ताजा अपडेट

खोटाङ, वैशाख ६ – शैक्षिक प्रमाणपत्र कीर्ते गरी ‘हलेसीपाटी डट कम’ नामक अनलाइन पोर्टल सञ्चालनको स्वीकृति लिएका हलेसी तुवाचुुङ नगरपालिका–७, महादेवस्थानका ३६ वर्षीय मनोज गिरीलाई प्रहरीले पक्राउ गरेको छ । जिल्ला प्रहरी कार्यालय खोटाङमा परेको उजुरीका आधारमा सोही कार्यालयबाट खटिएको प्रहरी टोलीले लुकिछिपी बसिरहेको अवस्थामा उनलाई काठमाडौँ महानगरपालिका–३२, पेप्सीकोलाबाट पक्राउ गरेको हो । जिल्ला प्रहरी कार्यालय खोटाङका सूचना अधिकारी प्रहरी निरीक्षक सागर शाहले पक्राउ परेका गिरीमाथि जिल्ला अदालत खोटाङबाट पाँच दिनको म्याद थप गरी प्रहरी हिरासतमा राखेर अनुसन्धान भइरहेको जानकारी दिनुभयो ।  गिरीले ब्रिलियन्ट मल्टिपल क्याम्पस, सिफल, काठमाडौँबाट व्यवस्थापन संकायमा स्नातक तहसम्मको अध्ययन गरेको भनी सूचना तथा प्रसारण विभागमा अर्काको कागजात कीर्ते गरी पेश गरेको खुलेको थियो । उक्त क्याम्पसबाट कुभेशचन्द्र गिरीले ल...

खोटाङ, वैशाख ५ । स्थानीय तहको निर्वाचनमा खोटाङमा गठबन्धन दलहरूबीच तालमेल गर्ने सहमति जुटेको छ । निर्वाचनमा गठनबन्धनलाई कायम राख्न सहमत भएका दलहरू अन्ततः चुनावमा तालमेल गर्न तयार भएका हुन् । गत चैत १६ गते जिल्ला समन्वय समितिको सभाहलमा बसेको नेपाली कांग्रेस, नेकपा माओवादी केन्द्र, जनता समाजवादी र नेकपा एकीकृत समाजवादी पार्टीको बैठकले आसन्न स्थानीय तहको निर्वाचनमा गठबन्धनलाई कायमै राख्ने निर्णय गरेको थियो । त्यसयता पटकपटक तालमेलबारे छलफल गर्न गठबन्धन दलको बैठक बसे पनि सहमित जुट्न सकेको थिएन । आइतबार राति साढे ११ बजे बसेको चार दलको बैठकले निर्वाचनमा तालमेल गर्ने सहमति जुटाएको नेपाली कांग्रेस खोटाङका सभापति विष्णुकुमार राईले जानकारी दिनुभयो । बैठकले तालमेलको मोडालिटीसमेत टुंगो लगाएको छ । दुई नगरपालिका र आठ गाउँपालिका गरी १० स्थानीय तह रहेको जिल्लामा ४ पालिकामा कांग्रेसबाहेकको गठबन्धन बन्न...

खोटाङ, वैशाख ४ । खोटाङमा एक महिलाको शव फेला परेको छ । हलेसी तुवाचुङ नगरपालिका–११ राजापानीस्थित साप्सुखोला हाइड्रोपावरबाट अन्दाजी ३०० मिटर अगाडि दिक्तेल रुपाकोट मझुवागढी नगरपालिका–१५ विजयखर्कमा पर्ने जंगलमा अन्दाजी ३० वर्षीया महिलाको शव फेला परेको हो । मृत भेटिएकी महिलाको परिचय खुलेको छैन । घटनास्थलमा जिल्ला प्रहरी कार्यालयबाट प्रहरी निरीक्षक सागर शाहको नेतृत्वमा प्रहरी टोली पुगेको छ । ५.२ फिट उचाइ भएकी, सुस्त मनस्थितिकी जस्तो देखिने ती महिलाको लडेर मृत्यु भएको हुन सक्ने अनुमान गरिएको छ । केही सडेको अवस्थामा भेटिएको शव हेर्दा ५/६ दिन अगाडि नै मृत्यु भएको हुन सक्ने घटनास्थलबाट प्रहरी निरीक्षक शाहले बताउनुभयो । शवको कानुनी प्रक्रिया पूरा गरी पोष्टमार्टमका लागि दिक्तेल ल्याउने तयारी भइरहेको प्रहरीले जनाएको छ ।...

