ताजा अपडेट

खोटाङ, कात्तिक २ । खोटाङको हलेसी तुवाचुङ नगरपालिकामा भइरहेको खानेपानीको समस्या एक वर्ष भित्रमा समाधान हुने मेयर विमला राईले बताउनुभएको छ । हाल नगरपालिकाका अधिकांश ठाउँमा खानेपानीको समस्या रहेको छ । सुक्खाग्रस्त क्षेत्र घोषित हलेसी तुवाचुङ नगरपालिकाको सात वडामा खानेपानीको समस्या समाधान गर्न बृहत् पम्पिङ खानेपानी आयोजना सञ्चालन गरिएको छ । तर सम्झौता समय नाघिसक्दा पनि कामले पुर्णता पाएको छैन् । उक्त आयोजनाबाट तीन हजार ७५६ घरधुरीलाई खानेपानी वितरण गर्ने लक्ष्य राखिएको छ । हाल अलपत्र जस्तै बनिरहको खानेपानी योजना सम्पन्न गर्न मन्त्रलायदेखि सम्बन्धित सबै निकायमा कुरा गरिरहेको र एक वर्ष भित्र काम सम्पन्न हुने मेयर राईले बताउनुभयो । ‘नगरपालिका भित्र सञ्चालन भइरहेको बृहत् पम्पिङ खानेपानी आयोजनासँगै अन्य खानेपानी योजनाहरु पनि सञ्चालन भइरहेका छन् । त्यी सबै योजना चाडै सम्पन्न हुन्छ, त्यसपछि नगरपालिका...

कात्तिक, १ । महिलाको राजनीति प्रतिनिधित्वका लागि सञ्चारकर्मीको भूमिका विषयमा पाँच जिल्लाका पत्रकारसँग कार्यशाला गोष्ठी गरिएको छ । सोही विषयमा कार्य गरिरहेको दलित महिला केन्द्र नेपाल (cdwn) ले प्रदेश नम्बर एकका पाँच जिल्लाका पत्रकारसँग मंगलबार बिराटनगरको रत्न होटलमा गोष्टि गरेको हो । खोटाङ, ओखलढुंगा, मोरङ, सुनसरी र झापा गरी पाँच जिल्लामा (cdwn) ले महिलाहरुलाई राजनीतिमा निरन्तरता दिन र प्रतिनिधित्व गर्न भूमिका खेलिरहेको केन्द्रिय उपाध्यक्ष लक्ष्मी परियारले बताउनुभयो । पाँच जिल्लाको ३९ पालिकामा काम गरिरहेको संस्थाले सोही क्षेत्रका १५ जना पत्रकारसँग छलफल गरेको हो । कार्यक्रममा महिलालाई राजनीतिमा रहिरहन एवं नेतृत्व स्थानमा पुग्न सञ्चार माध्यमले कस्तो भूमिक खेल्न सकिन्छ भन्ने विषयमा नेपाल पत्रकार महासंघका केन्द्रिय अध्यक्ष विपुल पोखरेलले प्रस्तुति दिनुभयो । उपस्थित पत्रकारहरुले महिलाको राजनीति...

खोटाङ, कात्तिक १ । यहि कात्तिक ७ गते हलेसी मन्दिरको प्रांगणमा सांगीतिक कार्यक्रम हुने भएको छ । कार्यक्रममा स्थानीय कलाकारसँगै ‘नेपाल्स सिङ्गिङ सुपरस्टार’ को फाइनलमा पुग्न सफल खोटाङका राजेश राईको विशेष प्रस्तुति रहनेछ । इमेज टेलिभिजनबाट प्रसारण भइरहेको गायन रियालिटी शो ‘नेपाल्स सिङ्गिङ सुपरस्टार’ मा खोटाङका राजेश राई फाइनलमा पुगेका छन् । फाइनलमा राईसँगै अन्य ५ जना प्रतिस्पर्धि रहेका छन् । फाइनलमा पुग्न सफल राईलाई उपाधि जिताऔँ अभियान अन्तरगत हलेसीमा कार्यक्रमको आयोजना गरिएको बताइएको छ । प्रत्येक आइतबार र सोमबार हप्ताको दुई दिन बेलुका ७ः४५ बजेबाट इमेज टेलिभिजनबाट प्रसारण भइरहेको रियालिटी शोको उपाधिकालागि धमाधम भोटिङ भइरहेकाले राईले भोटको अपिल गरेका छन् । राईलाई उपाधि जिताउन भोट गर्न चाहानेले नेपालबाट ओएसआर कनेक्ट एपमा गएर भोटिङ गर्न सकिनेछ भने बिदेशबाट खल्ती डटकममा गएर भोटिङ गर्न सकिने राईल...

