै मत बाँडिने अनुमान गरिएको छ । एकै वडाका तीन नेताले टिकट पाउनुलाई दलहरुले संयोग भनेका छन् ।...

खोटाङ, मंसिर ४ । खोटाङबाट प्रतिनिधिसभा तर्फका सबै उम्मेद्वारहरुले मतदान गरेका छन् । सबै उम्मेद्वारहरुले आ–आफ्नो मतदान केन्द्रबाट मतदान गरेका हुन् । नेकपा एमालेका उम्मेद्वार विशाल भट्टराईले खोटेहाङ गाउँपालिका–७ खोटाङ बजारस्थित भगवती दिननाथ माध्यमिक विद्यालयको मतदान केन्द्र (ख) बाट मतदान गर्नुभएको छ । बाम लोकतान्त्रीक गठबन्धनका साझा उम्मेद्वार नेकपा माओवादी केन्द्रका रामकुमार राई (पासाङ)ले साकेला गाउँपालिका–२ साकेला माध्यमिक विद्यालयको मतदान केन्द्र (ख) बाट मतदान गर्नुभएको छ । यस्तै, जनता समाजवादी पार्टी (जसपा) का उम्मेद्वार डा. केके राईले दिप्रुङ चुइचुम्मा गाउँपालिका–६ छितापोखरी वडाकार्यलय मतदान केन्द्रबाट मतदना गर्नुभएको छ । राष्ट्रिय प्रजातन्त्र पार्टी (राप्रपा) का उम्मेद्वार सर्जु श्रेष्ठले दिक्तलस्थित दिक्तेल रुपाकोट मझुवागढी नगरपालिका–१ सरस्वती माध्यमिक विद्यालयको मतदान केन्द्रबाट र ...

खोटाङ, मंसिर ४। प्रतिनिधिसभा र प्रदेशसभाको लागि खोटाङमा शान्तिपुर्ण रुपमा मतदान सुरु भएको छ । तोकिएको समय अनुसार बिहान ७ बजेबाट सबै मतदान केन्द्रहरुमा शान्तिपुर्ण तरिकाले मतदान सुरु भएको प्रमुख जिल्ला अधिकारी (सिडिओ) सुर्य प्रसाद सेडाईले जानकारी दिनुभयो । जिल्लामा १३६ मतदान स्थल, १९४ मतदान केन्द्र र दुई वटा अस्थायी मतदान केन्द्र तोकिएका छन् । त्यी सबै मतदान केन्द्रहरुमा अहिले धमाधम मतदान भइरहेको छ । यस निर्वाचनमा एक लाख ४२ हजार ७९२ मतदाताले मताधिकार उपयोग गर्ने निर्वाचन कार्यालयले जनाएको छ ।...

खोटाङ, मंसिर ३ । मंसिर ४ (भोली) हुने प्रतिनिधिसभा र प्रदेशसभा चुनावको खोटाङमा तयारी पुरा भएको छ । भोली हुने निर्वाचनका लागि मतदान स्थल निर्माणसँगै अन्य तयारी पुरा भएको मुख्य निर्वाचन अधिकृतको कार्यालयका सहायक निर्वाचन अधिकृत रामाकान्त यादवले बताउनुभयो । मतदान स्थलसँगै मतगणना स्थल पनि निर्माण भइसकेको उहाँको भनाइ छ । खोटाङमा निर्वाचनकालागि १५ सय ५८ कर्मचारी र करीब १८ सय सुरक्षाकर्मी मतदान स्थलमा खटिएका छन् । जिल्लामा १३६ मतदान स्थल, १९४ मतदान केन्द्र र दुई वटा अस्थायी मतदान केन्द्र तोकिएका छन् । यस निर्वाचनमा एक लाख ४२ हजार ७९२ मतदाताले मताधिकार उपयोग गर्ने निर्वाचन कार्यालयले जनाएको छ ।  ...