खोटाङ, वैशाख ३ । इलाका प्रहरी कार्यालय हलेसीमा प्रहरी प्रमुखको रूपमा कार्यरत प्रहरी निरीक्षक प्रमोद कार्की फागुन महिनाको उत्कृष्ट प्रहरी बन्नुभएको छ । जिल्ला प्रहरी कार्यालय खोटाङले प्रहरी निरीक्षक कार्कीले अपराध अनुसन्धानमा पुर्‍याउनुभएको योगदानको कदर गर्दै उत्कृष्ट प्रहरी घोषित गरेको हो । विभागिय मूल्य–मान्यता, आदेश–निर्देशनको पालना गर्दै व्यावसायिक, लगनशील र कर्तव्यनिष्ठ तवरले कर्तव्यपथमा तल्लीन रही उच्च मनोवल र साहसका साथ आफ्नो कर्तव्य निर्वाह गरेकाले उहाँलाई फागुन महिनाको उत्कृष्ट प्रहरी घोषित गरिएको जिल्ला प्रहरी प्रमुख प्रहरी नायव उपरीक्षक उमेश लम्सालले बताउनुभयो । प्रहरी निरीक्षक कार्कीले फागुन २३ गते हलेसी तुवाचुङ नगरपालिका–५ बतासेघाटमा ३२ किलो ४८५ ग्राम गाँजा कारोबारमा संलग्नलाई पक्राउ गरी लागुऔषध नियन्त्रण्मा महत्त्वपूर्ण भूमिका खेलेको, प्रहरी साझेदारी कार्यक्रममार्फत बालबालिक...

पवन खड्का/खोटाङ, वैशाख ३ । आधा उमेर देशबाहिर बिताएका हलेसी तुवाचुङ नगरपालिका–५, दुर्छिम, चुरीढाँडका खम्ब चाम्लिङ अहिले ४८ वर्ष पुगे । रोजगारीको सिलसिलामा उनले कतारमा ६ वर्ष, साउदी अरबमा २ वर्ष र भारतका विभिन्न प्रान्तमा १५ वर्ष बढी गरी जीवनको अढाइ दशक खर्चेका छन् । एकातिर घरको जेठो सन्तान, अर्कातिर सानै उमेरमा विवाह । त्यसले गर्दा किशोरावस्थामै उनको काँधमा जिम्मेवारीको चाङ आइलाग्यो । परिवार चलाउन उनले सानै उमेरमा ऋणको बोझ बोक्नुपर्यो । लागेको ऋण तिर्ने र प्रशस्त पैसा कमाएर परिवारलाई सुखले पाल्ने सुनौलो सपना लिएर विदेश पसेका उनले रोजगारीको सिलसिलामा अनेकन समस्या झेल्नुपर्यो । कहिले काम गर्ने कम्पनी राम्रो परेन त कहिले सोचे अनुुसारको काम पाएनन् । स्वभावैले मान्छे एकातिरबाट आशा गरिएको प्रतिफल प्राप्त नभएपछि अर्कातिर लाग्छ । त्यही आशाले वैदेशिक रोजगारीका दौरान यताउता गर्दागर्दै उनको आधा उम...

खोटाङ, बैशाख ३ । रावाबेसी गाउँपालिका–५ दुबेकोल स्थित चिण्डेश्वरा र ऐँसेलुखर्क गाउँपालिका– ७ माक्पा चैन्टार झोलुङ्गे पुलले जोडिने भएका छन् । चिण्डेश्वरा र चैन्टारको बिचमा पर्ने ह्वाङखोलामा झोलुङ्गे पुल निर्माण हुनेभएपछि दुई गाउँ झोलुङ्गे पुलले जोडिन लागेका हुन् । संघीय सरकार र रावाबेसी गाउँपालिकाको संयुक्त रु ३८ लाखमा उक्त पुल निर्माण हुन लागेको गाउँपालिकाले जनाएको छ । शुक्रबार एक कार्यक्रमका बिच गाउँपालिका अध्यक्ष लिलानाथ निरौला, उपाध्यक्ष समला राई, दुबेकोलका वडाध्यक्ष गणेस थापा मगर लगायतको उपस्थितीमा सोही गाउँकी बुद्धिजिबि रेनुका थापा मगरको हातबाट पुल शिलान्यास गरिएको छ । पुल निर्माण भएसँगै चिण्डेश्वरा र चैन्टारका नागरिकलाई आवतजावतमा सहजता हुने स्थानीयले बताएका छन् ।...

खोटाङ, वैशाख १ । खोटाङमा कृषि गणनाको लागि ६२ जना गणक र १७ जना सुपरीवेक्षक खटिने भएका छन् । केन्द्रीय तथ्याङ्क विभागले हरेक १०/१० वर्षमा राष्ट्रिय कृषि गणना गर्दै आएको छ । सोहीअनुसार यस वर्ष देशभरमा सातौँ कृषि गणना हुन लागेको हो । गणनाका लागि खोटाङमा गणक र सुपरीवेक्षक गरी जम्मा ७९ जना स्थलगत कर्मचारी खटाइने कृषि गणना कार्यालय खोटाङका अधिकृत जितबहादुर कोइरालाले जानकारी दिनुभयो । गणनामा खटिने कर्मचारीका लागि दिक्तेलमा चैत २५ गतेदेखि तालिम सञ्चालन भइरहेको छ । तालिम वैशाख ३ गतेसम्म जारी रहनेछ । कोइरालाका अनुसार कृषि गणना कार्य वैशाख ६ देखि जेठ १९ गतेसम्म हुनेछ । ४५ दिनमा दुई चरणमा गणना हुनेछ । पहिलो चरणमा सूचीकरण हुनेछ भने दोस्रो चरणमा मुख्य प्रश्नावली भरिने छ । कृषि गणनाका लागि जिल्लाका १० वटै पालिकाहरूका ७९ वडामध्ये ७४ वडाका १८१ वटा क्षेत्र छानिएका छन् । छानिएका गणना क्षेत्रबाट २० देखि ३...

