ताजा अपडेट

खोटाङ, कात्तिक १९ । खोटाङको रावा बेसी गाउँपालिकाले वडामै पुगेर योजना सम्झौता गरेको छ । गाउँपालिकाले वडामै पुगेर योजना सम्झौता गरिदिएपछि उपभोक्तालाई सहज भएको छ । गाउँपालिकाबाट छनोट भएका पालिका स्तरीय एवं वडाबाट छनोट भएका वडा स्तरीय योजनाहरु सम्बन्धित वडा कार्यालयमा पुगेर सम्झौता गरिएको हो । चालु आर्थिक वर्ष २०८०/०८१ मा विनियोजन भएको बजेटबाट सञ्चालन हुने योजनाहरु उपभोक्ताको सहजताका लागि वडामै पुगेर सम्झौता गरिएको गाउँपालिकाका योजना शाखा प्रमुख विनोद राईले बताउनुभयो । कात्तिक १३ गतेबाट सुरु भएको योजना सम्झौता कार्यक्रम १९ गते अर्थात आइतबार (आज) वडा नम्बर ६ हौँचुरमा सञ्चालन भएको थियो । ६ वटा वडा रहेको रावा बेसी गाउँपालिकामा हालसम्म वडा नम्बर ६ हौँचुरसँगै वडा नम्बर २ खार्पा, ४ डुम्रेधारापानी र ५ दुवेकोलका योजनाहरु सम्झौता भइसकेका छन् । वडा नम्बर १ कुभिण्डेमा २१ गते र वडा नम्बर ३ लामिडाँडामा २३...

खोटाङ, कात्तिक १९ । खोटाङको जिल्ला सदरमुकामसमेत रहेको दिक्तेल रुपाकोट मझुवागढी नगरपालिका–१ दिक्तेलस्थित सरस्वती माध्यमिक विद्यालयका शिक्षकहरु शैक्षिक भ्रमणमा निस्किएका छन् । विद्यालय नै बन्द गरेर विद्यालय व्यवस्थापन समिति र शिक्षक अभिभावक संघका पदाधिकारीसहित शिक्षकहरु शैक्षिक भ्रमणमा निस्किएका हुन् । एक साताका लागि कात्तिक १७ गतेबाट समाविको टोली भ्रमणमा निस्किएको बताइएको छ । शिक्षकहरु भ्रमणमा निस्किएपछि विद्यालयमा पठनपाठन प्रभावित भएको छ । नमुना विद्यालयको कार्यक्रम अन्तरगत शिक्षकहरु भ्रमणमा गएको दिक्तेल रुपाकोट मझुवागढी नगरपालिकाका शिक्षा शाखा प्रमुख तीर्थ विश्वकर्माले बताउनुभयो । ‘उहाँहरु नमुना विद्यालयको कार्यक्रम अन्तरगत भ्रमणमा गएको भन्ने जानकारी नगरपालिकामा आएको छ ।’ उहाँले भन्नुभयो, ‘काम विशेषले केही दिन म पनि बाहिर थिएँ, त्यसैले कहिलेसम्म र कहाँ गएको भन्ने मलाई जानकारी छैन् ।’ हप...