खोटाङ, मंसिर ३ । मंसिर ४ (भोली) हुने प्रतिनिधि सभा र प्रदेश सभा चुनावका लागि खोटाङको एक मतदान स्थलमा महिला कर्मचारीहरु मात्रै खटिएका छन् । मतदान अधिकृत, सहायक मतदान अधिकृत, सहायक कर्मचारी, सहयोगी सबै महिला नै रहेका हुन् । दिक्तेल रुपाकोट मझुवागढी नगरपालिका–१ दिक्तेलस्थित सरस्वती माध्यमिक विद्यालय ‘ख’ मतदान स्थलको मतदान अधिकृत सर्मिला राई, सहायक मतदान अधिकृत इरन राई, सहायक कर्मचारी अरुणा बानियाँ, कल्पना पोखरेल, देवि राई, सविता ढकाल, सिता यादव र सहयोग कर्मचारी सरस्वती दाहाल गरेर सबै कर्मचारी महिला खटिनुभएको मुख्य निर्वाचन अधिकृतको कार्यालयले जनाएको छ । यस्तै, जिल्लाका १५ मतदान स्थलका मदतान अधिकृत महिला रहेको मुख्य निर्वाचन अधिकृतको कार्यालयका सहायक निर्वाचन अधिकृत रामाकान्त यादवले बताउनुभयो । खोटाङमा निर्वाचनकालागि १५ सय ५८ कर्मचारी र करीब १८ सय सुरक्षाकर्मी मतदान स्थलमा खटिएका छन् । जिल्...

खोटाङ, मंसिर २ । मंसिर ४ गते हुने प्रतिनिधिसभा र प्रदेशसभाको निर्वाचनमा पत्रकारको परिचयपत्र दुरुपयोग गर्नेलाई कानुन बमोजिम कारबाही हुने पत्रकार महासंघ खोटाङले जनाएको छ । चुनावको दिन परिचयपत्रका आधारमा पत्रकारलाई सवारी सधान चलाउन दिने निर्णय भएको छ । तर पत्रकारको परिचयपत्र बोकेर अन्य व्यक्तिले सवारी साधन चलाउन सक्ने भएकाले त्यस्ता व्यक्तिलाई कारबाही हुने महासंघ खोटाङका अध्यक्ष दिलिप खत्रीले जारी गरेको अपिलमा उल्लेख गरिएको छ । अपिलमा लेखिएको छ, ‘मंसिर ४ गते मतदानको दिन सञ्चारकर्मीलाई समाचार संकलन लागि सम्बन्धित निकायले दर्ता भएका मिडिया हाउसले जारी गरेको पत्रकार परिचय पत्रका आधारमा आवतजावत गर्न दिने सहमती भएको छ । समाचार शाखाका कार्यरत पत्रकारले मात्र परिचयपत्र देखिने गरि निर्वाचनको दिन सवारी साधानको प्रयोगसहित समाचार संकलनमा खटिन महांसघ आग्रह गर्दछ । यदि समाचारमा काम गर्ने बाहेक अन्यले परि...

खोटाङ, मंसिर २ । खोटाङमा रुखको मुढोले उच्छिट्याएर भिरबाट लडाउदा एक जनाको मृत्यु भएको छ । रुख ढालेर टुक्रयाउने क्रममा पछाडीको मुढोले उच्छिट्याएर करीब ७ मिटर तल झार्दा बिहिबार उनको मृत्यु भएको हो । मृत्यु हुनेमा वराहपोखरी गाउँपालिका–५, पौवसेरा, मलखुका ६० वर्षीय रामकुमार राई रहेका छन् । दाउरा काट्न भनी घरबाट हिँडेका उनी घर नआएपछि खोजी गर्ने क्रममा खरबारीको भिरमा उनको शव फेला परेको पौवासेराका वडाध्यक्ष फौदराज राईले जानकारी दिनुभयो । मृतक राईको प्राथमिक स्वास्थ्य केन्द्र चिसापानीमा शुक्रबार पोष्टमार्टम गरेर दाहसस्कार गरिएको वडाध्यक्ष राईले बताउनुभयो ।...