ताजा अपडेट

खोटाङ, भदौ १३ । साहित्यकार श्रीराम राईको ‘सञ्चो छौ की बिसञ्चो’ बोलको गीत युटुबमा सार्वजनिक भएको छ । सार्बजनिक भएको १८ दिनसम्म गीतले दर्शकबाट राम्रो प्रतिक्रिया पाएको छ । नयाँ युटुव च्यानल भएका कारण सोँचे जस्तो भ्यिुज भने नपाएको गीतका लेखक राईले बताउनुभयो । राईको यो दोस्रो गीत हो । २०७५ सालमा शिला खनालको स्वरमा ‘मधुमासमै मिठो साथ छुटेपछि रोएँ’ बोलको पहिलो गीत रेकर्ड गराएका राईले पुनः मनमा बी राईको स्वरमा ‘सञ्चो छ कि बिसञ्चो’ बोलको दोस्रो गीत बजारमा ल्याएका हुन् । गीतमा ओमप्रकाश राईले संगीत भरेका छन् । ६ मिनेटको गीतको अडियो ओसन म्यूजिक नेपालको यूटुव च्यानलबाट सार्वजनिक गरिएको छ । गीतमा स्वर दिएकी मनमा बी खोटाङकै उदीयमान गायिका हुन् । १० बर्से शिक्षण पेसा छाडेर २०७२ सालमा काठमाडौं छिरेका दिक्तेल रुपाकोट मझुवागढी नगरपालिका–७,दोर्पा,चिउरीडाँडाका राई साहित्य लेखन र पत्रकारितामा क्रियाशील छन् ।...