खोटाङ, कात्तिक १६ । खोटाङको दिक्तेलस्थित सरस्वती माध्यमिक विद्यालयको प्रधानाध्यापकको विषयमा परेको रिटमा उच्च अदालत विराटनगर अस्थायी इजलास ओखलढुंगाले अन्तरिम आदेश दिन अस्वीकार गरेको छ । प्रकृया मिचेर प्रधानाध्यपक नियुक्त गरेको भन्दै परेको रिट निवेदनमा अदालतले अन्तरिम आदेश दिन अस्विीकार गरेको हो । सरस्वती माविमा केशरकुमार राईले प्रअको रुपमा काम गरिरहेको अवस्थामा शिबहरी ढकाललाई प्रअ नियुक्त गरेको भन्दै नगरपालिका, मेयर तीर्थराज भट्टराई, नगर शिक्षा समिति, शिक्षा विकास तथा समन्वय इकाई लगायत विरुद्ध उच्च अदालतमा उत्प्रेषण मिश्रित परमादेश मुद्धा परेको थियो । पाँच वर्षका लागि प्रअको जिम्मेवारी पाएर काम गरिरहेको अवस्थामा नगरपालिकाले विधि मिच्दै अर्को प्रअ नियुक्ती गर्ने निर्णय गरेका कारण अदालतमा रिट हालेको निवर्तमान प्रअ राईको भनाइ छ । तर न्यायाधीश लेखनाथ पौडेल र न्यायाधीश नातिबाबु लामिछानेकोको सं...

खोटाङ, कात्तिक १५  । नेपाल विद्युत प्राधिकरणका कार्यकारी निर्देशक कुलमान घिसिङ र आयोजनाको लगानी कर्ता एशियाली विकास बैंक (एडिबी) का प्रतिनिधिहरुले दूधकोशी जलाशययुक्त जलविद्युत् आयोजनाको स्थलगत निरिक्षण गरेका छन् । निर्देशक घिसिङसहित एडिबी मनिला हेडक्वाटरबाट रमशे शुक्रमन्याम र एडिबीका नेपाल कन्ट्री डारेक्टर अर्नर्ड कुस्वा बुधबार (आज) आयोजना स्थल रभुँवामा आउनुभएको हो । आयोजनाको पछिल्लो अवस्थाको विषयमा बुझ्न उहाँहरु रभुँवा आउनुभएको प्राधिकरणका उपनिर्देशक एवं दूधकोशी जलाशययुक्त जलविद्युत् आयोजनाका प्रशासन प्रमुख वासु कलौनीले जानकारी दिनुभयो । उहाँहरुले आयोजनाबाट प्रभावित क्षेत्रका जनप्रतिनिधि र नागरिकसँग छलफलसमेत गर्नुभएको छ । प्रभावित क्षेत्रबाट उपस्थित रावा बेसी गाउँपालिकाका अध्यक्ष फटिक कुमार श्रेष्ठ, हलेसी तुवाचुङ नगरपालिकाका मेयर विमला राई र ओखलढुंगाको चिशंखुगढी गाउँपालिकाका अध्यक्ष निसा...

खोटाङ, कात्तिक १४ । खोटाङको दिक्तेल रुपाकोट मझुवागढी नगरपालिकाले पाठेघर खस्ने समस्या भएका महिलाहरुको निःशूल्क अप्रेसन तथा स्वास्थ्य परिक्षण गरिदिने भएको छ । काभ्रेस्थित मेमोरीयल अस्पताल बनेपामा लगेर पाठेघर खस्ने समस्या भएका महिलाहरुको निःशूल्क अप्रेसन तथा स्वास्थ्य परिक्षण गरिदिने भएको हो । सामुदायिक सेवा प्रतिष्ठान मध्यपुरठिमि भक्तपुरको आर्थिक सहयोगमा नगरपालिकाले महिलाहरुको निःशूल्क उपचार गर्न लागेको जनाएको छ । केही समय अघि सबै वडामा पुगेर नगरपालिकाको स्वास्थ्य टोलीले पाठेघर खसेका महिलाहरुको पहिचान गरेको थियो । पहिलो र दोस्रो डिग्रीसम्म समस्या भएका महिलाहरुको पाठेघरमा रिङ प्रेसरी राखेर सोही समयमा उपचार गरिएको नगरपालिकाका जनस्वास्थ्य निरिक्षक खेमराज आचार्यले बताउनुभयो । तेस्रो र चौथो डिग्री समस्या भएका महिलाहरु ३२ जना रहेका छन् । उनिहरुको अप्रेसन नै गर्नु पर्ने भएकाले मेमोरीयल अस्पताल लान...