खोटाङ, असोज २९ । केपिलासगढी गाउँपालिका–३ बास्पानीमा खुला पुरुष फुटबल प्रतियोगिता सञ्चालन हुने भएको छ । खकलुङ युनाइटेड क्लब बास्पानीको आयोजनामा कात्तिक–४ गतेबाट फुटबल प्रतियोगिता सञ्चालन हुन लागेको हो । प्रतियोगितामा जिल्ला भरीका क्लब र खेलाडीले मात्र सहभागि जनाउन पाउने आयोजकले जनाएको छ । काक्तिक ४ गतेदेखि ७ गतेसम्म सञ्चालन हुने प्रतियोगितामा पहिलो र दोस्रो हुने समुहले रु ३० हजार र रु २० हजार, सेमिफाइनलिस्ट दुई समूहलाई रु १०÷१० हजारका साथमा मेडल र प्रमाणपत्र प्रदान गरिने आयोजक क्लबका अध्यक्ष प्रताप राईले बताउनुभयो । प्रतियोगितामा उत्कृष्ट गोलरक्षक, उत्कृष्ट डिफेन्स, उत्कृष्ट मिनफिल्डर, उत्कृष्ट स्ट्राइकर र सर्वाधिक गोलकर्तालाई मेडल र प्रमाणपत्र प्रदान गरिने उहाँको भनाइ छ । प्रतियोगितामा सहभागी हुने समूहका लागि रु तीन हजार ९९९ दर्ता शुल्क तोकिएको र प्रतियोगितामा १५ समूह सहभागी हुने अनुमान ...

खोटाङ, असोज २८ । अरिङगालको टोकाइबाट खोटाङमा एक युवकको मृत्यु भएको छ। दिक्तेल रुपाकोट मझुवागढी नगरपालिका-३ बाम्राङका २६ वर्षीय बिनोद ठटालको आज अरिङगालको टोकाइबाट मृत्यु भएको हो । आज बिहान ७ बजे बाटोमा हिड्ने क्रममा गोलाबाट निस्केको अरिङगालले टोक्दा उनको घट्नास्थलमै ज्यान गएको प्रहरीले जनाएको छ। उनीसगै हिड्दै गरेका सोही ठाउका २५ वर्षीया सर्मिला नेपाली र ७२ वर्षीय नैनसिं दर्जी घाइते भएका छन् । घाइते दुई जनाको जिल्ला अस्पतालमा उपचार भइरहेको छ। सर्मिला भने उपचारपछि घर फर्केका छ्न, नैनसिंको उपचार भइरहेको र अवस्था सामान्य रहेको प्रहरीले जनाएको छ।...

खोटाङ, असोज २७ । इमेज टेलिभिजनबाट प्रसारण भइरहेको गायन रियालिटी शो ‘नेपाल्स सिङ्गिङ सुपरस्टार’ मा खोटाङका राजेश राई फाइनलमा पुगेका छन् । फाइनलमा राईसँगै अन्य ५ जना प्रतिस्पर्धि रहेका छन् । प्रत्येक आइतबार र सोमबार हप्ताको दुई दिन बेलुका ७ः४५ बजेबाट इमेज टेलिभिजनबाट प्रसारण भइरहेको रियालिटी शोको उपाधिकालागि धमाधम भोटिङ भइरहेकाले राईले भोटको अपिल गरेका छन् । राईलाई उपाधि जिताउन भोट गर्न चाहानेले नेपालबाट ओएसआर कनेक्ट एपमा गएर भोटिङ गर्न सकिनेछ भने बिदेशबाट खल्ती डटकममा गएर भोटिङ गर्न सकिने राईले बताए । खोटाङको हलेसी तुवाचुङ नगरपालिका–९ सल्ले साविकको सल्ले गा.वि.स–६ निशंखेमा जन्मिएका राई करीब १३ वर्षदेखि सङ्गीत क्षेत्रमा सक्रिय छन् । करीब ५० वटा गीत रेर्कड गराइसकेका राईको अर्खौले बजारमा दश रुपैयाँ गोटा रोटी, तोडियो तोडियो १ र २, आइतबार र कालो कालो बादलु लगायतका गीतहरु चर्चामा छन् । भ्वाइस ...