खोटाङ, चैत ३० । वैशाख ३० गते हुने स्थानीय तहको निर्वाचनको तयारीमा देशैभर राजनीतिक दलहरू जुटिरहेका छन् । आसन्न स्थानीय तह निर्वाचनको लागि खोटाङमा राजनीतिक दलहरु पनि धमाधम आफ्ना उम्मेद्वार छनोट गरिरहेका छन् । जिल्लाको ऐसेलुखर्क गाउँपालिका–६ ज्यामिरेमा एमालेबाट वडाध्यक्षका लागि ६ जनाले आकांक्षा देखाएका छन् । वडा कमिटिले सर्वसम्मत उम्मेद्वार टुंगो लगाउन नसकेपछि पालिका कमिटिमा ६ जनाकै नाम सिफारीस गरिएको एमेला ज्यामिरे वडा कमिटिले जनाएको छ । ६ जना मध्ये वडाध्यक्षका लागि वडा कमिटिबाट २७ वर्षका युवा नेता युवराज भट्टराईको पनि नाम सिफरीस भएको छ । १४ वर्षको उमेरमा वि.स. २०६५ साल देखि एमाले निकट विद्यार्थी संघटन अनेरास्ववियु हुँदै राजनीति सुरु गरेर लामो समय पार्टीको संगठन निर्माणमा एकचित्त भएर लागेका कारण आफु वडाध्यक्षका लागि योग्य उम्मेद्वार भएको उहाँको भनाई छ । वि.स. २०६८ देखि लगातार दुई कार्यकाल ...

खोटाङ, चैत ३० । ओखलढुंगामा जीप दुर्घटना हुँदा दुई जनाको मृत्यु भएको छ । सोलुखुम्बुबाट विराटनगर जाँदै गरेको जीप आज बिहान करिब ९:३० बजे मानेभञ्ज्याङ गाउँपालिका–६ भँडारे खोला नजिकै दुर्घटना हुँदा जीपमा सवार दुई जनाको घटनास्थलमै मृत्यु भएको प्रहरीले पुष्टि गरेको छ । ९ जना सवार जीपमा घाइते भएका अरूको उद्वारकार्य जारी छ । उद्धारका लागि जिल्ला प्रहरी कार्यालय ओखलढुंगा र सोलुखुम्बुबाट प्रहरी नायव उपरीक्षकको नेतृत्वमा प्रहरी टोली घटनास्थल पुगेको छ । सवारी नम्बर, मृतक र घाइतेको पहिचान खुल्न बाँकी रहेको प्रहरीले जनाएको छ । सडकबाट झरेको जीप भिरमा अड्किएको छ ।      ...

खोटाङ, चैत २९ । खोटाङमा छात्रालाई यौन दुर्व्यवहार गरेको आरोपमा शिक्षक पक्राउ परेका छन् । दिक्तेल रुपाकोट मझुवागढी नगरपालिका–१३ नुनथलास्थित महुरेगढी बहुप्राविधिक शिक्षालयका प्रिन्सिपल ईन्द्रप्रसाद आचार्य पक्राउ परेका हुन् । त्यहाँ अध्ययनरत छात्राहरूले आफूहरूलाई पटकपटक यौनजन्य हिंसा गर्दै आएको र मंगलबार पनि दुई जना छात्राहरूबाट आफूहरूमाथि यौनजन्य हिंसा गरेको भन्ने गुनासो आएपछि नेकपा एमाले र नेकपा माओवादी निकट विद्यार्थीहरूले प्रिन्सिपल आचार्यलाई शिक्षालयमै गएर कालो मोसो दलेका थिए । नेकपा एमालेको विद्यार्थी संगठन अनेरास्ववियु खोटाङका अध्यक्ष मोहन संग्रामले कालो मोसो दलेपछि सोही स्थानमा बोलाएर आचार्यलाई प्रहरीको  जिम्मा लगाइएको बताउनुभयो । एमाले निकट अनेरास्ववियुका तर्फबाट अध्यक्ष संग्राम र माओवादी निकट अनेरास्ववियु (क्रान्तिकारी) की जिल्ला सदस्य रमिला बाँस्तोलाले संयुक्त प्रेस विज्ञप्ति ज...