खोटाङ, कात्तिक १४ । नेकपा एमालेको विद्यार्थी संगठन अनेरास्ववियुको खोटाङ  जिल्ला अधिवेशन मङ्सिरमा हुने भएको छ । २४ औँ जिल्ला अधिवेशन मङ्सिर २९ र ३० गर्ने निर्णय भएको मंगलबार पत्रकार सम्मेलनमार्फत अनेरास्ववियुले जानकारी गराएको हो । सोमबार बसेको आयोजक कमिटीको पूर्ण बैठकले अधिवेशनको मिति टुंगो लगाएको बताइएको छ । ऐसेलुखर्क गाउँपालिका–३ ऐँसेलुखर्कस्थित त्रिभुवन माध्यमिक विद्यालयमा अनेरास्ववियुको अधिवेशन कार्यक्रम हुनेछ । प्राय जिल्ला सदरमुकाम दिक्तेलमा हुने कार्यक्रमलाई यस पटक सदरमुकाम बाहिर लाने निर्णय गरिएको अनेरास्ववियुका केन्द्रीय सदस्य एवं जिल्ला इन्चार्ज मोहन पोखरेलले बताउनुभयो । अधिवेशनका लागि अनेरास्वविय जिल्ला संयोजक यम खड्काको संयोजकत्वमा अधिवेशन मुल व्यवस्थापन समिति, जिल्ला इन्चार्ज पोखरेलको संयोजकत्वमा आर्थिक व्यवस्थापन उपसमिति, जिल्ला सह–संयोजक बिष्णु उपरकोटीको संयोजकत्वमा प्रचार ...

खोटाङ, कात्तिक १४ । खोटाङको केपिलासगढी गाउँपालिका–३ बास्पानीमा अन्तर वडा स्तरीय फुटबल प्रतियोगिता हुने भएको छ । खकलुङ युनाइटेड क्लबले आयोजना गर्न लागेको प्रतियोगिता कात्तिक २३ गतेबाट सुरु हुने बताइएको छ । खकलुङ युनाइटेड क्लबको खोक्मा खेल मैदानमा सञ्चालन हुने प्रतियोगिताको फाइनल खेल कात्तिक २५ गते हुने आयोजकले जनाएको छ । खेलमा सहभागी जनाउन कात्तिक २० गतेभित्र टिम दर्ता गरिसक्नु पर्ने छ । २१ गते खेल तालिका प्रकाशन गरिने खेल संयोजक किरण राईले जानकारी दिए । हरेक वडाले सहभागी जनाउन पाउने खेलको प्रथम टिमले नगद रु ३० हजारसहित ट्रफी र मेडल प्राप्त गर्ने छन् । दोस्रो हुने टिमले नगद रु २० हजारसहित ट्रफी र मेडल पाउने छ । यस्तै, प्रतियोगिताको सेमिफाईनलिस्ट दुबै टिमलाई नगद रु ६÷६ हजार प्रदान गरिने संयोजक राईले बताए । खकलुङ युनाइटेड क्लबले हरेक वर्ष दसैँ र तिहारको अवसर पारेर फुटबल प्रतियोगिता सञ्चालन...