खोटाङ, असोज २७ । हलेसी तुवाचुङ नगरपालिकाले विश्व दृष्टि दिवसको अवसरमा बिहिबार आयोजना गरेको निःशुल्क स्वास्थ्य परिक्षण कार्यक्रममा १ सय बढीले सेवा लिएका छन् । वडा नम्बर तीन च्यास्मिटार स्वास्थ चौकीमा आयोजना गरिएको कार्यक्रमबाट १ सय ४२ जनाले सेवा लिएको नगर स्वास्थ्य शाखा प्रमुख प्रकाश घिमिरेले जानकारी दिनुभयो । कार्यक्रम हलेसी तुवाचुङ नगरपालिका र आँखा तथा कान उपचार केन्द्र हलेसीको संयुक्त आयोजनामा गरिएको नगरपालिकाका मेयर विमला राईले बताउनुभयो । कार्यक्रममा निशुल्क आँखा जाँच र चस्मा वितरण तथा जेष्ठ नागरिक लगायत अन्यको निःशुल्क स्वास्थ्य परिक्षण गरिएको छ । जसमा आवश्यकता अनुसार ४६ जनालाई निःशुल्क चस्मा वितरण गरिएको छ । आँखा परिक्षणबाट १४ जना मोतिबिन्दुका बिरामी फेला परेका छन् । यसैबिच, हलेसी तुवाचुङ नगरपालिकाले आगामि कात्तिक १९ देखि २१ गतेसम्म हलेसीमा निःशुल्क आँखा शिविर सञ्चालन गर्ने तयारी ग...

खोटाङ, असोज २७ । जिल्ला अस्पताल खोटाङमा शल्यक्रिया मार्फत प्रसूति गराउन एक महिना पश्चात पुनः सुरु भएको छ । कर्मचारी बिरामी भएको भन्दै अस्पतालले भदौ २६ गते बन्द गरेको सेवा असोज २७ गते (आज) बाट पुनः सञ्चालनमा ल्याएको छ । एनेस्थेसिया (शल्यक्रिय गर्दा बिरामीलाई बेहोस बनाउने) कर्मचारी बिरामी भएपछि उक्त सेवा बन्द गरिएको अस्पतालले जनाएको थियो । कर्मचारी अभावमा सेवा बन्द भएको सूचना अस्पतालले प्रकाशन गरेपनि आकस्मिक रुपमा आएका बिरामीहरुको उपचार गर्दै आएको अस्पतालका प्रमुख डक्टर नितु लामाले बताउनुभयो । आजबाट भने नियमित सेवा सुरु भएको उहाँको भनाइ छ ।...

खोटाङ, असोज २६ । आसन्न मंसिर ४ गते हुने आम निर्वाचनमा खोटाङको ३ पदकालागि २२ जना चुनावी मैदानमा उत्रिएका छन् । प्रतिनिधिसभा र प्रदेशसभा ‘क’ मा ८/८ जना, प्रदेशसभा ‘ख’ मा ६ जना चुनावी मैदानमा उत्रिएका हुन् । बुधबार मुख्य निर्वाचन अधिकृतको कार्यालयले प्रकाशन गरेको अन्तिम नामवली अनुसार जिल्लामा २२ जना उम्मेद्वारहरु कायम रहेका हुन् । प्रतिनिधि सभामा ९ जनाको उम्मेद्वारी दर्ता भएकोमा पूर्व राज्यमन्त्री एवं नेपाली कांग्रेसका नेता सर्वधन राईले दिएको स्वतन्त्र उम्मेद्वारी फिर्ता लिएसँगै ८ जनाको प्रतिस्पर्धा हुने भएको हो । जिल्लाबाट प्रतिनिधिसभामा गठबन्धनबाट (माओवादी केन्द्र)का रामकुमार राई ‘पासाङ’, नेकपा एमालेबाट विशाल भट्टराई, जनता समाजवादी पार्टी(जसपा)बाट डा. कृष्णकुमार राई ‘केके’, राष्ट्रिय प्रजातन्त्र पार्टी (राप्रपा)बाट सर्जु श्रेष्ठ, नेपाल मजदुर किसान पार्टीबाट भोजराज बस्नेत, मङ्गोल नेशनल अर्...