खोटाङ, कात्तिक १३ । बिदा सकिए पनि पठनपाठन नभएको पाइएपछि हलेसी तुवाचुङ नगरपालिकाले विद्यालयलाई स्पष्टीकरण सोधेको छ । दसैँ बिदा सकिएर कात्तिक १२ गतेबाट विद्यालय सञ्चालन हुनु पर्ने भएपनि कतीपय विद्यालयमा पठनपाठन नभएको पाइएको हो । विद्यालय सञ्चालन भएको पहिलो दिन १२ गते अर्थात आइतबार नगरपालिकाको टोली अनुगमनमा पुग्दा विद्यालयमा पठनपाठन नभएको पाइएको बताइएको छ । नगरपालिकाका मेयर विमला राई, सामाजिक विकास शाखा संयोजक रुद्रकुमार राई लगायतको टोली आइतबार विद्यालय अनुगमनमा पुगेको थियो । तर, विद्यालयमा पठनपाठन ठप्प भएको पाइएको हो । सबै शिक्षक र विद्यार्थी उपस्थित नभएकाले विद्यालय समयसम्म पठनपाठन नभएको विद्यालयले जनाएका छन् । आइतबार ३ वटा विद्यालयमा अनुगमन गर्दा विद्यालय नै बन्द रहेको भेटिएको सामाजिक विकास शाखा संयोजक राईले बताउनुभयो । वडा नम्बर १ बाहुनिडाँडास्थित मालिकादेवी माध्यमिक विद्यालय, दुधकोशी आ...

खोटाङ, कात्तिक १२ । खोटाङको दिक्तेलमा सञ्चालित लालुपाते बहुउद्देश्यीय सहकारी संस्था लिमिटेड प्रकरणमा आठ जना पक्राउ परेका छन् । केही समय अघि ३ जनालाई पक्राउ गरेर अनुसन्धान गरिरहेको प्रहरीले आइतबार थप ५ जनालाई पक्राउ गरेको हो । आइतबार पक्राउ पर्नेहरुमा सहकारी सञ्चालक समितिका उपाध्यक्ष अजुर्न चौलागाईँ, सचिव मनोज राई, कोषाध्यक्ष रमा शाक्य, लेखा समिति संयोजक प्रितम श्रेष्ठ र लेखापाल सुमना राई रहेको जिल्ला प्रहरी कार्यालय खोटाङका सूचना अधिकारी (प्रहरी निरीक्षक) बेनु कार्कीले जानकारी दिनुभभयो । यस अघि प्रहरीले सञ्चालक समितिका अध्यक्ष अनिल जोशीका परिवारलाई पक्राउ गरेको थियो । आफूहरुले जम्मा गरेको बचत डुबाएको भन्दै बचतकर्ताले २०७९ फागुन–२ गते सञ्चालक समितिका तत्कालीन अध्यक्ष जोशीको परिवारका पाँचजना सदस्यसहित आठजना बिरुद्ध जिल्ला प्रहरी कार्यालय खोटाङमा जाहेरी दिएका थिए । बचतकर्ताले दिएको जाहेरीको ...

खोटाङ, कात्तिक ११ । पाँच दिनदेखि वेपत्ता खोटाङको दिक्तेल रुपाकोट मझुवागढी नगरपालिका–१५ विजयखर्क बसेरीकी जैसीमाया ढुंगाना खोज्न प्रहरीले कुकुर परिचालन गरेको छ । प्रदेश प्रहरी कार्यालयबाट कुकुर (पुलिस डग) ल्याएर जिल्ला प्रहरी कार्यालय खोटाङका प्रमुख (डिएसपी) पुरुषोत्तम खड्कासहितको प्रहरी टोली घटनास्थल पुगेको छ । प्रमुख जिल्ला अधिकारी सन्त बहादुर सुनार पनि घटनास्थल निरिक्षणका लागि पुग्नु भएको जिल्ला प्रहरी कार्यालय खोटाङका सूचना अधिकारी (प्रहरी निरीक्षक) बेनु कुमार कार्कीले जानकारी दिनुभयो । विजया दशमीको दिन आफन्तकोमा टिका लगाएर घर फर्किनेक्रममा वृद्धा ढुंगना हराएको परिवारले जनाएका छन् । श्रीमानसँगै घर फर्किएकी वृद्धा घर नजिकै बाटोमा हराएको उनिहरुको भनाइ छ । बाटोमा श्रीमान भन्दा केही पछि रहेकी वृद्धा ढुंगाना घर नआएकाले खोजतलासका लागि परिवारले प्रहरीमा निवेदन दिएका थिए । वृद्धा हराएको खबर पा...